Tu Tevha Tashi: બેન્કરથી અભિનેતા સુધીની સફર, મહારાષ્ટ્રચા સુપરસ્ટાર ફેમ કિરણ ભાલેરાવનો આવી રીતે થયો ઉદય

Tu Tevha Tashi : મરાઠી સિરિયલ તૂ તેવહા તાશી (Tu Tevha Tashi) આ વર્ષે 20 માર્ચથી શરૂ થઇ હતી. આ શોની સ્ટોરીલાઇન અને ધુરંધર પાત્રો પ્રેક્ષકોને ખૂબ જ ગમ્યા છે. ખાસ કરીને અભિનેતા કિરણ ભાલેરાવે (Kiran Bhalerao) ભજવેલા ચંદુ ચિમાનેના પાત્રે દર્શકોને મંત્રમુગ્ધ કરી દીધા છે. સૌરભ પટવર્ધન (સ્વપ્નિલ જોશી) અને અનામિકા દીક્ષિત (શિલ્પા તુલાસ્કર)ની તુલનામાં આ પાત્ર નાનું છે, પરંતુ તે પ્રેક્ષકોમાં છવાઇ ગયું છે.

કિરણનો અભિનય પ્રત્યેનો અપાર પ્રેમ

કિરણને નાનપણથી જ અભિનયમાં રસ હતો અને તે વિવિધ નાટકોનો ભાગ રહી ચુક્યો છે. કૉલેજ પૂરી થયા પછી કિરણે બૅન્કમાં કામ કરવાનું શરૂ કર્યું, પણ થોડા જ સમયમાં એ કંટાળી ગયો હતો. કિરણનો અભિનય પ્રત્યેનો પ્રેમ અપાર હતો અને તેના કારણે તેણે બેંકની નોકરી છોડી દીધી હતી.

કિરણે તેની નોકરી અને અભિનયમાં એક સાથે કામ કરવાનું વિચાર્યું હતું. પરંતુ ટૂંક સમયમાં જ તે પડકારજનક થઈ ગયું હતું. કામ કરતી વખતે તેણે એક એક્ટિંગ પ્રોજેક્ટ માટે ઓડિશન આપ્યું હતું. આ ઓડિશન માટે તેને અમરાવતી બોલાવવામાં આવ્યો હતો. આ સમયે કિરણ મૂંઝવણમાં મુકાયો હતો અને રજા મેળવવા માટે શું કહેવું તે વાતની તેને ખબર નહોતી. આ મુશ્કેલીઓ વધતી જ રહી હતી. ત્યાં કિરણનો અભિનય પ્રત્યેનો શોખ પણ પીછેહઠ ઓછો થઈ રહ્યો હતો.

મહારાષ્ટ્રચા સુપરસ્ટારથી લોકો ઓળખવા લાગ્યા

આખરે કિરણે પોતાના મનની વાત માની લીધી હતી અને બેન્કિંગની નોકરી છોડી દીધી હતી. તેણે પોતાની અભિનય કારકીર્દિને ફૂલ ટાઈમ આગળ વધારવાનું નક્કી કર્યું અને મહારાષ્ટ્રચા સુપરસ્ટારમાં ભાગ લીધો હતો.

ઉલ્લેખનીય છે કે, મહારાષ્ટ્રચા સુપરસ્ટારની શરૂઆત 2009માં થઈ હતી અને અભિનયમાં ઇચ્છુક લોકોને આ પ્રોગ્રામ મંચ પૂરો પાડતો હતો. કિરણ આ સીઝન જીતી શક્યો નહીં, પરંતુ તે આ શોના કારણે જાણીતો ચહેરો બની ગયો હતો. કિરણની લોકપ્રિયતા ટૂંક સમયમાં મોટા સ્તરે પહોંચી હતી અને તે ગણપતિ બાપ્પા મોર્યા જેવા શોનો ભાગ બની ગયો હતો. કિરણને બાજીમાં ખંડેરાવ સરદારનો રોલ પણ મળ્યો હતો.

આ બંને સિરિયલો ઉપરાંત કિરણ સ્ટાર પ્રવાહ પર જીવલાગામાં, સોની સબ પર મંગલમ દંગલમ અને અન્ય સિરિયલમાં પણ જોવા મળે છે. કિરણ લોકપ્રિય સિરિઝ મટકીફોડમાં પણ કોન્સ્ટેબલનો રોલમાં જોવા મળ્યો હતો.

આ પણ વાંચો - ફેન્સની આતુરતાનો અંત! OTT પર આવી રહી છે ભીમલા નાયક, આ સીરિઝ પણ મચાવશે ધૂમ

નોંધનીય છે કે, કિરણના કોમિક ટાઇમિંગ અને સ્વપ્નિલ સાથેના તેના દ્રશ્યોની ખૂબ પ્રશંસા કરવામાં આવી રહી છે. તાજેતરના એપિસોડમાં કિરણ, સ્વપ્નિલ અને શિલ્પાના મજેદાર સિક્વન્સમાં બતાવવામાં આવ્યા છે. અભિદ્ય ભાવે, સુનીલ ગોડબોલે, સુહાસ જોશી અને રૂમાની ખરે પણ આ શોનો હિસ્સો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Latest News, Bollywood News in Gujarati, Tv serial, Tv show