આલિયા ભટ્ટની વિદાઇ બાદ ભાવુક થયો કરણ જોહર, સોશિયલ મીડિયા પર રણબીરને કહ્યુ - 'મારો જમાઇ છે તુ'

આલિયા ભટ્ટ (Alia Bhatt) અને રણબીર કપૂર (Ranbir Kapoor) હવે પતિ-પત્નીના બંધનમાં બંધાઈ ગયા છે. આલિયા હવે મિસિસ કપૂર બનીને કપૂર પરિવારની વહુ બની ગઈ છે. લગ્ન બાદ બંને મીડિયા સામે આવ્યા અને થોડીવાર મુલાકાત કરી. બંને એક સાથે ખૂબ જ ક્યૂટ અને ખુશ દેખાઈ રહ્યા હતા. લગ્ન બાદ સોશિયલ મીડિયા પર આલિયાએ પોતાની કેટલીક તસવીરો દ્વારા આ લગ્નની ઝલક બતાવીને ચાહકોને ખુશ કરી દીધા હતા. લગ્નમાં આવેલા મહેમાનોએ પણ સોશિયલ મીડિયા પર ઘણી તસવીરો શેર કરી છે. આ લગ્નમાં કરણ જોહર પણ સામેલ થયો હતો. આલિયાના ગયા પછી, તે ફરી એકવાર ભાવુક થઈ ગયો અને સોશિયલ મીડિયા પર તસવીરો શેર કરીને તેના દિલની વાત કરી.

કહેવાય છે કે અમુક સંબંધો લોહીના ન હોવા છતાં પણ બહુ ખાસ હોય છે. કંઈક આવા જ છે કરણ જોહર અને આલિયા ભટ્ટના સંબંધો. એવા અહેવાલો છે કે આલિયાના હાથ પર મહેંદી જોઈને કરણ જોહર પોતાને રોકી શક્યો નહીં અને રડવા લાગ્યો. આલિયાના ગયા પછી, તે ફરીથી તેની લાગણીઓને રોકી શક્યો નહીં અને સોશિયલ મીડિયા પર આલિયા અને રણબીર કપૂર માટે એક પોસ્ટ શેર કરી.

આ પણ વાંચો - KGF Chapter 2: સુપરસ્ટાર યશની ફિલ્મ આજે 10,000 સ્ક્રિન્સ પર થઇ રીલીઝ, ફેન્સમાં જબરો ઉત્સાહ

કરણે શેર કરી દિલની વાત

કરણ જોહરે આલિયા અને રણબીરના લગ્નની તસવીરો સાથે પોતાના દિલની વાત લખી, તેણે લખ્યું- 'ઘણા દિવસો જીવીએ છીએ. જ્યાં પરિવાર, પ્રેમ અને લાગણીઓનો સુંદર બંધન હોય છે. આજે હું ખુશ છું અને મારા દિલમાં માત્ર પ્રેમ છે. મારી ડાર્લિંગ આલિયા ભટ્ટ, તારા જીવનનું આ એક સુંદર પગલું છે. મારો પ્રેમ અને આશીર્વાદ તારી સાથે હંમેશા રહેશે. રણબીર, હું તને પ્રેમ કરું છું અને હંમેશા કરીશ, કારણ કે હવે તું મારો જમાઈ બની ગયો છે. અભિનંદન. તમને બંનેને દુનિયાની બધી ખુશીઓ મળે.

આ પણ વાંચો - Ranbir-Alia Wedding: જુઓ, રણબીર કપૂર-આલિયા ભટ્ટના લગ્નનો FIRST PHOTO

કરણ આલિયાને પોતાની દીકરી માને છે

આલિયા અને કરણ વચ્ચેનો સંબંધ માત્ર કામનો નથી. બંનેના દિલમાં એકબીજા માટે ખૂબ જ આદર છે. આલિયાએ ઘણી વખત કહ્યું છે કે કરણ માત્ર તેના માટે મેન્ટર નથી પણ તેના માટે પિતા સમાન છે. આલિયા કરણના પ્રિય બાળકો યશ અને રૂહીને તેના ભાઈ-બહેન માને છે. એટલું જ નહીં દર વર્ષે તે યશને રાખડી પણ બાંધે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Alia Bhatt, Alia bhatt ranbir kapoor wedding, Ranbir Alia Marriage, Ranbir Kapoor