Kesariya: યુવકે પાંચ ભાષામાં રણબીર-આલિયાનું ગાયુ આ ગીત, PM મોદીએ વીડિયો શેર કરીને કર્યા વખાણ

મુંબઈઃ રણબીર કપૂર અને આલિયા ભટ્ટની ફિલ્મ 'બ્રહ્માસ્ત્ર' બોક્સ ઓફિસ પર હિટ રહી હતી. માત્ર ફિલ્મ જ નહીં પરંતુ બ્રહ્માસ્ત્રના ગીતો પણ દર્શકોને પસંદ આવ્યા હતા. જેમાંથી 'કેસરિયા'ને સૌથી વધુ પ્રેમ મળ્યો. હવે ફરી એકવાર આ ગીત ચર્ચામાં આવ્યું છે. જોકે, આ વખતે તેની પાછળનું કારણ આલિયા કે રણબીર નહીં, પરંતુ કોઈ બીજું છે.

શું છે સમગ્ર મામલો?

સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમાં એક વ્યક્તિ બ્રહ્માસ્ત્રનું ગીત 'કેસરિયા તેરા ઈશ્ક હૈ પિયા' 5 અલગ-અલગ ભાષાઓમાં ગાતો જોવા મળી રહ્યો છે. નેટીઝન્સ પણ વ્યક્તિના આ વીડિયો પર જોરદાર પ્રેમ વરસાવતા જોવા મળે છે. ગીતમાં યુવા સિંગર સ્નેહદીપ સિંહનો અવાજ સાંભળીને દરેક લોકો તેમના ફેન બની ગયા છે. આટલું જ નહીં ખુદ વડાપ્રધાન નરેન્દ્ર મોદીએ પણ ગાયકના વખાણ કર્યા છે.

આ પણ વાંચોઃ MC Stan: BB 16 વિજેતા મુંબઈના રેપરના શોમાં બોલી ધડાધડી, બજરંગ દળે ફટકાર્યા!

સ્નેહદીપ સિંહનો આ વીડિયો તેમના સત્તાવાર ટ્વિટર હેન્ડલ પર શેર કરતા વડાપ્રધાને લખ્યું, 'પ્રતિભાશાળી સ્નેહદીપ સિંહની આ અદ્ભુત રજૂઆત જોઈ. તેમના મધુર અવાજની સાથે તે 'એક ભારત શ્રેષ્ઠ ભારત'ની મહાન લાગણીની અભિવ્યક્તિ છે. ફેબ્યુલસ!' પીએમ મોદીના ટ્વિટ બાદ સ્નેહદીપ ચર્ચામાં આવી ગયો છે. સિંગરના દરેક જગ્યાએ ખૂબ જ વખાણ થઈ રહ્યા છે.

આ પણ વાંચોઃ મહેમાન બનીને આવી તાપસી પન્નુએ જ્યારે શાહરુખ ખાનનું કર્યુ અપમાન, આવું હતું કિંગ ખાનનું રિએક્શન

આ સિવાય બિઝનેસ ટાયકૂન આનંદ મહિન્દ્રાએ પણ આ વીડિયો જોયા બાદ સ્નેહદીપ સિંહના વખાણ કર્યા છે. વિડીયોને રીટ્વીટ કરતા તેમણે લખ્યું, 'ખૂબ જ સુંદર...સંયુક્ત ભારત બિલકુલ આના જેવું લાગે છે.'



જણાવી દઈએ કે સ્નેહદીપ સિંહે આ ગીતને મલયાલમ, તમિળ, તેલુગુ, કન્નડ અને હિન્દી ભાષામાં ગાયુ છે. હાલ, આ વીડિયોને ઈન્ટરનેટ પર ખૂબ જ વખાણવામાં આવી રહ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Viral videos, પીએમ નરેન્દ્ર મોદી