જિયા ખાનની બહેન પર પણ ગંદી નજર નાંખી ચુક્યો છે સાજિદ ખાન, એક્ટ્રેસને કહ્યું હતું- ટૉપ ઉતાર...

Bigg Boss 16: બોલીવુડના ફેમસ ડાયરેક્ટર અને મીટૂ આરોપી સાજિદ ખાન હાલ 'બિગ બોસ 16'માં જોવા મળી રહ્યો છે. શૉમાં તેની એન્ટ્રી બાદથી જ લોકોમાં ભારે નારાજગી જોવા મળી રહી છે. સોના મહાપાત્રા અને મંદાના કરીમી સહિત ઘણા ફિલ્મી સ્ટાર્સે સાજિદ ખાનના બિગ બોસ 16માં સામેલ થવા પર નારાજગી વ્યક્ત કરી છે.

તેવામાં હવે જિયા ખાનની બહેન કરિશ્માએ પણ સાજિદ ખાનની હરકતો પર નિવેદન આપ્યું છે. તેણે પોતાની ડોક્યુમેન્ટ્રી દ્વારા તે તમામ ખરાબ અનુભવોનો ખુલાસો કર્યો છે, જે જિયા ખાને ફિલ્મી દુનિયામાં રહેતા મહેસૂસ કર્યા હતા.



આ પણ વાંચો : ગંદી ક્લિપ લીક થયા બાદ ભોજપુરીની આ ટૉપ એક્ટ્રેસને કામના ફાંફા, સાથે ફિલ્મ કરવા કોઇ નથી તૈયાર

હકીકતમાં જિયા ખાનની બહેન કરિશ્માએ બીબીસીની ડોક્યુમેન્ટ્રી 'ડેથ ઇન બોલીવુડ'માં સાજિદ ખાન સાથે જોડાયેલી અનેક વાતોનો ખુલાસો કર્યો હતો. કરિશ્માએ સાજિદ ખાન દ્વારા જિયા ખાન સાથે કરવામાં આવેલી ગંદી હરકતો વિશે વાત કરી. કરિશ્માએ આ મામલે કહ્યું, ફિલ્મ માટે રિહર્સલ ચાલી રહી હતી અને જિયા પોતાની સ્ક્રીપ્ટ વાંચી રહી હતી.

આ વચ્ચે જ સાજિદ ખાને જિયાને બ્રા અને ટૉપ ઉતારવા કહ્યું. જિયા તે વાતથી અજાણ હતી કે તેણે શું કરવાનું છે, તેવામાં તેણે સાજિદને જવાબ આપ્યો કે હજુ તો ફિલ્મનું શુટિંગ પણ શરૂ નથી થયું તેમ છતાં આ બધુ થઇ રહ્યું છે. આ ઘટના બાદ તે ઘરે આવીને ધ્રુસકે ને ધ્રુસકે રહી હતી.



આ પણ વાંચો : બેડરૂમમાં આવી હરકત કરીને ભરાઇ MMS લીક વાળી અંજલી અરોરા, લોકો કરવા લાગ્યા ગંદી ડિમાન્ડ

જિયા ખાનની બહેન પર પણ ખરાબ નજર રાખી ચુક્યો છે સાજિદ ખાન

કરિશ્માએ ડોક્યુમેન્ટ્રીમાં જણાવ્યું કે સાજિદ ખાને જિયાની સાથે તેને પણ નિશાન બનાવી હતી. કરિશ્માએ જણાવ્યું કે તે ઘણીવાર પોતાની બહેન જિયા સાથે સાજિદના ઘરે જતી હતી. આ વિશે તેણે વધુમાં કહ્યું, મારી ઉંમર 16 વર્ષની હશે. મે સ્ટ્રેપી ટૉપ પહેર્યુ હતુ અને કોઇ કામથી હું ટેબલ પર ઝૂકેલી હતી. તે જ વખતે સાજિદ મને તાંકીને જોઇ રહ્યો હતો. તેણે તરત જ કહ્યું, ઓહ તે ઇન્ટીમેટ થવા માગે છે. આ સાંભળીને મારી બહેન મારા બચાવમાં કૂદી પડી હતી. કરિશ્માએ જણાવ્યું ક જિયાએ સાજિદને કહ્યું કે, તે નાની છે અને તેને આ વિશે કોઇ ખ્યાલ નથી. કરિશ્માએ જણાવ્યું કે, તે બાદ બંને બહેનો તરત જ ત્યાંથી નીકળી ગઇ હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bigg Boss, Jia khan, Jiah Khan suicide, Sajid-khan