Bigg Boss 16 : શૉમાંથી આ કંટેસ્ટન્ટની હકાલપટ્ટી નક્કી, સલમાન ખાનના સપોર્ટનો પણ નહીં થાય ફાયદો

Bigg Boss 16 : સલમાન ખાનના મોસ્ટ પોપ્યુલર શૉ બિગ બૉસમાં હાલમાં જ સાજિદ ખાનની એન્ટ્રીએ સૌને ચોંકાવ્યા છે. પ્રીમિયરના દિવસે સાજિદ ખાનની એન્ટ્રી શૉમાં સૌથી છેલ્લે થઇ હતી. આ દરમિયાન દર્શકોથી લઇને કન્ટેસ્ટન્ટ પણ ચોંક્યા હતા. તે પણ સાજિદને પૂછી રહ્યાં હતાં કે તે અહીં કન્ટેસ્ટન્ટ તરીકે આવ્યા છે? જે બાદ સાજિદ હામાં જવાબ આપે છે. જો કે સાજિદના બિગ બૉસમાં આવ્યા બાદ ઘણો હોબાળો મચ્યો છે. ઘણા સેલેબ્સે સાજિદ વિરુદ્ધ અવાજ ઉઠાવ્યો છે અને આ કારણે જ શૉ પણ ભૂંડી રીતે ટ્રોલ થઇ રહ્યો છે. સોશિયલ મીડિયા પર સાજિદને શૉમાંથી હાંકી કાઢવાની માગ કરવામાં આવી રહી છે. આ વચ્ચે એક મોટા સમાચાર સામે આવી રહ્યા છે.

સાજિદ થશે ઘરમાંથી બહાર

બિગ બૉસના પ્રોડક્યુસર્સ આ વિરોધથી ખૂબજ પરેશાન છે અને તેમને ડર સતાવી રહ્યો છે કે ક્યાંક આ કારણે તેના શૉ પર નેગેટિવ અસર ન થાય. આ જ કારણ છે કે તેઓ હવે એક નિર્ણય લેવા માગે છે. રિપોર્ટ અનુસાર, સાજિદને શૉમાંથી બહાર કરવા અંગે ચર્ચા ચાલી રહી છે અને બની શકે છે કે જલ્દી જ સાજિદને ઘરમાંથી બહાર કરવામાં આવે.

આ પણ વાંચો : એક દુર્ઘટનાએ બરબાદ કરી નાંખી 'આશિકી ગર્લ'ની જિંદગી, ઓળખી પણ નહીં શકો એવી છે હાલત

સાજિદને લઇને વિરોધ

હવે આવું થશે કે નહીં તે તો આવનારા એપિસોડમાં જ જાણવા મળશે. આમ તો સાજિદને લઇને જે વિરોધ થઇ રહ્યો છે તે એટલા માટ થઇ રહ્યો છે કારણ કે તેના પર મીટૂ મૂવમેન્ટ દરમિયાન શારીરિક શોષણનો આરોપ લગાવવામાં આવ્યો હતો. સાજિદના બિગ બૉસમાં આવ્યા બાદ સિંગર સોના મહાપાત્રા, એક્ટ્રેસ મંદાના કરીમીએ તેનો ખૂબ વિરોધ કર્યો. તેવામાં મંદાનાએ તો ત્યાં સુધી કહી દીધું કે તે બોલીવુડ છોડી રહી છે. ત્યાં જિયા ખાનની બહેને પણ સાજિદ પર હાલમાં જ આરોપ લગાવ્યો છે અને તે બાદ સાજિદને લઇને વિવાદ વધતો જઇ રહ્યો છે.



આ પણ વાંચો : પુરુષોના પ્રાઇવેટ પાર્ટને લઇને કરણ જોહરે પૂછી લીધો એવો સવાલ, કરીનાના જવાબે કરી દીધી બોલતી બંધ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Actor salman khan, Bigg Boss, Bollywod, Me Too