Home /News /entertainment /બોલિવૂડનો આ દિગ્ગજ અભિનેતા કાંઝાવાલા કેસમાં પીડિત પરિવારની મદદ માટે આગળ આવ્યો

બોલિવૂડનો આ દિગ્ગજ અભિનેતા કાંઝાવાલા કેસમાં પીડિત પરિવારની મદદ માટે આગળ આવ્યો

દિલ્હીના સુલતાનપુરી-કાંઝાવાલા કેસમાં પીડિત અંજલિ સિંહના પરિવારની મદદ માટે બોલિવૂડ સ્ટાર્સે કરી મદદ

અંજલિના મામાના કહેવા પ્રમાણે, ગત સાંજે મીર ફાઉન્ડેશન વતી મૃતકના પરિવારજનોને આર્થિક મદદ સોંપવામાં આવી હતી. તેને કેટલા પૈસા મળ્યા તે અંગે તેમણે કશું કહ્યું ન હતું. 1 જાન્યુઆરીની મધ્યરાત્રિએ લગભગ 2:30 વાગ્યે દિલ્હીના કાંઝાવાલા વિસ્તારમાં 'હિટ એન્ડ રન' કેસમાં 20 વર્ષીય અંજલિ સિંહનું મૃત્યુ થયું હતું.

વધુ જુઓ ...
    નવી દિલ્હીઃ રાજધાની દિલ્હીના સુલતાનપુરી-કાંઝાવાલા કેસમાં પીડિત અંજલિ સિંહના પરિવારની મદદ માટે બોલિવૂડ અભિનેતા શાહરૂખ ખાન આગળ આવ્યો છે. શાહરૂખ ખાનની એનજીઓ મીર ફાઉન્ડેશન દ્વારા અંજલિના પરિવારને આર્થિક મદદ આપવામાં આવી છે. અંજલિના મામાના કહેવા પ્રમાણે, ગત સાંજે મીર ફાઉન્ડેશન વતી મૃતકના પરિવારજનોને આર્થિક મદદ સોંપવામાં આવી હતી. તેને કેટલા પૈસા મળ્યા તે અંગે તેમણે કશું કહ્યું ન હતું. 1 જાન્યુઆરીની મધ્યરાત્રિએ લગભગ 2:30 વાગ્યે દિલ્હીના કાંઝાવાલા વિસ્તારમાં 'હિટ એન્ડ રન' કેસમાં 20 વર્ષીય અંજલિ સિંહનું મૃત્યુ થયું હતું.

    બલેનો કારે અંજલિ (સુલતાનપુરી-કાંઝાવાલા કેસની પીડિતા અંજલિ સિંહ)ની સ્કૂટીને ટક્કર મારી, જેમાં તે કારની નીચે ફસાઈ ગઈ. કારે તેને 12 કિલોમીટર સુધી ઢસેડી હતી ગઈ. અંજલિની લાશ રોડ પર નગ્ન અવસ્થામાં મળી આવી હતી. મળતી માહિતી મુજબ પીડિતા તેના ઘરમાં એકમાત્ર કમાનાર હતી. તેની માતાની તબિયત ખરાબ છે અને તેના ભાઈ-બહેન હજુ નાના છે. મીર ફાઉન્ડેશનની નાણાકીય સહાયનો હેતુ ખાસ કરીને અંજલિની માતાને તેની સારવાર અને તેના ભાઈ-બહેનના શિક્ષણમાં મદદ કરવાનો છે. તમને જણાવી દઈએ કે SRKએ પોતાના પિતા મીર તાજ મોહમ્મદ ખાનના નામે મીર ફાઉન્ડેશનની સ્થાપના ચેરિટેબલ સંસ્થા તરીકે કરી છે. દિલ્હી પોલીસે ઉપરોક્ત કેસમાં અત્યાર સુધીમાં 7 આરોપીઓની ધરપકડ કરી છે, જેમાં 4 લોકો સવાર હતા.

    આ પણ વાંચોઃ અંજલિની મિત્ર નિધિને લઈને મોટો ઘટસ્ફોટ! ડ્રગ્સના કેસમાં ધરપકડ થઈ ચૂકી છે, જામીન પર બહાર છે

    સાતમા આરોપી અંકુશ ખન્નાએ આત્મસમર્પણ કર્યું, ધરપકડ થઈ


    દિલ્હી પોલીસે આ કેસમાં ગઈકાલે સાતમા આરોપી અંકુશ ખન્નાની ધરપકડ કરી છે. અંકુશે શુક્રવારે સાંજે સુલતાનપુરી પોલીસ સ્ટેશનમાં આત્મસમર્પણ કર્યું હતું. દિલ્હી સરકારે પીડિત પરિવારની મદદ માટે 10 લાખ રૂપિયાની મંજૂરી આપી દીધી છે. 3 જાન્યુઆરીએ મુખ્યમંત્રી અરવિંદ કેજરીવાલે પીડિત અંજલિ સિંહના પરિવારને આર્થિક સહાયની જાહેરાત કરી હતી. દરમિયાન, અંજલિના મિત્ર હોવાનો દાવો કરતા એક યુવકે ન્યૂઝ18 ઈન્ડિયા સાથેની વાતચીતમાં દાવો કર્યો હતો કે તે 31 ડિસેમ્બર, 2022ની રાત્રે અંજલિ અને તેના અન્ય મિત્રો સાથે હોટેલમાં હાજર હતો. યુવકે ન્યૂઝ 18 ઈન્ડિયા પર હોટેલમાં તે રાત્રે શું થયું તેની આખી કહાણી જણાવી હતી.


    અંજલિના એક મિત્રએ તે રાત્રે હોટેલમાં શું થયું તે જણાવ્યું


    પોતાને અંજલિની મિત્ર ગણાવનાર યુવકના કહેવા પ્રમાણે, 'હું અંજલિ સાથે ઘણા સમયથી વાત કરતો નહોતો. હું તેને 2 વર્ષથી ઓળખું છું. અમારી બંને વચ્ચે ઝઘડો થયો. તે દિવસે મને પાર્ટીમાં આવવા માટે તેના તરફથી 6-7 ફોન આવ્યા. એક છોકરો મને લેવા આવ્યો, પછી હું હોટેલ પર પહોંચ્યો. બે રૂમ બુક કરાવ્યા હતા, પાર્ટી ચાલી રહી હતી, બધા દારૂ પી રહ્યા હતા. અંજલિ અને નિધિ વચ્ચે પૈસાને લઈને વિવાદ શરૂ થયો. નિધિ અંજલિ પાસે તેના પૈસાની માંગણી કરતી હતી. આ જોઈને બંનેએ એકબીજા સાથે ઝઘડો કર્યો હતો. હું અને ત્યાં હાજર અન્ય છોકરાઓએ અંજલિ અને નિધિને અલગ કર્યા. બંનેને કહ્યું કે તેઓ શા માટે લડે છે. પછી બંને હોટેલમાંથી નીકળીને નીચે ગયા. નિધિએ ત્યાં પણ એક સીન ક્રિએટ કર્યો. અંજલિ તેને સમજાવતી હતી. બંને એક જ સમયે ત્યાંથી સ્કૂટી પર નીકળ્યા. હોટેલના સ્ટાફે તેના વિશે જણાવ્યું. હું લગભગ 2 કે 2:30 વાગ્યે નીકળ્યો. સમાચાર જોયા પછી મને અકસ્માતની જાણ થઈ હતી.
    Published by:Priyanka Panchal
    First published:

    Tags: Shahrukh Khan

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन