Money Heistના આ પાત્રથી ફેન્સને છે નફરત, 5મી સિઝનમાં મારી નાખવામાં આવે, ટ્વિટર પર થયું ટ્રેન્ડ
Money Heistના આ પાત્રથી ફેન્સને છે નફરત, 5મી સિઝનમાં મારી નાખવામાં આવે, ટ્વિટર પર થયું ટ્રેન્ડ
ફેન્સ ઇચ્છે છે સિઝન 5માં આર્થુરિટોનું થાય મોત
Money Heist: ચાહકો આર્ટુરિટોને આ સિરીઝનું સૌથી ખરાબ પાત્ર (Arturito) ગણી રહ્યા છે. આ પાત્રથી બધા જ નફરત કરે છે. શોના પ્રારંભથી જ આર્ટુરિટો (money Heist Twitter Trend) ખોટું બોલે છે, પત્નીને દગો કરે છે, સેક્રેટરી સાથે લફરું છે અને જ્યારે તે ગર્ભવતી થઈ જાય છે તો ગર્ભપાત કરવાની સલાહ આપે છે. આવા તો અનેક ધૃણાસ્પદ કૃત્યો તેના નામે છે. જેના કારણે ચાહકો આ પાત્રને સિરીઝની બહાર કાઢવા માંગે છે.
એન્ટરટેઇનમેન્ટ ડેસ્ક: દર્શકો હોલિવૂડની પ્રખ્યાત વેબ સિરીઝ મની હાઇસ્ટની 5મી સીઝનની આતુરતાથી રાહ જોઈ રહ્યા હતા. અંતે ચાહકોનો આતુરતાનો અંત આવ્યો છે. મની હાઇસ્ટનો એપિસોડ પ્રસારિત થઈ ગયો છે. આ સિરીઝ રિલીઝ થતાં જ દર્શકોમાં ભારે ઉત્સાહ જોવા મળ્યો છે. મિરઝાપુર અને ધ ફેમિલી મેન પછી ભારતમાં મની હાઈસ્ટ વેબ સિરીઝ સૌથી વધુ લોકપ્રિય છે.
ગત સિઝનના ક્લિફહેંગર એન્ડિંગમાં થયેલી નૈરોબીના લોકપ્રિય પાત્રની હત્યાને ચાહકો હજી ભૂલી શક્યા નથી. ગાન્ડિયા (Jose Manuel Poga) દ્વારા તેની હત્યા કરવામાં આવી હતી. આ દરમિયાન અત્યારે સોશિયલ મીડિયા પર તેના પાત્રો અંગે ચર્ચાઓ થવા લાગી છે. જેમાં એક ખાસ પાત્ર આર્ટુરો રોમન એટલે કે આર્ટુરિટોનો ઉલ્લેખ ઘણી જગ્યાએ જોવા મળે છે. આ પાત્રથી અનેક ચાહકો નફરત કરી રહ્યા છે.
ચાહકો આર્ટુરિટોને આ સિરીઝનું સૌથી ખરાબ પાત્ર ગણી રહ્યા છે. આ પાત્રથી બધા જ નફરત કરે છે. શોના પ્રારંભથી જ આર્ટુરિટો ખોટું બોલે છે, પત્નીને દગો કરે છે, સેક્રેટરી સાથે લફરું છે અને જ્યારે તે ગર્ભવતી થઈ જાય છે તો ગર્ભપાત કરવાની સલાહ આપે છે. આવા તો અનેક ધૃણાસ્પદ કૃત્યો તેના નામે છે. જેના કારણે ચાહકો આ પાત્રને સિરીઝની બહાર કાઢવા માંગે છે.
ટ્વિટર પર આર્ટુરિટોના વિરોધમાં યુઝર્સ કૉમેન્ટ્સ કરી રહ્યા છે. એક યુઝરે લખ્યું છે કે, જો તે કાલે નહીં મરે તો હું પોતે જ સ્પેઇન જઈશ. અન્ય એક યુઝરે લખ્યું કે, હું તેની અંતિમવિધિમાં જવા તૈયાર છું. વધુ એક યુઝરે પોતાનો રોષ વ્યક્ત કરતા કોમેન્ટ કરી છે કે, જો આ સીઝનમાં ગાન્ડિયા અને આર્ટુરિટો નહીં મરે તો સિઝન કેન્સલ કરી નાખો.
5મી સીઝનમાં તેનું મોત થઈ જાય તેવું લાખો ચાહકો ઈચ્છે છે. આ સ્પેનિશ સિરીઝની 5મી સિઝન માટે ભારતમાં પણ જોરદાર ઉત્સાહ છે. આ શો રિલીઝ થવાનો હોવાથી વર્વ લોજિક નામની જયપુરની કંપનીએ 3 સપ્ટેમ્બરે તેના કર્મચારીઓ માટે રજા જાહેર કરી હતી અને તેને નેટફ્લિક્સ અને ચિલ હોલિડે તરીકે જાહેર કરી છે.
Published by:Margi Pandya
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર