વૈશાલી ઠક્કરની આત્મહત્યાના કારણનો થયો ખુલાસો, સ્યૂસાઇડ નોટમાં કહી આ વાત

નવી દિલ્હીઃ 'યે રિશ્તા ક્યા કહલાતા હૈ' ટીવી સીરિયલ કલાકાર વૈશાલી ઠક્કરે ફાંસી લગાવીને આત્મહત્યા કરવાનો મામલો સામે આવ્યો છે. આ મામલો તેજાજી નગર પોલીસ સ્ટેશનનો છે. પોલીસે સમગ્ર બાબતની નોંધ લઈને લાશને પોસ્ટમોર્ટમ માટે એમએસ હોસ્પિટલમાં મોકલી છે અને સંપૂર્ણ તપાસ શરુ કરી દીધી છે. પોલીસને તેની પાસેથી એક સ્યૂસાઇડ નોટ મળી આવી હતી. જેનો હવે પોલીસ ખાતા તરફથી ખુલાસો કરવામાં આવ્યો છે.

પોલીસે કર્યો ખુલાસો

ટીવી એક્ટ્રેસ વૈશાલીએ આત્મહત્યા પહેલાં સુસાઈડ નોટ લખી હતી. જોકે, પોલીસ દ્વારા હજુ પણ સ્યૂસાઇડ નોટ મીડિયા સમક્ષ જારી કરવામાં નથી આવી. પરંતુ ઈન્દોરના પોલીસ ઓફિસર ACP માઉતર રહમાને કહ્યું છે કે, સુસાઈડ નોટ જોઈને લાગે છે તેનો કોઈ જૂનો પ્રેમી તેને હેરાન કરી રહ્યો હતો. જે લોકો દ્વારા તેને પરેશાન કરવામાં આવી રહ્યા હતાં, તેના ઉપર સખ્ત કાર્યવાહી કરવામાં આવશે. પોલીસ અધિકારી દ્વારા આગળની કાર્યવાહી હાથ ધરવામાં આવી છે.

આ પણ વાંચોઃ Big Boss 16: કેમ ભડક્યો સલમાન ખાન? કહ્યુ- 'મને શર્ટ કાઢવા પર મજબૂર ના કર..'

ઉલ્લેખનીય છે કે, સ્યૂસાઇડ નોટ પરથી પોલીસ દ્વારા આ તારણ કાઢવામાં આવી રહ્યુ છે. જોકે, હજુ સુધી પોસ્ટમોર્ટમ રિપોર્ટ સામે આવ્યો નથી. એટલે ચોક્કસ પુષ્ટિ કરવામાં આવી નથી. કહેવામાં આવી રહ્યુ છે કે, વૈશાલીએ તેના ઈન્સ્ટાગ્રામ એકાઉન્ટ દ્વારા આ દર્દનાક ઘટનાની હિન્ટ આપી હતી.

આ પણ વાંચોઃ Vaishali Thakkar Last Video: વૈશાલીએ ઈન્સ્ટાગ્રામ પોસ્ટથી આપી હતી આપઘાતની હિન્ટ? જુઓ છેલ્લી પોસ્ટ

ગોલ્ડન પેટલ અવોર્ડ્સથી કરવામાં આવી હતી સન્માનિત

વૈશાલી ઠક્કરે તેના કરિયરની શરુઆત એક્ટિંગથી કરી હતી. વર્ષ 2015માં તેણે સ્ટાર પ્લસના શો 'યે રિશ્તા ક્યા કહલાતા હૈ'માં સંજનાનું પાત્ર ભજવવાનો મોકો મળ્યો હતો. તેણે આ ટીવી શોથી ઘણી પ્રસિદ્ધિ મેળવી હતી. આ શો બાદ તે 'યે વાદા રહા', 'યે હૈ આશિકી' 'સસુરાલ સિમર કા', 'સુપર સિસ્ટર', 'લાલ ઈશ્ક' અને 'વિષ ઓર અમૃત'માં જોવા મળી હતી. વૈશાલીનું સૌથી પોપ્યુલર કેરેક્ટર 'સસુરાલ સિમર કા'માં અંજલી ભારદ્વાજનું હતું, જેનાથી તેને ગોલ્ડન પેટલ અવોર્ડ્સથી બેસ્ટ એક્ટ્રેસ ઇન નેગેટિવ રોલથી સન્માનિત કરવામાં આવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Entertainemt News, Tv actress, મનોરંજન