Home /News /entertainment /સુશાંત સિંહ રાજપૂતની યાદમાં સારા અલી ખાને કહી દીધી પોતાના દિલની વાત, વીડિયો જોઈ તમારી આંખો ભીની થઈ જશે

સુશાંત સિંહ રાજપૂતની યાદમાં સારા અલી ખાને કહી દીધી પોતાના દિલની વાત, વીડિયો જોઈ તમારી આંખો ભીની થઈ જશે

સારા અને સુશાંતે ફિલ્મ 'કેદારનાથ'માં સાથે કામ કર્યું હતું.

સારા અલી ખાને ઈન્સ્ટાગ્રામ પર સુશાંત સિંહના જન્મદિવસની ઉજવણી કરતો એક વીડિયો પોસ્ટ કર્યો છે, જેમાં તેને બાળકો અને મહિલાઓથી ઘેરાયેલી જોઈ શકાય છે. બાળકો તાળીઓ પાડી રહ્યા છે અને સારા અલી ખાન સુશાંતને યાદ કરીને કેક કાપી રહી છે. તેના ચહેરા પરનું સ્મિત જ ઘણું બધું કહી રહ્યું છે.

વધુ જુઓ ...
    નવી દિલ્હીઃ જો સુશાંત સિંહ રાજપૂત આજે જીવતો હોત તો તે 37 વર્ષનો હોત. દિવંગત અભિનેતાના નજીકના સંબંધીઓ, મિત્રો અને ફેન્સે તેનો જન્મદિવસ પોતપોતાની રીતે ઉજવ્યો અને મિત્રો અને લોકો સાથે તેમની યાદો શેર કરી. સારા અલી ખાન એક્ટરની આવી જ એક મિત્ર છે, જેણે એક NGOના બાળકો સાથે સુશાંત સિંહ રાજપૂતનો જન્મદિવસ ઉજવ્યો હતો.

    સારા અલી ખાને ઈન્સ્ટાગ્રામ પર સુશાંત સિંહના જન્મદિવસની ઉજવણી કરતો એક વીડિયો પોસ્ટ કર્યો છે, જેમાં તેને બાળકો અને મહિલાઓથી ઘેરાયેલી જોઈ શકાય છે. બાળકો તાળીઓ પાડી રહ્યા છે અને સારા અલી ખાન સુશાંતને યાદ કરીને કેક કાપી રહી છે. તેના ચહેરા પરનું સ્મિત જ ઘણું બધું કહી રહ્યું છે.

    આ પણ વાંચોઃ રિયા ચક્રવર્તીને બર્થ એનિવર્સરી પર સુશાંત સિંહની યાદ આવી, થ્રોબેક તસવીર શેર કરી






    સારાએ વીડિયોની સાથેના કેપ્શનમાં પોતાનું દિલ ખોલ્યું છે. તેણે લખ્યું, 'હેપ્પી બર્થડે સુશાંત. હું જાણું છું કે બીજાને ખુશ જોવાનો તમારા માટે શું અર્થ છે. તમે અમને બધાને ચંદ્રની બાજુથી ઉપરથી જોઈ રહ્યા છો, હું આશા રાખું છું કે અમે તમારા ચહેરા પર પણ સ્મિત લાવીશું. હંમેશાં ચમકતા રહો. જય ભોલે નાથ.'

    સારાએ પોતાની પોસ્ટમાં NGO અને તેનાથી સંબંધિત લોકોનો આભાર માનતા લખ્યું, 'આજનો દિવસ ખાસ બનાવવા બદલ તમારો આભાર. તમારા જેવા લોકો વિશ્વને વધુ સારું, સુરક્ષિત, સુખી જગ્યા બનાવે છે. ખુશીઓ ફેલાવતા રહો. સારાના આ પગલાના લોકો વખાણ કરી રહ્યા છે. એક યુઝરે લખ્યું, 'તમે ખૂબ સારા છો, હંમેશાં તમને સુશાંતના વખાણ કરતા જોયા છે.' અન્ય એક ચાહકે લખ્યું, 'સારા બોલિવૂડમાં એકમાત્ર એવી સ્ટાર છે જે હંમેશામ સુશાંત સિંહ રાજપૂતને યાદ કરે છે.' વીડિયો જોયા પછી ચાહકોની આંખો ભીની થઈ ગઈ.

    સુશાંત સિંહ રાજપૂતનો જન્મ દિવસ

    કેટલાક લોકો સારાના ઉછેરની પ્રશંસા કરી રહ્યા છે અને તેની માતા અમૃતા સિંહનો ઉલ્લેખ કરી રહ્યા છે. અન્ય એક યુઝરે લખ્યું, 'મેં આજે જોયેલી સૌથી ખાસ વાત.' સારાના વીડિયો પર સાડા ત્રણ લાખથી વધુ વ્યૂઝ આવી ચૂક્યા છે. 27 વર્ષની સારાએ આ પ્રસંગે ગ્રીન સૂટ પહેર્યો હતો. જ્યારે સારાએ સુશાંતના નામની કેક કાપી હતી, તે સ્થાનને રંગબેરંગી કાગળોથી શણગારવામાં આવ્યું હતું. સારા અલી ખાનની ડેબ્યૂ ફિલ્મ 'કેદારનાથ'માં સુશાંત સિંહ રાજપૂત તેનો હીરો હતો. તેમના અફેરની પણ ચર્ચાઓ થતી હતી, પરંતુ બંને એકબીજાને ક્લોઝ ફ્રેન્ડ કહેતા હતા.



    સારા પહેલા રિયા ચક્રવર્તીએ સુશાંતનો ફોટો પોસ્ટ કર્યો હતો. પરિણીતી ચોપરા અને મુકેશ છાબરાએ પણ તેને યાદ કરીને પોતાની લાગણી વ્યક્ત કરી હતી. સુશાંત સિંહ રાજપૂત પહેલીવાર ફિલ્મ 'કાઈ પો છે'માં જોવા મળ્યો હતો. 'એમએસ ધોની- ધ અનટોલ્ડ સ્ટોરી' રિલીઝ થયા બાદ તે ખૂબ જ ફેમસ થઈ ગયો હતો. તેણે ફિલ્મ 'છિછોરે'માં પણ યાદગાર ભૂમિકા ભજવી હતી. તે છેલ્લે ફિલ્મ 'દિલ બેચારા'માં જોવા મળ્યો હતો. અભિનેતા 14 જૂન 2020 ના રોજ મુંબઈના બાંદ્રા ખાતેના તેના ઘરે શંકાસ્પદ હાલતમાં મૃત હાલતમાં મળી આવ્યો હતો.
    Published by:Priyanka Panchal
    First published:

    Tags: Birthday Celebration, Kedarnath, Sara ali khan, Sushant singh rajput

    विज्ञापन
    विज्ञापन