સોમી અલીએ ફરી સલમાન ખાન પર લગાવ્યા ગંભીર આરોપ, કહ્યું તે મને માર મારતો અને ગંદી ગાળો પણ ભાંડતો

મુંબઈઃ હિન્દી સિનેમાના સુપરસ્ટાર સલમાન ખાનની ભૂતપૂર્વ ગર્લફ્રેન્ડ સોમી અલી તેની બોલ્ડ અદાઓ માટે જાણીતી છે. ભૂતકાળમાં, સોમીએ સલમાન ખાન સાથેના સંબંધોને લઈને ઘણા મોટા ખુલાસા કર્યા છે. 90ના દાયકામાં સલમાન ખાન સાથે ઘણા વર્ષો સુધી રિલેશનશિપમાં રહેલી સોમી અલીએ અભિનેતા પર મારપીટ જેવા ઘણા ગંભીર આરોપો લગાવ્યા છે. પરંતુ આ વખતે સોમી અલીએ સલમાન ખાન પર મોટો ખુલાસો કર્યો છે અને કહ્યું છે કે સલમાન તેની ઘરની નોકરાણીની સામે પણ તેની સાથે મારપીટ કરતો હતો.

લાંબા સમયથી સલમાન ખાન વિરુદ્ધ અવાજ ઉઠાવનાર સોમી અલીએ આ વખતે પણ ચોંકાવનારો ખુલાસો કર્યો છે. સોમી અલીએ તેના ઓફિશિયલ ઈન્સ્ટાગ્રામ હેન્ડલ પર એક પોસ્ટ શેર કરી છે. આ પોસ્ટમાં સોમીએ સલમાન ખાન પર ગંભીર આરોપ પણ લગાવ્યા છે. સાથે જ સોમીએ કહ્યું કે તે દરમિયાન મારી આસપાસ રહેતા તમામ લોકોને ખબર હતી કે તે (સલમાન ખાન) મારું શારીરિક શોષણ કરશે.

View this post on Instagram

A post shared by Somy Ali (@realsomyali)

આ પણ વાંચોઃ બોલિવૂડમાં 99 ટકા લોકો ડ્રગ્સ લેતા નથી: યોગી આદિત્યનાથ સાથે મુલાકાત કરી સુનીલ શેટ્ટીએ કરી આ ભલામણ

સોમીએ વધુમાં કહ્યું હતું કે તેણે અનેકવાર મેકઅપની મદદથી ઈજાના નિશાન છુપાવ્યા હતા. સલમાને તેની સાથે જે કર્યું તે કંઈ નવી વાત નથી, કારણ કે તેણે અનેક યુવતીઓની સાથે આમ કર્યું છે. નોંધનીય છે કે સોમી અલીએ ભૂતકાળમાં અનેકવાર સલમાન વિરુદ્ધ વાત કરી છે.

ઐશ્વર્યાને કારણે સંબંધો તૂટ્યા

સોમીએ કહ્યું હતું કે સલમાન તેનો પહેલો બોયફ્રેન્ડ હતો. જોકે ઐશ્વર્યા રાય વચ્ચે આવી ગઈ અને તેમના સંબંધો તૂટી ગયા. સોમીએ કહ્યું હતું, 'જ્યારે હું ટીનેજર હતી ત્યારે સલમાન પર ક્રશ થયો હતો. આ ક્રશને કારણે હું ફ્લોરિડાથી ઇન્ડિયા આવી હતી. મેં લગ્ન કરવા માટે માત્ર ને માત્ર ફિલ્મમાં કામ કર્યું.' 1997માં સલમાનની નિકટતા 'હમ દિલ દે ચૂક સનમ'ના સેટ પર ઐશ્વર્યા તથા સલમાનની નિકટતાને કારણે સોમી સાથેના સંબંધો તૂટ્યા હતા.



વધુમાં સોમીએ કહ્યું હતું તેના મેકઅપ આર્ટિસ્ટ અજય શેલાર તેની ગરદન તથા બૉડીના અન્ય હિસ્સામાં મેકઅપ લગાવીને ઈજાના નિશાન છુપાવતો હતો. સ્ટૂડિયોમાં તમામ પ્રોડ્યૂસરે તેની હાલત જોઈ હતી અને તે ઈચ્છે છે કે તે પબ્લિકલી તેની માફી માગે, પરંતુ તે આવું કરશે નહીં, કારણ કે તે ઘણો જ અભિમાની વ્યક્તિ છે.

" isDesktop="true" id="1315344" >

સલમાને માફી માંગવી જોઈએ

સલમાન ખાન પર આરોપ લગાવવાની સાથે સોમી અલીનું કહેવું છે કે તે ઈચ્છે છે કે સલમાન તેની જાહેરમાં માફી માંગે. એટલું જ નહીં, સોમી પણ ઈચ્છે છે કે ભારતમાં સલમાન દ્વારા પ્રતિબંધિત કરાયેલા તેના શો પર તાત્કાલિક પ્રતિબંધ મૂકવામાં આવે. સોમીના ઇન્સ્ટાગ્રામ પર, તમે મોટાભાગની પોસ્ટ્સ ફક્ત સલમાન ખાનની વિરુદ્ધ જોવા મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Actor salman khan, Bollywood news in hindi, વિવાદ