'ગદર 2' બાદ 'ટાઈગર 3'નો સીન થયો લીક, સલમાન ખાનની મૂવીના વિડીયોમાં જોવા મળ્યો ઈમરાન હાશ્મી

આજના આ ડિજિટલ અને સોશિયલ મીડિયાના જમાનામાં આગામી અપકમિંગ મૂવીના સીન અને ફોટો સોશિયલ મીડિયા પર વાયુવેગે વાયરલ થવા સામાન્ય વાત થઈ ગઈ છે. તાજેતરમાં જ ગદર-2ના સેટ પરથી સની દેઓલના એક પાવરફુલ સીનનો વિડીયો સામે આવ્યો હતો. હવે સલમાન ખાનની ટાઈગર 3ના સેટ પરથી એક વિડીયો વાયરલ થયો છે.

જો કે આ પહેલા પણ દબંગ ખાનના લુકની તસવીરો વાયરલ થઈ ચૂકી છે, જેને જોઈને ફેન્સની ઉત્તેજના વધી ગઈ હતી, પરંતુ હવે વાયરલ વિડીયો જોયા બાદ સલમાન ખાનના ફેન્સ ફિલ્મની રિલીઝની આતુરતાથી રાહ જોઈ રહ્યા છે.

આ પણ વાંચો :  Hot દેખાવાના ચક્કરમાં રશ્મિકા મંદાનાએ પહેરી લીધો એવો બોલ્ડ ડ્રેસ, લોકો ઉર્ફી સાથે કરવા લાગ્યા સરખામણી

સોશિયલ મીડિયા પર વાયરલ થયેલા વિડીયોમાં સલમાન ખાન નહીં, પરંતુ ફિલ્મ ટાઈગર 3માં તેનો કો-સ્ટાર ઈમરાન હાશ્મી નજરે ચડ્યો છે. ટાઇગર 3ના સેટ પરથી વાયરલ થયેલા આ કથિત વિડીયોમાં ચોતરફ ધુમાડો જોવા મળી રહ્યો છે, જેના કારણે ચાહકો અનુમાન લગાવી રહ્યા છે કે આ એક એક્શન સીન છે. તે જ સમયે ચાહકો આ વિડીયોમાં ઈમરાન હાશ્મીના વખાણ કરતા જોવા મળે છે. સાથે જ તેઓ સલમાનની એક્શન ફિલ્મ જોવા માટે બેતાબ દેખાઈ રહ્યા છે.

Emraan Hashmi from #Tiger3 🔥🔥Mahn look at his physique!!

Battle between him & Salman Khan will be treat to watch!! pic.twitter.com/Qk5NeTI0vE

— . (@Salman_Rules) February 24, 2023

અગાઉ સલમાન ખાનની અન્ડર-પ્રોડક્શન ફિલ્મ ટાઈગર 3ના સેટ પરથી તેનો નવો લૂક ઇન્ટરનેટ પર સામે આવ્યો હતો. આ તસવીરો રશિયામાં ફિલ્મના સેટની છે, જ્યાં સલમાન ખાન અને કેટરિના કૈફ શૂટિંગ માટે ગયા હતા. તે જ સમયે તેના લુકને ઓળખવો ખૂબ મુશ્કેલ હતો. સલમાન ગ્રેશ બ્રાઉન દાઢી, લાંબા વાળ, લાલ બેન્ડ, સફેદ ટી, વાદળી જીન્સ અને લાલ જેકેટમાં જોવા મળ્યો હતો. આ તસવીરોમાં સલમાન ખાનનો ભત્રીજો નિર્વાન પણ ટાઈગર 3ના સેટ પર તેની બાજુમાં ઉભો જોઈ શકાય છે.

આ પણ વાંચો:  રિવિલિંગ ગોલ્ડન ડ્રેસમાં જેક્લીન બની 'સોન પરી', ઇન્ટરનેટ પર એક્ટ્રેસનો સિઝલિંગ લુક છવાયો

ટાઈગરની ત્રીજી સિક્વલ :

ટાઇગર 3એ કબીર ખાનની ટાઇગર ફિલ્મ સીરિઝનો ત્રીજો ભાગ છે. પહેલો ભાગ - એક થા ટાઈગર - 2012માં રિલીઝ થયો હતો, જ્યારે ટાઈગર ઝિંદા હૈ 2017માં થિયેટરોમાં હિટ થયો હતો. ત્રીજા ભાગમાં પણ સલમાન ખાને સ્પેશિયલ એજન્ટ અવિનાશ સિંહ રાઠોડના રોલને રિપ્રાઇઝ કર્યો છે, જ્યારે કેટરીના કૈફે ફરીથી ઝોયા હુમાનીની ભૂમિકા ભજવી હતી.



તે જ સમયે ઇમરાન હાશ્મી પણ આ ફિલ્મમાં મહત્વપૂર્ણ ભૂમિકામાં જોવા મળશે. આ પહેલા આ ફિલ્મને લઈને એક વિડીયો પણ રિલીઝ કરવામાં આવ્યો છે. આમ હવે સલમાનના ચાહકો ભાઈજાનની વધુ એક એક્શન થ્રીલર માટે આતુરતાથી રાહ જોઇને બેઠાં છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Actor salman khan, Salman Khan Movie, Tiger, Tiger Zinda hai