Home /News /entertainment /

The Kapil Sharma Show: ઉદિત નારાયણને કૃષ્ણા અભિષેકે કહ્યું- તમને જોઈને મામાજી યાદ આવી ગયા

The Kapil Sharma Show: ઉદિત નારાયણને કૃષ્ણા અભિષેકે કહ્યું- તમને જોઈને મામાજી યાદ આવી ગયા

‘ધ કપિલ શર્મા શો’નો આ લેટેસ્ટ એપિસોડ સંગીત, રસપ્રદ કિસ્સા અને હાસ્યથી ભરપૂર રહ્યો (તસવીર - ધ કપિલ શર્મા શો)

the kapil sharma show news- ‘ધ કપિલ શર્મા શો’ના નવા એપિસોડમાં જાણીતાં ગાયક ઉદિત નારાયણ, કુમાર સાનૂ અને અનુરાધા પૌડવાલ સ્પેશ્યલ ગેસ્ટ તરીકે જોવા મળ્યા હતા, જેમણે 90ના દાયકાની યાદોને વાગોળી

    મુંબઈઃ ટીવી જગતનો હિટ કોમેડી શો ‘ધ કપિલ શર્મા શો’ (The Kapil Sharma Show)6 મહિનાના બ્રેક બાદ ફરી દર્શકોને હસાવવા માટે પાછો આવી ગયો છે. આ સાથે શોમાં જુદા-જુદા સેલિબ્રિટીની એન્ટ્રીનો સિલસિલો પણ શરૂ થઈ ગયો છે. નવી સિઝનના પહેલા એપિસોડથી જ કપિલ શર્મા (Kapil Sharma)અને તેની કોમેડિયન ટીમ દર્શકોનું મનોરંજન કરતી આવી છે. શો ના નવા એપિસોડમાં જાણીતાં ગાયક ઉદિત નારાયણ (Udit Narayan), કુમાર સાનૂ (Kumar Sanu)અને અનુરાધા પૌડવાલ (Anuradha Paudwal)ગેસ્ટ તરીકે જોવા મળ્યા છે. તેઓ આ શોમાં સંગીત સાથે જૂની યાદો લઈને પણ આવશે.

    ‘ધ કપિલ શર્મા શો’નો આ લેટેસ્ટ એપિસોડ સંગીત, રસપ્રદ કિસ્સા અને હાસ્યથી ભરપૂર રહ્યો. એપિસોડની શરૂઆત કુમાર સાનૂના ગીત ‘ધીરે ધીરે સે મેરી ઝિંદગી મેં આના’થી થઈ જેના પર કપિલ શર્માએ ડાન્સ કર્યો હતો. ત્રણેય ગાયકોએ ‘ચાંદ સિતારે’, ‘મેં નિકલા ગડ્ડી લેકે’ અને ‘તમ્મા તમ્મા’ સહિત પોતાના હિટ ગીત પર પરફૉર્મ કર્યું હતું. અનુરાધા પૌડવાલે ઉદિત નારાયણ સાથે માધુરી દિક્ષિતનું લોકપ્રિય ગીત ‘ધક ધક’ પણ ગાયું. તેમણે પોતાના વ્યક્તિગત જીવન સાથે જોડાયેલા રસપ્રદ કિસ્સા પણ શેર કર્યા. કપિલે કુમાર સાનૂને પૂછ્યું કે તેમણે પોતાનું નામ કેદારનાથ ભટ્ટાચાર્ય કેમ બદલી નાખ્યું? ત્યારે કુમાર સાનૂએ કપિલને કહ્યું કે, ‘કલ્યાણજી-આણંદજીની સંગીતકાર જોડીમાંથી કલ્યાણજીએ તેમને આ નામ એટલે આપ્યું કેમ કે તેમણે બંગાળી લહેકા સાથે વાત કરી હતી અને સંગીતકાર તેમને અસ્પષ્ટ નામ આપવા માગતા હતા, જેથી ઇન્ડસ્ટ્રીમાં તેઓ ટાઈપકાસ્ટ ન થાય.

    આ પણ વાંચો - Happy Birthday Mahesh Bhatt: એક સમયે વિનોદ ખન્નાના સેક્રેટરી હતા મહેશ ભટ્ટ, જાણો રસપ્રદ વાત

    તો ઉદિત નારાયણે મજાકમાં અનુરાધા પૌડવાલને કહ્યું કે જો હું તમારા લગ્ન પહેલા તમને મળ્યો હોત તો શું થાત? અનુરાધાએ જવાબ આપ્યો કે- ‘તો કદાચ મારું નામ અલકા જ રહેત.’ બીજી તરફ કપિલે મસ્તીમાં કહ્યું કે ઉદિત નારાયણે પાંચ મિનિટમાં 10 વખત પૌડવાલનો હાથ સ્પર્શ્યો. ઉદિત નારાયણે કહ્યું કે યાજ્ઞિક અને પૌડવાલ સાથે રોમાન્સ કરીને તેમના ગીતો પર રોમાન્સ કરવો જરૂરી છે.




    તો સપનાં તરીકે કૃષ્ણા અભિષેકની એન્ટ્રી શોની સૌથી આકર્ષક ક્ષણમાંથી એક હતી. કૃષ્ણાએ આવીને આગવા અંદાજમાં મહેમાનોને હસાવવાનું શરુ કરી નાખ્યું હતું. કૃષ્ણાએ ઉદિત નારાયણને જોઈને કહ્યું કે, તમને જોઈને મામાજી યાદ આવી ગયા. આમ કહેતા જ કપિલ અને અર્ચના પૂરણ સિંહ હસવા લાગ્યા હતા.

    વાત એમ છે કે, ગોવિંદા અને કૃષ્ણા અભિષેક વચ્ચેની ખટપટ કોઈથી છાની નથી. બંનેના કુટુંબ વચ્ચે પણ આ વાતને લઈને એકબીજા સામે નિવેદનો આવ્યા કરે છે. હાલમાં જ જ્યારે ગોવિંદા શોમાં આવ્યો ત્યારે કૃષ્ણાએ એપિસોડ શૂટ કરવાની ના પાડી દીધી. ત્યાં જ બીજી બાજુ ગોવિંદાની પત્ની સુનીતા આહૂજાએ એક ઈન્ટરવ્યૂમાં કહ્યું હતું કે, તે ક્યારેય કૃષ્ણાનો ચહેરો જોવા માંગતી નથી. ત્યાર પછી કોમેડિયને કહ્યું કે તે માફી માગી રહ્યો છે અને મતભેદ ભૂલવા માગે છે.
    Published by:Ashish Goyal
    First published:

    Tags: Kapil Sharma, The kapil sharma show, Udit Narayan

    આગામી સમાચાર