કંગના રનૌત ટ્વિટ કરી કહ્યું કે, તેની માતા રોજ 7-8 કલાક ખેતી કરે છે

મુંબઈઃ બોલિવૂડ એક્ટ્રેસ કંગના રનૌત હંમેશા સોશિયલ મીડિયા પર કોઈને કોઈ પોસ્ટ શેર કરતી રહે છે. જોકે, મોટા ભાગે તે દેશના મુદ્દાઓ વિશે વાત કરતી રહેતી હોય છે, તો ક્યારેક તેમા આગ ચાંપવાનું પણ કામ કરતી હોય છે, પરંતુ કેટલીકવાર અભિનેત્રી ફેન્સને તેના અંગત જીવનનો પણ પરિચય કરાવે છે. હાલમાં જ કંગના રનૌતે તેના જીવનના સૌથી નજીકના વ્યક્તિનો લેટેસ્ટ ફોટો શેર કર્યો છે. આ વ્યક્તિ બીજું કોઈ નહીં પણ તેની માતા છે. ફોટોની સાથે કંગનાએ તેની માતાના વખાણમાં કેટલીક વાતો પણ કહી છે.

કંગનાએ ટ્વિટર પર એક ફોટો શેર કર્યો છે, જેમાં તેની માતા ખેેતરમાં ખેતી કરવા જોવા મળે છે. જોકે, આ ફોટો શેર કરી તેણે કેપ્શનમાં લખ્યું છે કે, 'આ મારી માતા છે જે દરરોજ 7-8 કલાક ખેતી કરે છે. ઘણીવાર લોકો ઘરે આવે છે અને મને કહે છે કે, અમારે કંગનાની માતાને મળવું છે. ત્યારે તે ખૂબ નમ્રતા સાથે,  તેના હાથ ધોઈને ચા-પાણી આપે છે અને કહે છે કે, હું તેની માતા છું. ત્યારે લોકોની આંખો ફાટી જતી હોય છે.

Yeh meri Mata ji hain roz 7-8 ghante kheti karti hain, aksar ghar pe log aate hain aur unse kehte hain humein Kangana ki mummy se milna hai, badi vinamrta se haath dhokar woh unhein chai pani dekar kehti hain, Main he unki Maa hoon, unki aankhein fati reh jati hai, woh hairan 1/2 pic.twitter.com/RTQX1jIG93

— Kangana Ranaut (@KanganaTeam) February 26, 2023

કંગનાએ આગળ કહ્યું- 'એકવાર મેં તેને કહ્યું કે ઘરમાં આટલા બધા લોકો આવે છે, દરેક માટે ચા અને ખાવાનું જાતે જ બનાવવાની શું જરૂર છે, તેણે કહ્યું ના દીકરા, અમે ભાગ્યશાળી છીએ કે, અમે તેમની સેવા કરી શકીએ છીએ જેઓ તને ખૂબ ચાહતા હોય છે. . ધન્ય છે મારી મા અને તેનું પાત્ર.' વધુમાં કંગનાએ તેની માતાની ફરિયાદ વિશે પણ જણાવ્યું. તેણે કહ્યું કે, 'ફક્ત એક જ ફરિયાદ છે, તે ફિલ્મના સેટ પર આવવા માંગતી નથી, બહારનું ખાવા માંગતી નથી, ઘરનું ભોજન જ ખાશે, મુંબઈમાં રહેવા માંગતી નથી, વિદેશ જવા નથી માંગતી. અને જો તેના પર દબાણ કરીએ તો બહુ ઠપકો મળે. જોકે, તેના ચરણોમાં રહેવુ હોય તો પણ કેવી રીતે રહીએ?

આ પણ વાંચો : નસીરુદ્દીન શાહે બોલિવૂડ પર કટાક્ષ કરતા કહ્યું, 'સાઉથ કમસે કમ ઓરિજિનલ કન્ટેન્ટ તો આપે છે'

કંગના રનૌત તેની માતાનું ખૂબ સન્માન કરે છે, અને તેને ખૂબ પ્રેમ કરે છે. તે સોશિયલ મીડિયા પર તેની માતા સાથે ફોટા શેર કરતી રહે છે, અને દરેક વસ્તુ માટે તેણીનો આભાર માને છે. વર્ક ફ્રન્ટની વાત કરીએ તો કંગના રનૌત છેલ્લે વર્ષ 2022માં આવેલી ફિલ્મ ધાકડમાં જોવા મળી હતી. આ ફિલ્મને તેને ફેન્સ તરફથી સારો પ્રતિસાદ મળ્યો નથી. જોકે, આગામી દિવસોમાં તે તેજસ, ટીકુ વેડ્સ શેરુ, ચંદ્રમુખી 2 અને ઈમરજન્સીમાં જોવા મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood actress, Kangna Ranaut, Tweet