શાહિદે મીરા સામે જ સ્વિકાર્યુ, મારી Ex GFએ આપ્યો હતો મને દગો..!

શોનો એક પ્રોમો વીડિયો હાલમાં વાઇરલ થઇ રહ્યો છે. જેમાં નેહા કેટલાંક પર્સનલ સવાલ મીરા અને શાહિદને પુછી રહી છે. જેનાં તે ખુબજ મસ્તીથી જવાબ આપે છે

News18 Gujarati
Last Updated : March 20, 2018, 18:52 IST

મુંબઇ: શાહિદ કપૂર પત્ની મીરા રાજપૂત સાથે નેહા ધૂપિયાના ટોક શો BFFs with Vogueમાં જોવા મળવાનો છે. આ શોનો એક પ્રોમો વીડિયો હાલમાં વાઇરલ થઇ રહ્યો છે. જેમાં નેહા કેટલાંક પર્સનલ સવાલ મીરા અને શાહિદને પુછી રહી છે. જેનાં તે ખુબજ મસ્તીથી જવાબ આપે છે.

હોસ્ટ નેહા ધૂપિયાએ શાહિદને સવાલ કર્યો હતો કે શું કોઈએ તમારી સાથે છેતરપિંડી કરી છે? જો હા તો કોણ હતી એ? આ સવાલના જવાબમાં શાહિદ કપૂર હસવા લાગ્યો હતો. અને કહ્યું હતું કે, મારી એક્સ ગર્લફ્રેન્ડે દગો આપ્યો હતો. નેહાના આ સવાલને આગળ વધારતા મીરાએ જ સવાલ પૂછ્યો કે તેણે કેટલી યુવતીઓ સાથે ચિટિંગ કરી છે?

When you're married to your BFF... <3!
Catch @ShahidKapoor & #MiraRajputKapoor on the season finale of #BFFsWithVogue, this Saturday at 8 PM on @Colors_Infinity.
Presented by @JeepIndia | Powered by @MotorolaIndia | Beauty partner @MyNykaa pic.twitter.com/hPFmUCd5t0

— Colors Infinity (@colors_infinity) March 19, 2018

નેહાના સવાલ પર શાહિદે જણાવ્યું હતું કે એકને લઈને તો હું શ્યોર છું. બીજીનું કશું જ ન કહી શકું. શાહિદ-મીરાએ BFFs with Vogue માટે સાથે શૂટ કર્યું હતું. આ દરમિયાન કપલે પોતાના લાઈફ સાથે જોડાયેલી અનેક વાતો કરી હતી. નેહાએ મીરાને સવાલ કર્યો કે પાર્ટીમાં સૌથી બોરિંગ સેલેબ્સ કોણ હોય છે? આ સવાલ પર મીરાએ શાહિદનું નામ લીધું હતું. જોકે તેણે બાદમાં મજાક કરી રહી છું તેમ કહીંને હસવામાં આ વાત કાઢી નાખી હતી.