'પઠાણ'એ બોક્સ ઓફિસ પર રચ્યો ઈતિહાસ, શાહરૂખ ખાનની ફિલ્મે બનાવ્યા આ 5 રેકોર્ડ

નવી દિલ્હીઃ શાહરૂખ ખાનની ફિલ્મ 'પઠાણ'એ બોક્સ ઓફિસ પર રેકોર્ડ કમાણી કરી છે. શાહરૂખ ખાન, દીપિકા પાદુકોણ અને જોન અબ્રાહમની ફિલ્મ 'પઠાણ'એ બે દિવસમાં 219.6 કરોડ રૂપિયાનું ગ્રોસ કલેક્શન કર્યું છે. ફિલ્મે બીજા દિવસે ભારતીય બોક્સ ઓફિસ પર 70.50 કરોડ રૂપિયાની કમાણી કરી લીધી છે. પઠાણે ભારતમાં પહેલા દિવસે 57 કરોડ રૂપિયાની કમાણી કરી હતી. જેમાં હિન્દી વર્ઝન માટે રૂ. 55 કરોડ અને બાકીના વર્ઝન માટે રૂ. 2 કરોડ હતા. આ રીતે ફિલ્મે ભારતમાં 127.50 કરોડનો બિઝનેસ કર્યો છે.

યશ રાજ ફિલ્મ્સના CEO અક્ષય વિધાની 'પઠાણ' ફિલ્મ માટે કહે છે કે, 'એક ઉદ્યોગ તરીકે, અમે આજે ખૂબ જ ખુશ છીએ. પઠાણની સફળતામાંથી ઉભરી આવતી આ સૌથી મહત્વની લાગણી છે. યશરાજ ફિલ્મ્સના અમે બધા પઠાણ માટે મીડિયા, પ્રેક્ષકો અને ઉદ્યોગના અતુલ્ય સમર્થન માટે આભારી છીએ. ફિલ્મ પ્રત્યેના આ પ્રેમને કારણે જ પઠાણે હાલના તમામ રેકોર્ડ તોડી નાખ્યા અને નવા બનાવ્યા છે.

આ પણ વાંચો: PATHAN: બોક્સ ઓફિસ પર પહેલા જ દિવસે 100 કરોડ! તો પછી અહીં કેમ માર ખાઈ ગયો પઠાણ? લોચો પડી જશે

તેમણે વધુમાં જણાવ્યું કે, અમને આનંદ છે કે આ ફિલ્મે આટલી પ્રભાવશાળી રીતે દરેકનું મનોરંજન કર્યું છે. અમે આ ક્ષણ પઠાણની આખી ટીમ સાથે શેર કરીએ છીએ, જેમાં અમારા દિગ્દર્શક સિદ્ધાર્થ આનંદ, આપણા દેશના સુપરસ્ટાર શાહરૂખ ખાન, દીપિકા પાદુકોણ અને જોન અબ્રાહમ અને તે દરેક વ્યક્તિ કે, જેમણે પઠાણને એક મોટી સફળતાની વાર્તા બનાવવા માટે અથાક મહેનત કરી છે. વૈશ્વિક સ્તરે ભારતીય ફિલ્મ અને શાહરુખના થિયેટરોમાં પાછા ફરવાની ઉજવણી છે.

'પઠાણ'એ બોક્સ ઓફિસ પર પાંચ રેકોર્ડ બનાવ્યા

1. પ્રથમ દિવસે 55 કરોડ રૂપિયાની કમાણી કરનાર એકમાત્ર હિન્દી ફિલ્મ

2. એકમાત્ર હિન્દી ફિલ્મ જેણે તેના બીજા દિવસે 70 કરોડ રૂપિયાની કમાણી કરી

આ પણ વાંચો: Pathaanના બહિષ્કાર સામે કેન્દ્રીય મંત્રી અનુરાગ ઠાકુરની લાલ આંખ, કહ્યું- આવી ઘટનાઓ પર્યાવરણને બગાડે છે

3. બીજા દિવસે 100 કરોડનો આંકડો પાર કર્યો, આ સિદ્ધિ હાંસલ કરનારી સૌથી ઝડપી હિન્દી ફિલ્મ

4. હિન્દી ફિલ્મ સતત બે દિવસમાં 50 કરોડથી વધુનો બિઝનેસ કર્યો

5. ભારતમાં અત્યાર સુધીની સૌથી વિશાળ હિન્દી રિલીઝ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Film, Box office Collection, Pathaan