મનન દેસાઇ જીતી ગયો ટ્રેડમાર્કનો કેસ, 'કોમેડી ફેક્ટરી' નામનો ઉપયોગ નહીં કરી શકે ચેનલ બોમ્બે હાઇકોર્ટનું સૂચન

ગુજરાતી કોમેડિયન મનન દેસાઇ

ધ કોમેડી ફેક્ટરીના સહ-સ્થાપક મનન દેસાઇએ ચેનલને કાનૂની નોટિસ મોકલી હતી જ્યારે તેને ખબર પડી કે ચેનલ તેમનાં જ ટ્રેડમાર્કવાળા નામ સાથે શો શરૂ કરવાની તૈયારીમાં છે. મનને સાથે વાત કરતાં તેણે કહ્યું કે, જ્યારે મને શો વિશે જાણ થઈ ત્યારે મેં શોના નિર્માતાઓનો સંપર્ક કર્યો હતો અને નામોમાં સમાનતા દર્શાવી હતી. કોમેડી ફેક્ટરીનું ટ્રેડમાર્ક અમારી કંપનીની માલિકીનું છે અને શોના પ્રોમો બહાર પડે તે પહેલા જ મેં તેમનો સંપર્ક કર્યો હતો.

  • Share this:
    એન્ટરટેઇનમેન્ટ ડેસ્ક: લોકપ્રિય સ્ટેન્ડ-અપ કોમેડિયન મનન દેસાઈની (Manan Desai) મુંજવણનો અંત આવી ગયો છે અને તેને હાલમાં જ હાશકારો થયો છે. એક એન્ટરટેઇનમેન્ટ ચેનલ દ્વારા 'કોમેડી ફેક્ટરી' (Comedy Factory) શબ્દનો ઉપયોગ કરી શો શરૂ કરવાની તૈયારીમાં હતી જે મામલે મનન દેસાઇએ તે ચેનલ વિરુદ્ધ બોમ્બે હાઈકોર્ટમાં ટ્રેડમાર્ક ઉલ્લંઘનનો દાવો દાખલ કર્યો હતો. જે મામલે મનન દેસાઇનાં સમર્થનમાં બોમ્બે હાઇકોર્ટે નિર્ણય સંભળાવ્યો છે. અને ચેનલે 'કોમેડી ફેક્ટરી' શબ્દનો ઉપયોગ ન કરવા પર સંમતી દર્શાવી છે. હવે ચેનલ તેનાં શોનું નામ 'કોમેડી શો' રાખશે.

    આ પણ વાંચો- YO YO Honey Singh: પત્નિનો આરોપ- નશાની હાલતમાં રૂમમાં ઘૂસી આવ્યા હતા સસરા, છાતી પર હાથ ફેરવ્યો હતો

    ધ કોમેડી ફેક્ટરીના સહ-સ્થાપક મનન દેસાઇએ ચેનલને કાનૂની નોટિસ મોકલી હતી જ્યારે તેને ખબર પડી કે ચેનલ તેમનાં જ ટ્રેડમાર્કવાળા નામ સાથે શો શરૂ કરવાની તૈયારીમાં છે. મનને ટાઇમ્સ સાથે વાત કરતાં કહ્યું કે, જ્યારે મને શો વિશે જાણ થઈ ત્યારે મેં શોના નિર્માતાઓનો સંપર્ક કર્યો હતો અને નામોમાં સમાનતા દર્શાવી હતી. કોમેડી ફેક્ટરીનું ટ્રેડમાર્ક અમારી કંપનીની માલિકીનું છે અને શોના પ્રોમો બહાર પડે તે પહેલા જ મેં તેમનો સંપર્ક કર્યો હતો. મેં તેમને શોનું નામ બદલવાની વિનંતી કરી હતી પરંતુ તેમ છતાં, શોને સોશિયલ મીડિયા પર સમાન નામથી પ્રમોટ કરવામાં આવી રહ્યો છે. તેથી, અમે બોમ્બે હાઈકોર્ટમાં અરજી કરી અને મનાઈહુકમ માટે વિનંતી કરી. અમારો ઉદ્દેશ શોનું ટેલિકાસ્ટ બંધ કરવાનો હતો કારણ કે તે ખરેખર ઇન્ટરનેટ સ્પેસમાં અમને નુકસાન પહોંચાડી રહ્યું હતું. અમે ટ્રેડમાર્ક કાયદા હેઠળ અમારું નામ નોંધાવ્યું હતું અને કાયદા મુજબ, સમાન નામ અથવા શીર્ષકનો ઉપયોગ કરી શકાતો નથી.

    પત્ની વિદ્યા સાથે મનન દેસાઇ


    મનને ટાઇમ્સ સાથેની વાતચીતમાં જણાવ્યું હતું કે, "તેઓએ પાછળથી કહ્યું કે તેઓ શીર્ષકમાં તેમની ચેનલનું નામ ઉપસર્ગ કરશે પરંતુ અમે તેનો વાંધો ઉઠાવ્યો હતો અને અમારી દલીલ હતી કે તેઓ 'કોમેડી ફેક્ટરી' શબ્દોનો બિલકુલ ઉપયોગ કરી શકતા નથી. છેવટે, તેઓ શોનું નામ સંપૂર્ણપણે બદલવા માટે સંમત થયા અને કોર્ટ દ્વારા એફિડેવિટ દાખલ કરવા માટે કહેવામાં આવ્યું કે તેઓ શીર્ષકનો ઉપયોગ નહીં કરે. મને આનંદ છે કે અમે જીતી ગયા. જ્યારે વિદ્યા (તેની પત્ની) અને હું પણ હારવા તૈયાર હતા, અમે સ્પષ્ટ હતા કે આપણે જે સાચું છે તેના માટે ઉભા રહેવું પડશે.

    આ પણ વાંચો- RAJ KUNDRA CASE: સાગરિકાએ કહ્યું, કોરોનાથી લોકો મરતા હતા ત્યારે આ પોર્નસ્ટાર્સ લાખોની કમાણી કરતાં હતાં
    આ પણ વાંચો-TARAK MEHTA: બબતીજીથી સુંદરવીરા સુધી.. શોમાં હોવા છતાય કેમ નથી જોવા મળી રહ્યાં આ પાત્રો?

    અમને આપણાં ન્યાયતંત્રમાં સંપૂર્ણ વિશ્વાસ હતો અને કેસ દાખલ કરવાનો હેતુ એ હતો કે જે યોગ્ય રીતે જે અમારું છે તેનાં માટે લડવું. આજે આપણે જ્યાં છીએ ત્યાં પહોંચવામાં અમને એક દાયકાનો સમય લાગ્યો છે અને આ વિકાસ પ્રેક્ષકોના મનમાં પણ મૂંઝવણ પેદા કરી રહ્યો હતો. આ આખો એપિસોડ સાબિત કરે છે કે આજના વિશ્વમાં, જ્યાં ડિજિટલ પ્લેટફોર્મ મોટા થઈ ગયા છે, કોઈના ટ્રેડમાર્કની નોંધણી અત્યંત મહત્વની છે કારણ કે જ્યારે આવા મુદ્દાઓ આવે ત્યારે તમારે કાયદાકીય રીતે યોગ્ય હોવું જોઈએ. આ મમલે જ્યારે ચેનલના પ્રતિનિધિઓનું મંત્વ્ય જાણવાં મતેમનો સંપર્ક કરવામાં આવ્યો તો તેઓ આ મામલે કોઇ ટિપ્પણી કરવાં હાજર ન હતાં.
    Published by:Margi Pandya
    First published: