મોતના એક દિવસ પહેલા સુધી સુશાંતની જિંદગીમાં બધું ઠીક હતું? બેન્ક ડિટેલ્સથી ઊભા થયા સવાલ

આનંદ તિવારી, મુંબઈઃ સુશાંત સિંહ રાજપૂત મોત મામલા (Sushant Singh Rajput Death Case)માં સીબીઆઈ (CBI), ઈડી (ED) અને અનેસીબી (NCB)ની તપાસ ચાલી રહી છે. આ કેસમાં ડ્રગ્સ કનેક્શન સામે આવ્યા બાદ સુશાંતની લિવ-ઇન પાર્ટનર રહી ચૂકેલી રિયા ચક્રવર્તી (Rhea Chakraborty) હાલ ભાયખલા જેલમાં કેદ છે. રિયાનો ભાઈ શૌવિક ચક્રવર્તી પણ 14 દિવસની જ્યૂડિશિયલ કસ્ટડીમાં છે. News18ને સુશાંત સિંહની બેન્ક ડિટેલ્સ મળી છે જે તેના મોતના એક દિવસ પહેલા એટલે કે 13 જૂન સુધીની છે. સુશાંત 14 જૂને પોતાના અપાર્ટમેન્ટમાં મૃત હાલતમાં મળી આવ્યો હતો.

સુશાંતની બેન્ક ડિટેલ્સથી અનેક સવાલ ઊભા થઈ રહ્યા છે. સવાલ એ છે કે શું સુશાંતની જિંદગીમાં 13 જૂન સુધી બધું સામાન્ય હતું? જો હા તો અચાનક 14 જૂને એવું શું થયું? જે તેનું રહસ્યમય રીતે મોત થઈ ગયું? કારણ કે દર મહિનાની જેમ સુશાંત તમામ જવાબદારીઓ નિભાવી રહ્યો હતો. તેના બેન્ક એકાઉન્ટ્સની વિગતો જોઈને તેનો અંદાજો લગાવી શકાય છે.

સુશાંતની બેન્ક એકાઉન્ટ્સ ડિટેલ્સમાં શું છે ખાસ?

1. 13 જૂન 2020ના રોજ સુશાંતે 29 હજાર રૂપિયાનું પેમેન્ટ કર્યું. આ પેમેન્ટ તેણે પોતાની કેટલીક ગેમ્સ સાથે જોડાયેલી ચીજો માટે કર્યું હતું.

2. 13 જૂન 2020ના રોજ જ સુશાંતે પોતાના ડૉક્ટરને 10 હજાર રૂપિયા કન્સ્લન્ટિંગ ચાર્જ ચૂકવ્યો હતો.

3. 13 જૂને સુશાંતે પોતાના બેન્ક એકાઉન્ટથી 4500 રૂપિયા ટ્રાન્સફર કર્યા.

4. 11 જૂને તેણે પોતાના ફ્લેટનું ભાડું 3.87 લાખ રૂપિયા આપ્યું. બેન્ક ડિટેલમાં આ લખેલું પણ છે.

5. 8 જૂને સુશાંતે એક એકાઉન્ટથી બીજા એકાઉન્ટમાં 50 હજાર રૂપિયા ટ્રાન્સફર કર્યા.

આ પણ વાંચો, વડાપ્રધાન નરેન્દ્ર મોદીના 5 મોટા નિર્ણય જેણે બદલી દીધી દેશની દશા અને દિશા

6. 8 જૂને 10 હજાર રૂપિયા ટ્રાન્સફર થયાની વિગત છે. તે મોબાઇલ બેન્કિંગના માધ્યમથી કરવામાં આવ્યું હતું.

7. 8 જૂને સુશાંતે અઝીમ ટ્રાવેલ્સને 12,832 રૂપિયા પેમેન્ટ કર્યું.

8. આ જ દિવસે એક્ટરે પોતાના ફાર્મ હાઉસ પવાનાના સ્ટાફનો પગાર 46,400 રૂપિયા ચૂકવ્યા.

9. સુશાંતે 8 જૂને પોતાના ડૉગીના ખાવા-પીવાની વસ્તુઓ ખરીદવા માટે 6,200 રૂપિયાનું પેમેન્ટ કર્યું હતું.

10. 8 જૂને જ સુશાંત સિંહે પોતાના સ્ટાફ નીરજની સેલરી 15,820 રૂપિયા આપી હતી.

11. 8 જૂને જ 20 હજાર રૂપિયાની વિગત પણ જોવા મળે છે.

આ પણ વાંચો, વિદેશી બજારોમાં સોનાનો ભાવ ગબડ્યો, ભારતીય બજારોમાં આજે થઈ શકે છે સસ્તું

12. 28 માર્ચે સુશાંતના બેન્ક ખાતાથી 40 હજાર રૂપિયાનું ટ્રાન્ઝેક્શન થયું. સુશાંતના પવાના ફાર્મ હાઉસ પર ફિલ્મ છિછોરેની સક્સેસ પાર્ટી યોજાઈ હતી.

13. 28 માર્ચે જ PAWNA CHICHORE પાર્ટી માટે 40 હજારની વધુ એક એન્ટ્રી જોવા મળે છે. NCBના સૂત્રોનું માનીએ તો આ પાર્ટીમાં જ ડ્રગ્સનો ઉપયોગ કરવામાં આવ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: NCB, Rhea Chakraborty, Sushant singh rajput, ઇડી, ડ્રગ્સ, બોલીવુડ, સીબીઆઇ