Home /News /entertainment /

Monica Bedi Birthday: 47ની થઈ મોનીકા બેદી, અંડરવર્લ્ડ ડોન અબુ સલેમ સાથેના હતો પ્રેમ?

Monica Bedi Birthday: 47ની થઈ મોનીકા બેદી, અંડરવર્લ્ડ ડોન અબુ સલેમ સાથેના હતો પ્રેમ?

મોનીકા બેદી જન્મદિવસ

Monica Bedi Birthday : કેટલીક એક્ટ્રેસ (Actress) સફળતા ન મળ્યા બાદ અંડરવર્લ્ડ સાથે કનેક્શનમાં આવી પોતાની કારકિર્દી (Caareer)થી દૂર થઈ જતી હતી. એવી જ એક અભિનેત્રી ને સૌકોઈ જાણે છે. મોનિકા બેદી (Monica Bedi) એક સમયે બોલિવૂડની સૌથી મોટી હિરોઈનોમાં એક ગણાતી હતી

વધુ જુઓ ...
    મુંબઈ: થોડા વર્ષો પહેલા બોલિવૂડ (Bollywood) અને અંડરવર્લ્ડ (Underworld)નું કનેક્શન (Connection) કોઈને કોઈ રીતે સંકળાયેલું જોવા મળતું હતું. કેટલીક એક્ટ્રેસ (Actress) સફળતા ન મળ્યા બાદ અંડરવર્લ્ડ સાથે કનેક્શનમાં આવી પોતાની કારકિર્દી (Caareer)થી દૂર થઈ જતી હતી. એવી જ એક અભિનેત્રી ને સૌકોઈ જાણે છે. મોનિકા બેદી (Monica Bedi birthday) એક સમયે બોલિવૂડની સૌથી મોટી હિરોઈનોમાં એક ગણાતી હતી. આજે મોનિકા બેદી પોતાનો 47મો જન્મદિવસ (Birthday) ઉજવી રહી છે. મોનિકાનો જન્મ 18 જાન્યુઆરી 1975ના રોજ થયો હતો. આજે મોનિકા બેદીના જન્મદિવસ પર અંડરવર્લ્ડ ડોન અબુ સલેમ (Abu Salem) સાથેના તેના પ્રેમ (Love) સંબંધો વિષે જાણો.

    મોનિકા બેદીનું નામ અંડર વર્લ્ડ સાથે જોડાતા જીવન બદલાઈ ગયું

    મોનિકા બેદી (Monica Bedi) ની ઘણી ફિલ્મો હિટ રહી હતી. કહેવામાં આવે છે કે, જે સમયે મોનિકાની કારકિર્દી સફળતાનાં શિખરે હતી, તે સમયે તેનું નામ અંડરવર્લ્ડ સાથે જોડાવાને કારણે તેનું જીવન સંપૂર્ણપણે બદલાઈ ગયું હતું. એક સમય હતો જયારે મોનિકા બેદી અને અંડરવર્લ્ડ ડોન અબુ સાલેમની લવસ્ટોરીની ચર્ચા ચોતરફ ચાલી રહી હતી. મોનિકાએ પોતે એક ઈન્ટરવ્યુ દરમિયાન પોતાની લવ સ્ટોરી વિશે જણાવ્યું હતું કે, "મેં અંડરવર્લ્ડ ડોન દાઉદ ઈબ્રાહિમ અને છોટા શકીલના નામ સાંભળ્યા હતા પરંતુ અબુ સાલેમના નામથી તે જાણતી ન હતી. પરંતુ 1998માં મોનિકા પહેલીવાર ફોન પર અબુ સાલેમના સંપર્કમાં આવી હતી. તે સમયે અભિનેત્રી હોવાને કારણે સ્ટેજ શોની ઓફરમાં રસ હતો અને હું દુબઈમાં હતી, ફોન પર મને દુબઈમાં સ્ટેજ શો કરવાની ઓફર મળી હતી."

    કેવી રીતે ડોનના પ્રેમમાં પડી?

    મોનીકા બેદી સાથે ટેલિફોનિક વાતચીત અને બાદમાં મળેલા સ્ટેજ શો દરમિયાન અબુ સલેમે પોતાને એક બિઝનેસમેન ગણાવ્યો હતો. શો પહેલા અબુ નામ બદલીને વાત કરતો હતો. મોનિકાએ વધુમાં જણાવ્યું હતું કે, "અબુની વાત કરવાની શૈલી એવી હતી કે પહેલી મુલાકાત પહેલા જ હું તેને પસંદ કરવા લાગી હતી. શો પછી પણ અમે ફોન પર વાત કરતા હતા, પરંતુ મને લાગતું હતું કે અમારી વચ્ચે ક્યાંક કોઈ કનેક્શન હોવું જોઈએ. મેં ક્યારેય વિચાર્યું ન હતું કે ફોન પર કોઈ વ્યક્તિ સાથે વાત કરતી વખતે મને તે એટલો ગમવા લાગશે કે હું વાત કર્યા વિના રહી શકીશ નહીં."

    દુબઈ શો પછી એકબીજાની નજીક આવ્યા

    મોનિકાએ વધુમાં જણાવ્યું હતું કે, 'હું એમ નહીં કહું કે હું તેની સાથે પ્રેમમાં પડી ગઈ હતી, પરંતુ હા, તે પાક્કું છે કે હું તેને પસંદ કરવા લાગી હતી. એટલું બધું કે આખો દિવસ હું તેના કોલની આતુરતાથી રાહ જોતી અને જ્યારે ફોન ન આવતો ત્યારે હું પરેશાન થઈ જતી. ફોન પર વાત કરતી વખતે મને અબુ ખૂબ જ ગંભીર અને સરળ વ્યક્તિ લાગ્યો. તેની સાથે વાત કરતાં એવું લાગતું હતું કે જાણે તે ખૂબ જ નજીકનો મિત્ર હોય. મેં ફોન પર મારી બધી વાતો તેની સાથે શેર કરવાનું શરૂ કર્યું. દુબઈના શો પછી અમે બંને એટલા નજીક આવ્યા કે અબુ દર અડધા કલાકે મને ફોન કરતો."

    પોર્ટુગલમાં ધરપકડ થઈ

    મોનિકા બેદીએ આગળ કહ્યું, "તે મારી ખૂબ કાળજી રાખવા લાગ્યો. દુબઈમાં બે વાર મળ્યા પછી હું પાછી મુંબઈ આવી ત્યારે મેં અબુને મુંબઈ આવવા કહ્યું. પરંતુ તે હંમેશા કોઈને કોઈ બહાનું બનાવતો. અબુએ મને તેનું નામ અરસલાન અલી જણાવ્યું. અબુ હંમેશા આ નામનો ઉપયોગ કરતો હતો. પોર્ટુગલમાં અમારી ધરપકડ કરવામાં આવી ત્યારે પણ અબુએ પોતાનું નામ અર્સલાન અલી આપ્યું હતું. અબુ ઈચ્છતો ન હતો કે, હું દુબઈથી મુંબઈ પાછી જાઉં. આથી હું મુંબઈમાં હતી ત્યારે અબુએ મને દુબઈ આવવા માટે ફોન કર્યો હતો અને કહ્યું હતું કે હું મુંબઈમાં રહીશ તો મુશ્કેલીમાં પડીશ."

    ભૂતકાળ વિશે જાણતી ન હતી

    પોતાની કહાની આગળ જણાવતા મોનીકા બેદીએ કહ્યું કે, 'જ્યારે હું દુબઈ પહોંચી ત્યારે તેણે મને કહ્યું કે તું હવે પાછી ન જતી. તેણે કહ્યું કે, જો તું પાછી જઈશ તો મુંબઈ પોલીસ તને મારા વિશે પૂછશે. દુનિયા ભલે અબુને ગમે તે રીતે ઓળખે, પણ જ્યાં સુધી હું તેની સાથે રહી ત્યાં સુધી તે મારા માટે સામાન્ય માણસ જેવો જ હતો. તે મારી સાથે સારો વ્યવહાર કરતો હતો. તેણે મને તેની પાછળનું કાળું સત્ય ક્યારેય જાણવા દીધું નથી. મેં તેને હંમેશા જરૂરિયાતમંદોને મદદ કરતો જોયો છે. હું તેના ભૂતકાળ વિશે કંઈ જાણતી ન હતી. મને ખબર ન હતી કે તેણે શું ખોટું કર્યું છે."

    કેવી રીતે અલગ થઈ ગયા

    મોનિકાએ વધુમાં જણાવ્યું કે, 'અમારો ખૂબ જ અંગત સંબંધ હતો. તે કોની સાથે સંબંધ ધરાવે છે તેની સાથે મારે કોઈ લેવાદેવા નહોતી. હું તેના સિવાય કોઈને મળી નથી. શરૂઆતના દિવસોમાં મને ખબર ન હતી કે તે કેવો માણસ હતો, બસ તેના શબ્દો મારા હૃદયને સ્પર્શી ગયા. બે-ત્રણ દિવસ તેમની સાથે રહીને હું પહેલીવાર મુંબઈ પાછો આવ્યો ત્યારે પણ તેણે મારી સાથે સારો વ્યવહાર કર્યો. પરંતુ જ્યારે મેં તેની સાથે રહેવાનું શરૂ કર્યું ત્યારે મને સમજાયું કે અમે એકબીજા માટે નથી બન્યા. મને સમજાયું કે અમારી બંનેની વિચારસરણી અલગ છે. પછી મને લાગ્યું કે હું તેની સાથે રહી શકીશ નહીં પરંતુ તે સમજવા તૈયાર ન હતો અને પછી તે ભાગ્યશાળી તારીખ 18 સપ્ટેમ્બર 2002 આવી, જ્યારે અમારી પોર્ટુગલમાં ધરપકડ કરવામાં આવી અને અમે તે જ તારીખથી અમે અલગ પણ થઈ ગયા.

    આ પણ વાંચોરસપ્રદ સ્ટોરી : ઓ. પી. નય્યરને લતા મંગેશકરનો અવાજ ગમતો ન હતો, ગાયક પર હતી શંકા

    મોનિકાને નકલી પાસપોર્ટ માટે દોષિત ઠેરવવામાં આવી હતી અને તેને સજા પણ ફટકારાઈ હતી. મોનીકા બેદીએ પોતાની સજા જેલમાં ગાળ્યા બાદ સ્ક્રીન પર પુનરાગમન કર્યું. આ દરમિયાન મોનિકાનો પરિવાર પંજાબના હોશિયારપુરથી નોર્વે શિફ્ટ થયો હતો. મોનિકા બેદીએ તેના ઈન્ટરવ્યુમાં ઘણીવાર કહ્યું છે કે, "તે વર્ષોથી અબુ સાલેમ સાથે રહેતી હશે, પરંતુ તેણે ક્યારેય અબુ સાથે લગ્ન કર્યા નથી." બીજી તરફ અબુ સલેમે મીડિયાને કહ્યું હતું કે, તેણે વર્ષ 2000માં મોનિકા સાથે લોસ એન્જલસની એક મસ્જિદમાં લગ્ન કર્યા હતા. હવે આ બાબતમાં કેટલું સત્ય છે તે તો, તે બંને જ જણાવી શકે.
    Published by:kiran mehta
    First published:

    Tags: Birthday Special, Birthday જન્મદિવસ, Bollywood Latest News, Bollywood News in Gujarati, Celebrities Birthday

    આગામી સમાચાર