Rakhi Sawant-Adil: સલમાન ખાને આદિલની શાન ઠેકાણે લાવી દીધી, જાણો કેવી રીતે બચાવ્યું રાખીનું તૂટતું લગ્નજીવન

રાખી સાવંત આજકાલ પોતાની પર્સનલ લાઈફને લઈને ઘણી ચર્ચામાં છે. એક્ટ્રેસે થોડા સમય પહેલા બોયફ્રેન્ડ આદિલ ખાન દુર્રાની સાથેના નિકાહનો વીડિયો શેર કરીને બધાને ચોંકાવી દીધા હતા. જો કે આ પછી આદિલે લગ્ન નકારી કાઢ્યા હતાં અને આવી સ્થિતિમાં રાખી ખૂબ જ પરેશાન હતી.

તે જ સમયે, હવે આદિલે સોશિયલ મીડિયા પર પોસ્ટ શેર કરીને રાખી સાથેના લગ્નની વાત સ્વીકારી છે. પરંતુ એક્ટ્રેસે ખુલાસો કર્યો છે કે તેના લગ્ન બચાવવા પાછળ બોલિવૂડના ભાઈજાન સલમાન ખાનનો હાથ છે.

આ પણ વાંચો :  Disha Patani:દિશા પટણીએ નવા બોયફ્રેન્ડ સાથે લીધી એવી ગજબ મિરર સેલ્ફી, જોતજોતામાં વાયરલ થઇ ગઇ પોસ્ટ

પાપારાઝી સાથે વાત કરતાં રાખી સાવંતે કહ્યું, 'ભાઈ તેને ખૂબ પ્રેમ કરે છે. ભાઈ તેને પણ મળ્યા છે. ચોક્કસપણે તેને ભાઈનો ફોન આવ્યો છે. તમે જાણો છો કે બધું ભાઈએ કરાવ્યું છે. ભાઈ હોય તો તે બહેન સાથે લગ્ન કરવાની ના પાડી શકે? ભાઈનો ફોન આવે પછી જ કંઈક થઈ શકે ને? આ પછી આદિલ પણ કહે છે, 'તે ઘણો સારા છે અને તેણે મને કેટલીક બાબતો સમજાવી છે.' આના પર રાખી કહે છે, 'મારા ભાઈએ મારું ઘર વસાવી દીધું છે.'

જણાવી દઈએ કે રાખી સાવંત અને આદિલ ખાન દુર્રાનીના લગ્ન સાત મહિના પહેલા થયા હતા. આ પછી અચાનક રાખીએ તેના નિકાહનો વીડિયો સોશિયલ મીડિયા પર શેર કર્યો, જેના પછી આદિલે પહેલા તેનો ઇનકાર કર્યો અને પછી થોડા દિવસોનો સમય માંગ્યો. તે જ સમયે, હવે તેણે સોશિયલ મીડિયા પર પોસ્ટ શેર કરીને નિકાહ કબૂલ કરી લીધાં છે અને બંને ખૂબ ખુશ છે.

આ પણ વાંચો :  ફિલ્મ સ્ટારનાં 75 વર્ષીય પિતા સાથે નગ્ન વિડીયો કોલ! સેક્સટોર્શન કરીને 89000નો ચૂનો લગાવ્યો

વીડિયો જોઇને ફેન્સ પણ મૂંઝાયા

રાખી સાવંતની વાત કરવામાં આવે તો થોડા દિવસ પહેલા તેણે લગ્નના ફોટોઝ શેર કરીને લોકોને અચંબામાં મુકી દીધા હતા. રાખી સાવંતે દાવો કર્યો છે કે, તેમણે 7 મહિના પહેલા આદિલ ખાન દુર્રાની સાથે લગ્ન કર્યા હતા. આ વીડિયોમાં રાખી જણાવી રહી છે કે, આદિલે તેનું નામ બદલીને ફાતિમા રાખી દીધું હતું.

આદિલે લગ્નની વાતને નકારી દીધી છે. આ કારણોસર રાખી સાવંત રડતી જોવા મળી હતી. રાખી સાવંતે આદિલ ખાન દુર્રાની પર આરોપ મુક્યો હતો અને હવે આદિલ ખાન સાથે રોમેન્ટીક વિડીયો શેર કરતા યૂઝર્સ મૂંઝવણમાં મુકાઈ ગયા હતાં.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Actor salman khan, Rakhi sawant, Rakhi Sawant News, Rakhi Sawant Video