મની લોન્ડરિંગ કેસ: જેકલિન દેશ છોડવાની કોશિશ કરી રહી હતી, પુરાવા સાથે પણ છેડછાડ કરી

બોલિવૂડ અભિનેત્રી જેકલિન ફર્નાન્ડીઝની મુશ્કેલીઓ ઓછી થવાનું નામ નથી લઈ રહી. તેના નિયમિત જામીન પર દાખલ કરવામાં આવેલા EDના વિરોધ પત્રમાં મોટો ખુલાસો થયો છે. આ પત્ર પરથી ખુલાસો થયો છે કે જેકલીને તપાસ દરમિયાન પુરાવા સાથે છેડછાડ કરી હતી અને મોબાઈલમાંથી ડેટા ડિલીટ કરી દીધો હતો. તેણે તપાસ દરમિયાન જ દેશમાંથી ભાગવાનો પ્રયાસ પણ કર્યો હતો. પરંતુ LoC જારી થવાને કારણે તે સફળ થઈ શક્યું નથી.

EDએ કહ્યું કે જેકલિને ક્યારેય તપાસમાં સહકાર આપ્યો નથી. જ્યારે પણ પુરાવા બતાવીને અથવા અન્ય આરોપીઓની સામે બેસીને તેની પૂછપરછ કરવામાં આવી ત્યારે તેણે ખાલી કબૂલાત કરી છે. તપાસ દરમિયાન જેકલિનનું વર્તન સારું ન હતું, તે પુરાવા અને સાક્ષીઓને નુકસાન પહોંચાડી શકે છે. આ વિશેષ દલીલો સાથે EDએ પટિયાલા કોર્ટમાં પોતાનો જવાબ દાખલ કર્યો છે અને જેકલીનને જામીન આપવાનો વિરોધ કર્યો છે.

તમને જણાવી દઇએ કે, 200 કરોડના મની લોન્ડ્રિંગ કેસમાં જેકલિન ફર્નાન્ડિઝની ઘણી વખત પૂછપરછ કરવામાં આવી છે. જેકલિન ઉપરાંત નોરા ફતેહીની પણ થોડા સમય પહેલા પૂછપરછ કરવામાં આવી હતી. આ કેસમાં જેકલિન અને નોરા સિવાય ઘણી અભિનેત્રીઓના નામ પણ સામે આવ્યા હતા.



ઠગ સુકેશ ચંદ્રશેખર અને જેકલિન ફર્નાન્ડિઝ સાથે જોડાયેલા 200 કરોડ રૂપિયાના મની લોન્ડરિંગ કેસમાં જેકલિનની પૂછપરછ કરવામાં આવી હતી. મામલાની તપાસ કરી રહેલી ટીમના અધિકારીઓએ જણાવ્યું કે અક્ષય કુમાર અને સલમાન ખાને જેકલિનને સુકેશથી દૂર રહેવાની સલાહ આપી હતી, પરંતુ એક્ટ્રેસે આ બંનેની વાતને નજર અંદાજ કરી હતી.

આ પણ વાંચો: ધનતેરસના દિવસે મા લક્ષ્મીને પ્રસન્ન કરવા ઘરે કરો આ રંગોળી

એક રિપોર્ટ અનુસાર, જેકલિને EOWને પણ કહ્યું હતું કે, સુકેશ તેનો સપનાનો રાજકુમાર હતો અને તેની સાથે લગ્ન કરવા પણ માગતી હતી. EDની પૂછપરછમાં જેકલિને સુકેશ સાથેના રિલેશન સ્વીકાર્યા હતા. પૂછપરછમાં જેકલિને સુકેશે કરોડો રૂપિયાની ગિફ્ટ મળી હોવાનું કહ્યું હતું. સુકેશે ડાયમંડ રિંગ આપીને પ્રપોઝ કર્યું હોવાનું પણ કહ્યું હતું. આ રિંગમાં J અને S બનાવવામાં આવ્યા હતા. રિપોર્ટ અનુસાર, જેકલિને એ પણ સ્વીકાર્યું હતું કે, તેણે સુકેશ પાસેથી કરોડોની ગિફ્ટ લીધી હતી. સુકેશે ડાયમંડ રિંગ આપીને પ્રપોઝ કર્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jacqueline Fernandez, Jacqueline Fernandez hot photos