Priyanka Kothari Birthday : પ્રિયંકા કોઠારીનું સાચુ નામ શું છે? કેમ પડદા પરથી ગાયબ જ થઈ ગઈ?

મુંબઈ : બોલિવૂડ (Bollywood)માં દરરોજ કોઈને કોઈ સ્ટાર (Star)ના ભાવિ વિશે અટકળો થાય છે. એક ફિલ્મ (Film) રાતોરાત સ્ટાર બનાવી દે છે અને જો એ જ ફિલ્મ ફ્લોપ (Flop) થઈ જાય તો તેને સીધી ફ્લોર પર ફેંકી દે છે. વર્ષ 2005માં ફિલ્મ 'સરકાર' (Sarkar)થી બોલિવૂડમાં ડેબ્યૂ કરનાર પ્રિયંકા કોઠારી (Priyanka Kothari)એ પણ એવો વળાંક લીધો કે થોડા સમય પછી લોકોએ તેને પૂછવાનું બંધ કરી દીધું. 'જેમ્સ' અને 'ધ કિલર' જેવી ફિલ્મોમાં મુખ્ય ભૂમિકા ભજવનાર પ્રિયંકા આજે ફિલ્મી પડદા પરથી સંપૂર્ણપણે ગાયબ થઈ ગઈ છે.

પ્રિયંકા કોઠારીનું સાચુ નામ નિશા કોઠારી છે

પ્રિયંકા કોઠારીનું સાચું નામ નિશા કોઠારી છે. તેમનો જન્મ 30 નવેમ્બર 1983ના રોજ પશ્ચિમ બંગાળમાં થયો હતો. પ્રિયંકાને 'ચડતી જવાની મેરી ચાલ મસ્તાની'ના રિમિક્સ ગીતથી સારી ઓળખ મળી હતી. આર માધવનના કારણે તેને વર્ષ 2003માં તમિલ ફિલ્મ જય જયમાં બ્રેક મળ્યો.

રામ ગોપાલ વર્માએ તેમને હિન્દી ફિલ્મોમાં પહેલો બ્રેક આપ્યો હતો. તે 'શિવા', 'ડરના જરૂરી હૈ', 'ગો', 'ડાર્લિંગ', 'આગ', 'અજ્ઞાત', 'બિન બુલાયે બારતી' જેવી ફિલ્મોમાં જોવા મળી હતી. આ સિવાય તેણે ઘણી તમિલ અને તેલુગુ ભાષાની ફિલ્મોમાં કામ કર્યું પરંતુ તેનાથી તેને ખાસ ઓળખ મળી શકી નહીં.

વર્ષ 2016માં પ્રિયંકાએ દિલ્હીના એક બિઝનેસમેન સાથે લગ્ન કર્યા હતા. લગ્ન બાદ તેણે ફરી એકવાર પોતાનું નામ બદલીને અંજલિ વર્મા રાખ્યું. જ્યારે તે થોડા દિવસો પહેલા દિલ્હીમાં આયોજિત સેલિબ્રિટી સોકર મેચમાં જોવા મળી હતી, ત્યારે લોકો તેના પર વિશ્વાસ કરી શક્યા ન હતા. એક સમયે સ્લિમ દેખાતી નિશાનું વજન ઘણું વધી ગયું હતું.

આ પણ વાંચો - Untold Story: પૂનમ ઢિલ્લોનના ત્રણ ડાયરેક્ટર સાથે હતા સંબંધો! પતિએ આ રીતે બરબાદ કરી દીધી જીંદગી

પ્રિયંકા છેલ્લે વર્ષ 2016માં ફિલ્મ બુલેટ રાજામાં જોવા મળી હતી. આ ફિલ્મ કન્નડ અને તેલુગુ ભાષાઓમાં રિલીઝ થઈ હતી. તે પછી તેણે ફિલ્મ ઈન્ડસ્ટ્રીથી દૂરી બનાવી લીધી. હવે તે ક્યારેક મોટી ઈવેન્ટ્સમાં જોવા મળે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Birthday Special, Birthday જન્મદિવસ, Celebrities Birthday