શ્રદ્ધા કપૂરનો એક્સ બોયફ્રેન્ડ નીકળ્યો લિયોનેલ મેસ્સીનો ફેન, ફોટો લેતી વખતે ધ્રૂજતા હતા હાથ, જણાવી આખી વાત

નવી દિલ્હીઃ બોલિવૂડ એક્ટ્રેસ શ્રદ્ધા કપૂરનું ફોટોગ્રાફર રોહન શ્રેષ્ઠ સાથે થોડા મહિના પહેલા બ્રેકઅપ થયું હતું. રોહન શ્રેષ્ઠે શાહરૂખ ખાન, કરીના કપૂર, આલિયા ભટ્ટ અને અન્ય લોકપ્રિય સેલેબ્સ સાથે કામ કર્યું છે. તેને ફૂટબોલના દિગ્ગજ લિયોનેલ મેસ્સી સાથે કામ કરવાની તક મળી, તેથી તેનું સપનું સાકાર થયું. તેણે ગુરુવારે તેના ઇન્સ્ટાગ્રામ હેન્ડલ પર એક પોસ્ટ શેર કરીને લિયોનેલ મેસ્સી સાથે કામ કરવા અંગેની ખુશી વ્યક્ત કરી હતી.

તેણે નોટમાં ફૂટબોલરનો મોટો ચાહક હોવાની કબૂલાત પણ કરી હતી. મેસ્સી સાથે ફોટોશૂટની શરૂઆતમાં તેના હાથ ધ્રૂજતા હતા. ભાવનાત્મક નોંધની સાથે, તેણે ફોટોશૂટની ઘણી તસવીરો અને વિશ્વ ફૂટબોલ ચેમ્પિયન લિયોનેલ મેસ્સી સાથેની સેલ્ફી પોસ્ટ કરી.

તેણે લખ્યું, 'આ બધું એક વોટ્સએપ મેસેજથી શરૂ થયું જે મને મારા અદ્ભુત મિત્ર તરફથી મળ્યો હતો. તેણે પૂછ્યું, ‘શું તું મેસ્સીનો ચાહક છે?’ મેં કહ્યું – ‘યાર, હું  પૂજા કરું છું.’ તેણે પૂછ્યું – ‘ઠીક છે, તો શું તને તેના ફોટા પાડવામાં રસ હશે?’ ત્યારબાદ મારા જીવનનો સૌથી સારી ઘટના મેસીનું ફોટોશુટ કરવુ હતુ.



આ પણ વાંચો : ઉષા ઊઠુપ પર બનશે બાયોપિક? 'કોણ તેની ભૂમિકા ભજવશે?' ફેન્સે એક અભિનેત્રીનું નામ લીધું, જાણો

રોહને આગળ કહ્યું, 'આ શૂટની શરૂઆતમાં મારા હાથ ખરેખર ધ્રુજતા હતા. હું પહેલા ગભરાઈ ગયો હતો. મારે મિત્રોને શાંત કરવા માટે બોલાવવા પડ્યા.' શૂટ ખૂબ જ સરળ હતું અને અંતે લિયોનેલ મેસીને તેની ટીમ દ્વારા કહેવામાં આવ્યું કે હું એક મોટો પ્રશંસક છું અને શૂટના અંતે તેણે આવીને મને ગળે લગાવ્યો.' રોહને આ તસવીરો શેર કરી આ શૂટિંગ દોઢ મહિના પહેલા જ થયું હતું. જ્યારે તેના મિત્રોએ રોહનને પૂછ્યું કે તે હવે તેનો ફોટો કેમ શેર કરી રહ્યો છે તો તેણે કહ્યું, "હું તેના વર્લ્ડ કપ જીતવાની રાહ જોઈ રહ્યો હતો."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood actress, Lionel Messi, Photoshoot