રિલીઝ થતા જ ડિલીટ કરવામાં આવ્યું કંગના રનૌટની 'ધાકડ'નું ટીઝર

ન્યૂઝ18 ગુજરાતી: બોલિવૂડની ક્વિન કંગના રનૌટ અવાર નવાર કોઇને કોઇ વિવાદમાં ફસાતી જોવા મળે છે. હાલમાં જ તેની ફિલ્મ 'જજમેન્ટલ હૈ ક્યા' રિલીઝ થઇ અને હવે તેની નવી ફિલ્મનો પ્રોમો ટીઝર રિલીઝ થયો છે. આજે એટલે કે 9 ઓગષ્ટનાં રોજ થોડા જ સમય પહેલાં રિલીઝ થઇ ગયુ હતું. રિલીઝ બાદ લોકો વિચારતા થઇ ગયા જ્યારે ટીઝર રિલીઝ કર્યાનાં થોડા મિનિટની અંદર જ યૂટ્યૂબથી ડિલીટ કરી દેવામાં આવ્યો. કોઇ કંઇ સમજી નહોતું શક્યું કે કંગના રનૌટ કે તેની ફિલ્મનાં મેકર્સે આવું પગલું કેમ ઉઠાવ્યું છે.

હાલમાં કંગનાનું આ ટ્રેલર સોશિયલ મીડિયા પર હાર છે પણ યૂટ્યૂબ પરથી હટાવવામાં આવ્યું છે. ત્યારે આવું કેમ કરવામાં આવ્યું તેની જાણ થઇ નથી. આ મેકર્સે એવું કરવા પાછળનું કોઇ કારણ નથી જણાવ્યું. આ ટીઝરમાં કંગના રનૌટનો એક્શન પેક અવતાર નજર આવે છે. 45 સેકેન્ડનાં ટિઝરમાં કંગના મશીનગનથી ગોળીઓ વરસાવતો નજર આવે છે. આ ટીઝરમાં કંગના સંપૂર્ણ રીતે લોહીથી લથપથ થઇ એક્શન કરતી નજર આવે છે. જુઓ ટ્રેલર

#DhaakadTeaser #AgentAgni pic.twitter.com/zCnJGMDRMr

— Rangoli Chandel (@Rangoli_A) August 9, 2019

ફિલ્મનાં ફર્સ્ટ લૂક ટીઝરને જોઇને લાગે છે કે આ એક્શન પેક્ડ ડ્રામા ફિલ્મ હશે. આ ફિલ્મને ડિરેક્ટર રેઝી ઘઇએ બનાવી છે. ફિલ્મમાટે કંગનાને ગનની ટ્રેનિંગ આપવા માટે ફિલ્મ મેકર્સે હોંગકોંગ અને થાયલેન્ડનાં એક્શન ડિરેક્ટર્સની મુલાકાત લીધી હતી. ગન ફુ, માર્શલ આર્ટ્સ અને ગન સિક્વેન્સ મિક્સ હોય છે. ટિઝરમાં પણ કંગના જે ગન સાથે નજર આવે છે તે ગન અસલી હતી અને ખુબ ભારે હતી. જેને ઉઠાવવા સંપૂર્ણ તાકત લગાવવી પડતી હતી.



કંગના કહે છે કે, આશા છે કે ફિલ્મની શૂટિંગમાં ડિરેક્ટર્સ ડમી ગનનો ઉપયોગ કરે. આ ફિલ્મ દિવાળી 2020નાં રિલીઝ થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Delete, Dhaakad, Kangna Ranaut, Movie, Teaser, You tube