ક્રિકેટર પાકિસ્તાનની ફેમસ સિંગર 'નૂરજહાં'ને ઘરે મળવા ગયો, અચાનક પતિ આવતા બારીમાંથી કૂદવુ પડ્યું, હાથ-પગ તુટ્યા પછી...

નવી દિલ્હી : ભારતમાં જન્મેલી પાકિસ્તાની સિંગર નૂરજહાં લવલાઈફ ખૂબજ ચર્ચામાં રહી હતી. નૂરજહાં મલ્લિકા-એ-તરન્નમના તેમજ તેમના  મધુર અવાજ અને નિર્ભય શૈલી માટે જાણીતી છે. તે પાકિસ્તાનના કલા ઇતિહાસનો અનોખો વારસો છે. તમને એ પણ જણાવી દઈએ કે, નૂરજહાં તેની દિલધડક સ્ટાઈલ અને હેન્ડસમ પુરુષો પ્રત્યેના શોખ માટે પણ પ્રખ્યાત હતી.

અભિનેતાઓ, ક્રિકેટરો અને સરમુખત્યારો પોતાને નૂરજહાંના પ્રેમમાં પડવાથી રોકી શક્યા નહીં. પાકિસ્તાનની સર્વશ્રેષ્ઠ ટેસ્ટ ક્રિકેટરની કારકિર્દી નૂરજહાંના પ્રેમમાં સમાપ્ત થઈ ગઈ હતી. તેની વાર્તા આજે પણ ખૂબ જ રસપ્રદ રીતે કહેવામાં આવે છે.

નૂરજહાં સાથે પ્રેમમાં પડેલા ક્રિકેટરની વાર્તા શુ હતી? જાણો

હકીકતમાં પાકિસ્તાનના પ્રખ્યાત ટેસ્ટ ક્રિકેટર નઝર મોહમ્મદ અને નૂરજહાં વચ્ચે અફેર ચાલી રહ્યું હતું. હવે ખાસ વાત એ છે કે નૂરજહાં પહેલેથી જ પરિણીત હતી. તેના પહેલા લગ્ન તોડ્યા બાદ નૂરજહાંએ તેની ઉંમર કરતા 9 વર્ષ નાના અભિનેતા એજાઝ દુર્રાની સાથે બીજા લગ્ન કર્યા. દરમિયાન નૂરજહાં અને નઝર મોહમ્મદની નિકટતા વધી.

બંને ઘરના બીજા માળે એક રૂમમાં સાથે બેઠા હતા. આ દરમિયાન નૂરજહાંનો પતિ એજાઝ દુર્રાની ત્યાં પહોંચી ગયો હતો. તેમના સંબંધોના ખુલાસાથી ડરી ગયેલા નઝર મોહમ્મદે બીજા માળે રૂમની બારીમાંથી નીચે કૂદી પડ્યો હતો. જેના કારણે તેના હાથમાં ઊંડી ઈજા થઈ હતી અને ફ્રેક્ચર થયું હતું. આ વાત છુપાવવા માટે કુસ્તીબાજને ચૂપચાપ બોલાવવામાં આવ્યો પરંતુ મામલો વધુ વણસી ગયો. આખરે, નઝર મોહમ્મદનો હાથ સંપૂર્ણપણે ક્ષતિગ્રસ્ત થઈ ગયો અને તેની સાથે તેની ક્રિકેટ કારકિર્દી પણ ખતમ થઈ ગઈ.

કોણ હતી નૂરજહાં?

ભારતમાં જન્મેલી નૂરજહાંએ માત્ર 6 વર્ષની ઉંમરથી જ ગાયકીની દુનિયામાં પોતાનું નામ કમાવવાનું શરૂ કર્યું હતું. નૂરજહાંના માતા-પિતા પણ થિયેટરમાં કામ કરતા હતા. પંજાબના મુસ્લિમ પરિવારમાં જન્મેલી નૂરજહાંએ બાળપણથી જ લોકગીતો ગાવાનું શરૂ કર્યું હતું. જ્યારે નૂરજહાંના સુરીલા અવાજથી બધા દિવાના થવા લાગ્યા ત્યારે તેના પિતાએ તેને ઉસ્તાદ ગુલામ મોહમ્મદ પાસે તાલીમ માટે મોકલવાનું શરૂ કર્યું. અહીંથી જ નૂરજહાંએ પોતાના અવાજને ધારદાર બનાવવાનું શરૂ કર્યું. આ પછી નૂરજહાંએ ફિલ્મોમાં કામ કરવાનું શરૂ કર્યું. વર્ષ 1945માં આવેલી હિન્દી ફિલ્મ બડી મા, ગાંવ કી ગોરી, ઝીનત જેવી ફિલ્મોમાં કામ કર્યું.

આ પણ વાંચો :  રેલવે દ્વારા ઠપકો આપ્યા બાદ સોનુ સૂદે માંગી માફી, 'મુસાફિર હૂં યારોં'ના વીડિયો પર આ કહ્યું 

આ પછી નૂરજહાંએ અનમોલ ગાદી, જુગનુ અને મિર્ઝા સાહિબાનમાં કામ કરીને ઘણી ખ્યાતિ મેળવી. વર્ષ 1947માં ભારત-પાકિસ્તાનના ભાગલા બાદ નૂરજહાં પાકિસ્તાન જતી રહી હતી. નૂરજહાં તેની લવ લાઈફને લઈને ઘણી ચર્ચામાં રહી હતી. નૂરજહાંએ ભારતમાં વર્ષ 1942માં શૌકત હુસૈન રિઝવી સાથે લગ્ન કર્યા હતા. બંનેને 3 બાળકો પણ હતા. આ પછી બંનેના છૂટાછેડા થઈ ગયા. નૂરજહાંએ પાકિસ્તાન જઈને તેના કરતા 9 વર્ષ નાના અભિનેતા એજાઝ દુર્રાની સાથે લગ્ન કર્યા. બંનેને 3 બાળકો હતા. આ પછી પણ નૂરજહાંના અફેરના સમાચાર સામે આવતા જ રહ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News in Guajarati, Love affair, Pakistani Singer