રણબીર કપૂરની 'Shamshera'નું લીક પોસ્ટર હવે સત્તાવાર રીતે થયું રિલીઝ, જાણો પોસ્ટરનું 'નવું ફેક્ટર'

યશ રાજ ફિલ્મ્સ (Yash Raj Films) દ્વારા રણબીર કપૂર (Ranbir Kapoor)ની આગામી ફિલ્મ શમશેરા (Shamshera)નું પહેલું પોસ્ટર રિલીઝ કરવામાં આવ્યું છે. આ પોસ્ટરમાં રણબીરનો લુક જોઈને તેના ફેન્સમાં જબરદસ્ત ઉત્સાહ જોવા મળી રહ્યો છે. આ લુકમાં રણબીર ખૂબ જ અલગ લાગી રહ્યો છે. જો કે રસપ્રદ વાત એ છે કે પોસ્ટર ભલે થોડા સમય પહેલા રીલિઝ થયું હોય પરંતુ છેલ્લા બે દિવસથી આ ફિલ્મનું પોસ્ટર સોશિયલ મીડિયા પર ધૂમ મચાવી રહ્યું છે. કારણ એ છે કે 'શમશેરા'નું આ પોસ્ટર બે દિવસ પહેલા સોશિયલ મીડિયા પર લીક થયું હતું. જોકે આ પોસ્ટરમાં આ ફિલ્મની રિલીઝ ડેટ પણ જાહેર કરવામાં આવી છે, જે એક નવું પરિબળ છે.

આ પોસ્ટરમાં દેખાતા લુક પરથી સ્પષ્ટ છે કે રણબીરે તેની ફિલ્મ માટે ઘણી તૈયારી કરી લીધી છે. અભિનયમાં રણબીર બેજોડ છે એટલું જ નહીં, તેના લુકએ પણ ઘણી ઉત્સુકતા જગાવી છે. જો કો લુકની વાત કરીએ તો રણબીર કપૂરનું અસલી 'બ્રહ્માસ્ત્ર' માત્ર 'શમશેરા' જ સાબિત થઈ રહ્યું છે. આ પોસ્ટરમાં ફિલ્મની રિલીઝ ડેટ પણ જાહેર કરવામાં આવી છે. આ ફિલ્મ 22મી જુલાઈએ સિનેમાઘરોમાં રિલીઝ થઈ રહી છે.

'શમશેરા'થી 4 વર્ષ પછી વાપસી કરશે રણબીર
કોરોનાને કારણે ઘણા મોટા સ્ટાર્સની ફિલ્મો રોકી દેવામાં આવી હતી. ઘણા નિર્માતાઓએ લાંબા સમયથી ઓટીટી પર સિનેમા માટે બનેલી ફિલ્મોને રિલીઝ કરતા અટકાવી દીધા હતા અને આ જ કારણ છે કે રણબીર કપૂરની 'શમશેરા', 'બ્રહ્માસ્ત્ર' જેવી ફિલ્મો પણ વર્ષોથી રિલીઝ થવા માટે અટકી ગઈ છે. પરંતુ હવે જ્યારે સિનેમા હોલ પરત ફર્યા છે, ત્યારે ચાહકો આ ફિલ્મો માટે ખૂબ જ ઉત્સાહિત છે. રણબીર કપૂર 'શમશેરા'થી 4 વર્ષ પછી પડદા પર વાપસી કરવા જઈ રહ્યો છે.

આ પણ વાંચો: કોન્ડોમ સેલ્સ ગર્લ બનતા મળી એવી ગંદી કૉમેન્ટ્સ કે બે રાત ઊંઘી પણ ન શકી નુસરત ભરુચા

તમને યાદ અપાવીએ કે રણબીર કપૂરની છેલ્લી ફિલ્મ 2018માં આવેલી 'સંજુ' હતી. આ ફિલ્મ સંજય દત્તની બાયોપિક હતી. હવે રણબીર પોતે સંજય દત્ત સાથે 'શમશેરા'માં કામ કરતો જોવા મળશે. આ ફિલ્મ કરણ મલ્હોત્રા દ્વારા નિર્દેશિત છે અને આ વખતે રણબીર સાથે વાણી કપૂરની જોડી જોવા મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Entertainment news, Ranbir Kapoor, મનોરંજન