ભારે વિરોધ વચ્ચે જાણો ક્યાં થઇ 'પદ્માવત'ની એડવાન્સ ટિકિટ ધડાધડ બૂક!

નવી દિલ્હી: દીપિકા પાદુકોણ સ્ટાર 'પદ્માવત'ને લઇને વિવાદનો વંટોળ શાંત થવાનું નામ જ નથી લેતો. હવે ફિલ્મની રીલિઝને માત્ર ચાર દિવસ બાકી છે ત્યારે આ ફિલ્મ ગુજરાત અને રાજસ્થાનમાં કેમની રિલીઝ થશે તે પ્રશ્ન ફિલ્મ જોવા માટે ઉત્સાહી જનતાને થઇ રહ્યો છે. પણ દેશમાં કેટલાંય એવાં ફિલ્મી રસિયાઓ છે જે આ 'પદ્માવત'ની આતુરતાથી રાહ જોઇ રહ્યાં છે. અને આ ફિલ્મને ફર્સ્ટ ડે ફર્સ્ટ શો જોવા માટે પણ તેઓ ઉત્સાહિત છે.

'પદ્માવતી'નાં ટ્વિટર હેન્ડલ પર તેની એડવાન્સ બૂકિંગ માટે લિંક શેર કરવામાં આવી છે. ફિલ્મની રિલીઝનાં ચાર દિવસ પહેલાં જ ફર્સ્ટ ડે ફર્સ્ટ શો જોનારાઓ આ માટે બૂકિંગ કરાવી રહ્યાં છે.

એક તરફ ગુજરાત અને રાજસ્થાનમાં ભારે વિરોધ થઇ રહ્યો છે ત્યારે દેશના અન્ય વિસ્તારની વાત કરીએ તો ફરિદાબાદ, હિસ્સાર, રોહતક જેવા શહેરોમાં 'પદ્માવત'નાં તમામ શોની એડવાન્સ બૂકિંગ ચાલુ થઇ ગઇ છે.



દેશનાં મોટાભાગનાં શહેરોમાં છવાયો 'પદ્માવત'નો જાદૂ
આ સીવાય અલાહબાદ, ઓરંગાબાદ, અમૃતસર, અમરાવતી, બેંગલુરુ, બરેલી, ભઠીંડા, ભુવનેશ્વર, ચેન્નઇ, ચંદીગઢ, કટક, દહેરાદૂન, દુર્ગાપુર, ગુઆહાટી, હિસ્સાર, હાવડા,હૈદરાબાદ, જલંધર, કાનપુર,

કોચ્ચી, કોલકત્તા, લખનઉ, લુધિયાણા, મેરઠ, મુંબઇ, મેસૂર, નાગપુર, નાંદેડ, નાસિક, પાણીપત, પટિયાલા, પુંડીચેરી, પૂણે, રોહતક, સાંગલી, સોલન, સિલીગુડી, સોલાપુર, વિજયવાડા, હિંગોલી, ઓંગોલ જેવા શહેરમાં ફિલ્મનું એડવાન્સ બૂકિંગ શરૂ થઇ ગયુ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Faridabad, Housefull, Padmavat, Rohtak, ભારત