Home /News /entertainment /

Oscars 2022: વિલ સ્મિથના 'થપ્પડ કાંડ'ના સપોર્ટમાં ઉતરી કંગના, કહ્યુ - મે પણ એવું કર્યુ હોત જો....

Oscars 2022: વિલ સ્મિથના 'થપ્પડ કાંડ'ના સપોર્ટમાં ઉતરી કંગના, કહ્યુ - મે પણ એવું કર્યુ હોત જો....

સ્મિથના સપોર્ટમાં કંગનાએ કરી ઇન્સ્ટાગ્રામ પોસ્ટ

કંગનાએ લખ્યું, 'જો કોઈ મૂર્ખ મારી માતા કે બહેનની બીમારીનો ઉપયોગ મૂર્ખ લોકોના ટોળાને હસાવવા માટે કરશે, તો હું પણ તેને વિલ સ્મિથની જેમ થપ્પડ મારીશ.'

    ઓસ્કર 2022માં (Oscars 2022) બનેલી ચોંકાવનારી ઘટના વિશે દરેક લોકો વાત કરી રહ્યા છે. ઓસ્કાર એવોર્ડ સમારોહમાં, વિલ સ્મિથે તેની પત્નીની ટાલની મજાક ઉડાવતા શોના હોસ્ટ ક્રિસ રોકને થપ્પડ મારી હતી. તમને જણાવી દઇએ કે સ્મિથની પત્ની એલોપેસિયા એરેટા નામની ઓટોઇમ્યુન ડિસઓર્ડરથી પીડિત છે.

    વિલ સ્મિથ ગઇકાલથી ટ્વિટર પર ટ્રેન્ડ કરી રહ્યો છે અને લોકોમાં ચર્ચાનો વિષય બન્યો છે. આ ઘટના માત્ર સામાન્ય માણસ જ નહીં પરંતુ બોલિવૂડ સેલેબ્સનું પણ ધ્યાન ખેંચી રહી છે. કંગના રનૌતે પણ આ ઘટના પર પોતાનો અભિપ્રાય શેર કર્યો છે.

    કંગનાએ તેની ઈન્સ્ટાગ્રામ સ્ટોરીમાં વિલ સ્મિથનો બચાવ કર્યો અને લખ્યું, 'જો કોઈ મૂર્ખ મારી માતા કે બહેનની બીમારીનો ઉપયોગ મૂર્ખ લોકોના ટોળાને હસાવવા માટે કરશે, તો હું પણ તેને વિલ સ્મિથની જેમ થપ્પડ મારીશ.'

    આ પણ વાંચો - Abhishek bachchan Exclusive : અભિષેક બચ્ચન આગ્રા જેલના કેદીઓ માટે Dasvi ફિલ્મનું સ્પેશિયલ સ્ક્રીનિંગ યોજશે

    વિલ સ્મિથને 'લોકઅપ'માં જોવા માંગે છે કંગના


    કંગના રનૌતે એ પણ કહ્યું, 'શાનદાર પગલું. આશા છે કે તેઓ મારા 'લોકઅપ'માં આવશે.' બીજી તરફ 'તાંડવ' અભિનેત્રી ગૌહર ખાન વિલ સ્મિથના વર્તનથી ખુશ નથી. તેણે વિલ સ્મિથના આ થપ્પડ કાંડની સખત નિંદા કરી. તેણે તેના ટ્વિટર પર લખ્યું, 'ઓસ્કાર જીત્યો, પરંતુ સન્માન ગુમાવ્યું.' સાથી અભિનેતા પર હુમલો કરવા બદલ વિલ સ્મિથને લઇને દુઃખી છું!!! હાસ્ય કલાકારો મુશ્કેલીમાં છે.

    વિલ સ્મિથે એકેડમીની માફી માંગી


    અભિનેત્રી રિચા ચઢ્ઢા વિલ સ્મિથના 'થપ્પડ વિવાદ' પર મીમ્સની મજા માણી રહી છે. વિલ સ્મિથે જે કર્યું તે સાચું હતું કે ખોટું તે ચર્ચાસ્પદ છે. પરંતુ, બેસ્ટ એક્ટરનો એવોર્ડ મેળવતી વખતે તે રડતો જોવા મળ્યો હતો. તેણે પોતાના ભાષણમાં કહ્યું, 'હું એકેડમીની માફી માંગવા માંગુ છું. હું મારા બધા સહકર્મીઓની માફી માંગવા માંગુ છું. આ એક સુંદર ક્ષણ છે અને હું એટલે નથી રડતો કારણ કે મેં એવોર્ડ જીત્યો છે. આ એવોર્ડ જીતવા વિશે નથી.

    આ પણ વાંચો - Lock Upp : પાયલ રોહતગીએ ફિલ્મોમાં કરિયર બનાવવા તાંત્રિક પાસેથી કરાવી હતી પૂજા, કંગના રનૌતની સામે ખોલ્યું રહસ્ય

    ફિલ્મ 'કિંગ રિચર્ડ'ની સમગ્ર કાસ્ટનો આભાર વ્યક્ત કર્યો


    વિલે 'કિંગ રિચાર્ડ'ની બાકીની કાસ્ટનો આભાર માનતા કહ્યું, 'આભાર ટિમ, ટ્રેવર, જેક, ડેમી અને 'કિંગ રિચર્ડ'ની સમગ્ર કાસ્ટ અને ક્રૂ, વિલિયમ્સ પરિવાર, વિનસ અને સેરેના સહિત. કલા જીવનને પ્રતિબિંબિત કરે છે. હું પાગલ પિતા જેવો દેખાઉં છું, જેવું તેઓ રિચાર્ડ વિલિયમ્સ વિશે કહેતા હતા.'
    Published by:Bhavyata Gadkari
    First published:

    Tags: Entertainment news, Kangana ranauat, Oscar Award

    આગામી સમાચાર