બોલિવૂડે રાજેશ ખન્નાને બીજી તક ન આપી, નહીં તો આજે...: 'રિયાસત'ના ડિરેક્ટરે કર્યો હતો ખુલાસો!

સ્ટારડમના યુગમાં રાજેશ ખન્ના (Rajesh Khanna) એ જે ખુશી અને ખ્યાતિ મેળવી હતી તે જોઈને દરેક અભિનેતા તેમના જેવા જીવનની ઈચ્છા રાખે છે. પોતાના ફિલ્મી જીવનમાં જબરદસ્ત સફળતા મેળવનાર આ પીઢ અભિનેતાએ પણ પોતાના જીવનમાં ઘણી પીડાનો સામનો કરવો પડ્યો હતો. વ્યક્તિ ગમે તેટલી સફળ કેમ ન હોય, જો તેનું પારિવારિક જીવન ખલેલ પહોંચે તો આ સૌથી મોટી હાર છે. કાકા નામના પ્રખ્યાત અભિનેતા ભલે ખ્યાતિના શિખરો પર હોય, પરંતુ દિલની બાબતમાં ઘણું સહન કર્યું હતું. રાજેશે છેલ્લે ફિલ્મ 'રિયાસત' (rajesh khanna last movie riyasat) માં કામ કર્યું હતું. આ ફિલ્મ દરમિયાન તેની સાથે રહેલા લોકોએ જોયું હતું કે, એક સમયે લાખો દિલોની ધડકન કરનાર અભિનેતા કેટલો એકલવાયો હતો.

રાજેશ ખન્ના ખૂબ શરાબ પીતા હતા

'રિયાસત'ના શૂટિંગ દરમિયાન અશોક ત્યાગી (Ashok Tyagi) એ રાજેશ ખન્નાને ખૂબ નજીકથી જોયા અને સમજ્યા હતા. કેટલીક બીમારીના કારણે અને કેટલાક તેમના જીવનમાં લીધેલા નિર્ણયોને કારણે કાકા ખૂબ જ નિરાશ રહેતા હતા. શૂટિંગ દરમિયાન વિતાવેલા સમયને યાદ કરતાં અશોક ત્યાગીએ એકવાર બીબીસીને કહ્યું હતું કે, 'રાજેશ ખન્ના દારૂના વ્યસની થઈ ગયા હતા, પરંતુ તેમની એક ખાસ વાત એ હતી કે, તેઓ શૂટિંગ દરમિયાન દારૂને હાથ પણ લગાવતા નહોતા, પરંતુ શૂટિંગ પૂરું થતાંની સાથે જ, તે દારૂ પીવા લાગતા હતા.

બોલીવુડે રાજેશ ખન્નાને બીજી તક આપી ન હતી

અશોક ત્યાગીએ કહ્યું હતું કે, 'દારૂ તેમના માટે જીવલેણ બની અને તેના માટે આપણે બધા ફિલ્મોવાળા જવાબદાર છીએ. રાજેશ ખન્નાએ ખૂબ જ સફળ તબક્કો જોયો છે પરંતુ તે પછી તે નિષ્ફળતાના દર્દમાંથી ક્યારેય બહાર આવી શક્યા નથી. આ પીડાએ તેમના જીવન પર ભારે અસર કરી. જો તેમને પણ વાપસી કરવાનો મોકો મળ્યો હોત તો તે આજે જીવિત હોત, પરંતુ બોલિવૂડે તેને બીજી તક ન આપી. ભગવાન તેમના જેવી સફળતા કોઈને ન આપે જે તેમના જેવી નિષ્ફળતા જોવાની હોય તો.

આ પણ વાંચો - Google: બોલિવૂડની આ 5 અભિનેત્રીઓને વર્ષ 2021માં સૌથી વધુ સર્ચ કરવામાં આવી

રાજેશ ખન્નાની છેલ્લી ફિલ્મ 'રિયાસત'

રાજેશ ખન્નાની છેલ્લી ફિલ્મ 'રિયાસત' તેમના મૃત્યુના બે વર્ષ બાદ રિલીઝ થઈ હતી. આ ફિલ્મ 18 જુલાઈ 2014ના રોજ રિલીઝ થઈ હતી, પરંતુ તેનું શૂટિંગ રાજેશ ખન્નાએ પૂર્ણ કર્યું હતું. આ ફિલ્મની વાર્તા વિજય સિરોહી દ્વારા લખવામાં આવી હતી અને અશોક ત્યાગી દ્વારા નિર્દેશિત કરવામાં આવી હતી. 70ના દાયકાના સુપરસ્ટાર રાજેશ ખન્નાના વ્યક્તિત્વને બતાવવા માટે ફિલ્મનો પ્લોટ 'ગોડફાધર'માંથી લેવામાં આવ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Interesting story, Bollywood Latest News, Rajesh Khanna