રસપ્રદ કહાની: બોબી દેઓલના લગ્નમાં ગીત ગાવાના મળ્યા હતા rs. 150, આજે છે બોલિવૂડનો સૌથી મોંઘો સિંગર

મુંબઈ : બોલિવૂડ (Bollywood) સ્ટાર બોબી દેઓલે (Bobby Deol) વર્ષ 1995માં ફિલ્મ 'બરસાત' (Barsat)થી બોલિવૂડમાં એન્ટ્રી કરી હતી. આ ફિલ્મ બોક્સ ઓફિસ પર સુપરહિટ (Super Hit) સાબિત થઈ હતી. તેના માત્ર 1 વર્ષ પછી બોબીએ તાન્યા આહુજા (Tanya Ahuja)સાથે વર્ષ 1996માં લગ્ન (Marriage) કર્યા. બોલિવૂડની ચમક-દમકથી દૂર રહેતી તાન્યા દેઓલ આજે એક સફળ બિઝનેસવુમન (Business Woman) છે. તાન્યા ઇન્ટિરિયર ડિઝાઇનર (Interior designer) છે, જ્યારે બોબી હજી પણ બોલિવૂડમાં સક્રિય છે.

બોબી દેઓલ અને તાન્યા દેઓલના લગ્નને લગભગ 25 વર્ષ થઈ ગયા છે. આ યુગલ આજે પણ એકબીજાને પહેલા જેટલો જ પ્રેમ કરે છે. આ જ કારણ છે કે આજ સુધી બોબી દેઓલના અન્ય કોઈ અભિનેત્રી સાથે અફેરના સમાચાર આવ્યા નથી. બોબી અને તાન્યાને 2 પુત્રો છે, જેમના નામ આર્યમન દેઓલ અને ધરમ દેઓલ છે. 20 વર્ષીય આર્યમન પણ જલ્દી બોલિવૂડમાં ડેબ્યૂ કરવા જઈ રહ્યો છે.

બોબી દેઓલના લગ્નથી બોલિવૂડને મળ્યો હતો આ સિંગર

બોબી દેઓલ અને તાન્યા દેઓલના લગ્ન એટલા માટે પણ યાદગાર છે કારણ કે તેના કારણે બોલિવૂડને એક મોટો સિંગર મળ્યો. બોલીવુડના આ પ્રખ્યાત લગ્નમાં એક યુવા ગાયકે સ્ટેજ પરફોર્મન્સ આપ્યું અને આજે તે બોલીવુડની નંબર વન સિંગર છે. ઉલ્લેખનીય છે કે, આ સિંગર બીજું કોઈ નહીં પણ મિકા સિંહ (Mika Singh) હતો. 25 વર્ષ પછી મીકાએ પોતે આ વાતનો ખુલાસો કર્યો છે

બોલિવૂડ સિંગર મીકા સિંહે હાલમાં જ કપિલ શર્મા શો દરમિયાન 'દેઓલ ફેમિલી' સામે આ વાતનો ખુલાસો કર્યો હતો. મિકાએ કહ્યું કે, બોબી દેઓલના લગ્નમાં પહેલીવાર તેને ગિટાર વગાડવાનો અને ગાવાનો મોકો મળ્યો. આ દરમિયાન તેને ડીજેમાં પરફોર્મ કરવા માટે 150 રૂપિયા મળ્યા હતા.

'સાવન મેં લગ ગયી આગ'એ સ્ટાર બનાવ્યો

બોલિવૂડના આ હાઈપ્રોફાઈલ વેડિંગમાં ગાવાને કારણે મીકા સિંહને ઓળખ મળવાની સાથે જ તેને કોન્સર્ટ અને આલ્બમ્સની ઓફર પણ મળવા લાગી. આ પછી મિકાએ 2 વર્ષ સુધી ઘણા મોટા સ્ટેજ પ્રોગ્રામ કર્યા અને તે પંજાબ ફિલ્મ ઈન્ડસ્ટ્રીમાં ફેમસ થઈ ગયો. વર્ષ 1998 માં, મિકાએ તેનું પહેલું સોલો આલ્બમ લોન્ચ કર્યું. આ આલ્બમના ગીત 'સાવન મેં લગ ગઈ આગ'એ મીકાને રાતોરાત સ્ટાર બનાવી દીધો.

બોલિવૂડમાં ચાન્સ મળતાં 6 વર્ષ લાગ્યાં

આ પછી, મીકા પંજાબી ફિલ્મ ઈન્ડસ્ટ્રીમાં એક પછી એક હિટ ગીતો 'ઈશ્ક બ્રાન્ડી', ગબરૂ, 'સમથિંગ સમથિંગ મેરી જાન', 'જટ્ટા કા છોરા', દોનાલી,' બોલિયાં, 'બિલ્લો યાર દી' સાથે પ્રખ્યાત થયો. વર્ષ 2000માં મિકા બોલિવૂડ તરફ વળ્યો અને સપનાના શહેર મુંબઈ પહોંચ્યો. મિકા ગાયક તરીકે ફેમસ થઈ ગયો હતો, પરંતુ બોલિવૂડમાં તક મેળવવી એટલી સરળ ન હતી. મિકાને બોલિવૂડમાં ચાન્સ મળતાં લગભગ 6 વર્ષ લાગ્યાં. આ પછી, વર્ષ 2006માં પહેલીવાર ફિલ્મ 'અપના સપના મની મની'માં ગીત ગાવાનો મોકો મળ્યો.

આ ફિલ્મનું ગીત 'દેખા જો તુઝે યાર દિલ મેં બજી ગિટાર' એટલું હિટ થયું કે મીકાની ગણતરી બોલિવૂડના મોટા ગાયકોમાં થવા લાગી. આ પછી મિકાએ પાછું વળીને જોયું નથી. તે હજુ પણ 'મૌજા હી મૌજા', 'એય ગણપત ચલ દારુ લા', ઓહ લકી! લકી ઓયે!, સિંઘ ઈઝ કિંગ, 'ભૂતની કે', 'સુબહ હોને ન દે', 'ઢીંકા ચિકા', 'જુગની', 'બન ગયા કુત્તા', 'પ્યાર કી પુંગી', 'ગંદી બાત,'તું મેરે અગલ બગલ', 'જુમ્મે કી રાત', 'આજ કી પાર્ટી' અને 'લગ ગયે 440 વોલ્ટ' જેવા ઘણા સુપરહિટ ગીતો ગાયા છે.

આ પણ વાંચો - Bollywood Intresting Story: 'HERO'થી જેકી શ્રોફ હીરો બન્યો, સફળતા બાદ ચાલી ન છોડી, નિર્માતાઓ ચાલીમાં આવતા

આજે મિકા સિંહ માત્ર બોલિવૂડનો નંબર વન સિંગર જ નથી, પરંતુ સૌથી વધુ કમાણી કરનાર સિંગર પણ છે. મિકા દર મહિને લગભગ 70 લાખ રૂપિયા કમાય છે. આજે તેની પાસે પૈસાની કમી નથી. મીકાની લાઈફસ્ટાઈલ કોઈપણ બોલિવૂડ સ્ટાર્સની લક્ઝરી લાઈફસ્ટાઈલથી ઓછી નથી. મિકા સિંહ આજે લગભગ 80 કરોડની પ્રોપર્ટીનો માલિક બની ગયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Interesting story, Mika singh