'હીરોપંતી 2'માં નવાઝુદ્દીન સિદ્દીકી વિલન તરીકે જોવા મળશે, ટાઈગર શ્રોફને આપશે ટક્કર

FILE PHOTO

વર્ષ 2014માં ફિલ્મ ‘હીરોપંતીમાં’ ટાઈગર શ્રોફ સાથે અભિનેત્રી કૃતિ સેનને કામ કર્યું હતું. તો ફિલ્મ 'હીરોપંતી-2’માં તારા સુતરિયા જોવા મળશે. ટાઈગર શ્રોફે આ વર્ષે તેમના જન્મદિવસ પર જણાવ્યું હતું કે ફિલ્મ 'હીરોપંતી-2’ સિનેમાઘરોમાં 3 ડિસેમ્બરે રિલીઝ થશે

  • Share this:
વર્ષ 2014માં ટાઈગર શ્રોફે ફિલ્મ ‘હીરોપંતી’થી બોલીવુડમાં ડેબ્યૂ કર્યું હતુ. આ ફિલ્મ અંગે અપડેટ સામે આવી છે. ડેબ્યૂ બાદ પહેલી જ ફિલ્મમાં ફિલ્મફેર જીતનાર આ ફિલ્મની સીક્વલ 'હીરોપંતી-2’ બનાવવાની તૈયારીઓ કરવામાં આવી રહી છે. ફિલ્મમાં ટાઈગર શ્રોફની સાથે અન્ય વધુ એક એક્ટર પણ જોવા મળશે. આ ફિલ્મમાં નવાઝુદ્દીન સિદ્દીકી વિલનના રોલમાં જોવા મળશે.

ટાઈગર શ્રોફ અને નવાઝુદ્દીન સિદ્દીકી પહેલા સાથે કામ કરી ચૂક્યા છે. બંને અભિનેતાઓએ ફિલ્મ ‘મુન્ના માઈકલ’માં સાથે કામ કર્યું હતું. ફિલ્મ 'હીરોપંતી-2’ ની જાહેરાત બાદ ફેન્સ આ ફિલ્મની આતુરતાથી રાહ જોઈ રહ્યા છે.

ગયા વર્ષે ફિલ્મ 'હીરોપંતી-2’ની જાહેરાત કરવામાં આવી હતી. કોરોના મહામારીની બીજી લહેર પહેલા આ ફિલ્મનું પહેલુ શેડ્યુલ પૂરું થઈ ગયું હતું, પરંતુ લોકડાઉનના કારણે શુટીંગ રોકવું પડ્યું હતું. મહારાષ્ટ્રમાં મહામારીના કારણે લાદવામાં આવેલ લોકડાઉન દૂર કરતા આ ફરીથી ફિલ્મનું શુટીંગ કરવાની સંભાવના જોવા મળી રહી છે. આ ફિલ્મનું નિર્દેશન અહમદ ખાન કરી રહ્યા છે, તેમણે ફિલ્મ ‘બાગી 2’ અને ‘બાગી 3’ પણ ડાયરેક્ટ કરી છે.

વર્ષ 2014માં ફિલ્મ ‘હીરોપંતીમાં’ ટાઈગર શ્રોફ સાથે અભિનેત્રી કૃતિ સેનને કામ કર્યું હતું. તો ફિલ્મ 'હીરોપંતી-2’માં તારા સુતરિયા જોવા મળશે. ટાઈગર શ્રોફે આ વર્ષે તેમના જન્મદિવસ પર જણાવ્યું હતું કે ફિલ્મ 'હીરોપંતી-2’ સિનેમાઘરોમાં 3 ડિસેમ્બરે રિલીઝ થશે. આ ફિલ્મ 16 જુલાઈ 2021ના રોજ રિલીઝ થવાની હતી. ફિલ્મ 'હીરોપંતી-2’ને સાજિદ નડિયાદવાલા પ્રોડ્યુસ કરી રહ્યા છે. ટાઈગર શ્રોફ છેલ્લે અહમદ ખાનની ફિલ્મ ‘બાગી 3’માં જોવા મળ્યા હતા. ટાઈગર શ્રોફ ફિલ્મ 'હીરોપંતી-2’ની સાથે ‘બાગી 4’ અને ‘રેંબો’ જેવી ફિલ્મમાં જોવા મળશે.

ટાઈગર શ્રોફની પહેલી ફિલ્મ ‘હીરોપંતી’ દર્શકોને ખૂબ જ પસંદ આવી હતી. દર્શકો હવે ફિલ્મ 'હીરોપંતી-2’ની આતુરતાથી રાહ જોઈ રહ્યા છે, જેમાં અભિનેતા નવાઝુદ્દીન સિદ્દીકી વિલનના રોલમાં જોવા મળશે.
First published: