'RRR' ફિલ્મનું ગીત 'Janani' જોઈને લાખો લોકો રડી પડ્યા, સંગીત પણ મંત્રમગ્ધ - VIDEO

એસએસ રાજામૌલી (SS Rajamouli) દ્વારા નિર્દેશિત ફિલ્મ 'RRR' જોવા માટે દેશભરના લોકો આતુરતાથી રાહ જોઈ રહ્યા છે. જોકે, મેકર્સ સમયાંતરે દર્શકોને ફિલ્મની ઝલક બતાવી રહ્યા છે. તાજેતરમાં, 'RRR' ની ટીમ દ્વારા એક નવું Janani Song રિલીઝ કરવામાં આવ્યું છે, જે ફિલ્મનું સોલ એન્થમ છે. જનનીના વીડિયોને દર્શકોનો સારો પ્રતિસાદ મળી રહ્યો છે, જેમાં ફિલ્મના એક અભિનેતાની ઝલક જોવા મળે છે. આ ગીતે દર્શકોમાં ફિલ્મ જોવાનો ઉત્સાહ વધાર્યો છે.

3 મિનિટ 10 સેકન્ડનું ‘Janani’ વીડિયો ગીત દેશભક્તિથી ભરપૂર છે અને છેલ્લા 24 કલાકમાં તેને 65 લાખથી વધુ લોકોએ નિહાળ્યું છે. ગીતમાં દરેક કલાકારની ભીની આંખો જોઈને તમે પણ રડી પડશો. આ ગીતમાં રામ ચરણ (Ram Charan), જુનિયર એનટીઆર (JR. NTR), અજય દેવગન (Ajay Devgn) અને આલિયા ભટ્ટ (Alia Bhatt) ભાવુક થતા જોવા મળી રહ્યા છે. ‘Janani’ ગીતમાં દેશ માટે શહીદ થયેલા સ્વાતંત્ર્ય સેનાનીઓના સંઘર્ષને દર્શાવવામાં આવ્યો છે. આ ફિલ્મ દ્વારા તમે જવાનોની બહાદુરી અને શૌર્ય જોઈ શકશો, જેમણે પોતાના જીવનું બલિદાન આપીને દેશને બચાવ્યો હતો.

" isDesktop="true" id="1155667" >

આ વિડિયોના ગીતો પણ ખૂબ જ ભાવપૂર્ણ છે અને M. M. Keeravaani નું સંગીત પણ મંત્રમુગ્ધ કરી દે તેવું છે. 'RRR'નું સોલ એન્થમ સાંભળીને દરેક લોકો ભાવુક થઈ રહ્યા છે અને તેમની સાથે તેમના મનમાં દેશભક્તિ પણ જાગી છે. જેમ કે તમે વિડિયોની યુટ્યુબ લિંકની નીચે લખેલી કોમેન્ટ્સ પણ વાંચી શકો છો. આ સંગીત ગાયક એમએમ કરીમ અને કોરસ દ્વારા ગાયું છે. તમને જણાવી દઈએ કે 'RRR'ના પહેલા બે ગીત 'નાચો નાચો' અને 'દોસ્તી' રિલીઝ થઈ ચૂક્યા છે, જેમાં મસ્તી બતાવવામાં આવી હતી પરંતુ ‘Janani’ ગીતે બધાને રડાવી દીધા હતા.

આ પણ વાંચો - 83 Teaser Out: રણવીર સિંહ-દીપિકા પાદુકોણની '83'નું ટીઝર રીલિઝ, Video જોઈ તમારૂ હૃદય છલકાઈ જશે

બાહુબલી ફેમ ડિરેક્ટરની 'RRR' એક મોટા બજેટની ફિલ્મ છે, જેની કિંમત 400 કરોડની નજીક છે. આ ફિલ્મ 7 જાન્યુઆરી 2022ના રોજ તેલુગુ, તમિલ, કન્નડ, મલયાલમ અને હિન્દીમાં સિનેમાઘરોમાં રિલીઝ થવા જઈ રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ajay Devgn, Alia Bhatt, Bollywood Latest News, RRR Movie