Home /News /entertainment /EXCLUSIVE: તુનિષાને હોસ્પિટલમાં લાવવામાં આવી ત્યારે કેવી હતી, તેના શરીર પર શું નિશાન હતા? જાણો સમગ્ર માહિતી

EXCLUSIVE: તુનિષાને હોસ્પિટલમાં લાવવામાં આવી ત્યારે કેવી હતી, તેના શરીર પર શું નિશાન હતા? જાણો સમગ્ર માહિતી

ફાઇલ તસવીર

Tunisha Sharma Case: તુનિષા શર્માની અંતિમ ક્ષણો દર્શાવતો એક સીસીટીવી ફૂટેજ સામે આવ્યો છે. તેમાં તેનો પૂર્વ બોયફ્રેન્ડ શિજાન ખાન તેને અન્ય બે લોકો સાથે હોસ્પિટલ લઈ જતો જોવા મળે છે. આ F&B હોસ્પિટલના માલિક ડૉ. સુરેન્દ્ર પાલે તુનિષા શર્માના મૃત્યુને લઈને ઘણી નવી માહિતી જાહેર કરી છે.

વધુ જુઓ ...
મુંબઈઃ ટીવી એક્ટ્રેસ તુનિષા શર્માના મંગળવારે મુંબઈના મીરા રોડ પર સ્થિત સ્મશાનભૂમિમાં અંતિમસંસ્કાર કરવામાં આવ્યા હતા. 21 વર્ષની આ ટીવી એક્ટ્રેસના મોતથી તેના પરિવારમાં શોકની લાગણી ફેલાઈ ગઈ છે. આ દરમિયાન તુનિષાની અંતિમ ક્ષણો દર્શાવતો સીસીટીવી ફૂટેજ પણ સામે આવ્યો છે. આ વીડિયો તુનિષાની આત્મહત્યા પછીનો છે. જેમાં તેનો એક્સ બોયફ્રેન્ડ અને ટીવી સીરિયલ અલી 'અલી બાબા: દાસ્તાન-એ-કાબુલ'નો કો-સ્ટાર શિજાન ખાન અન્ય બે લોકો સાથે તુનિષાને હોસ્પિટલ લઈ જતો જોવા મળે છે. આ દરમિયાન ન્યૂઝ 18 હિન્દીએ એફએન્ડબી હોસ્પિટલના માલિક ડૉ. સુરેન્દ્ર પાલ સાથે વાત કરી હતી, જ્યાં તુનિષાને છેલ્લી વખત લાવવામાં આવી હતી.

હોસ્પિટલ લાવ્યાં પહેલાં જ તુનિષાનું મોત


ડૉ. પાલે જણાવ્યુ હતુ કે, ‘24 ડિસેમ્બરે લગભગ 4.15 વાગ્યે તુનિષાને હોસ્પિટલમાં લાવવામાં આવી હતી. જ્યારે અમે તુનિષાની તપાસ કરી તો અમને ખબર પડી કે તેના શ્વાસ પહેલાથી જ બંધ થઈ ગયા છે. અમે તેનું ECG પણ કર્યું હતું, પરંતુ હોસ્પિટલમાં લાવવામાં આવે તે પહેલાં લગભગ 40 મિનિટ પહેલાં તેનું મૃત્યુ થયું હતું. ડૉક્ટર પાલનું કહેવું છે કે, આ પછી હોસ્પિટલના લોકોએ પોલીસને જાણ કરી, જેણે આવીને લાશને કબજે લીધી.

આ પણ વાંચોઃ માત્ર 20 વર્ષની અને પાછળ છોડી ગઈ છે કરોડોની સંપત્તિ

તુનિષાને કોણ હોસ્પિટલ લાવ્યું હતું?


બીજી તરફ, તુનિષાને હોસ્પિટલ કોણ લાવ્યું તે પ્રશ્ન પર ડૉ. સુરેન્દ્ર પાલે જણાવ્યુ હતુ કે, તુનિષા સાથે કુલ 4 લોકો આવ્યા હતા. સૌથી પહેલા એક વ્યક્તિએ આવીને અમને ઈમરજન્સી કેસની જાણકારી આપી. તેમણે કહ્યું, 'શિજાન પણ તુનિષા સાથે આવ્યો હતો. જ્યારે અમે તેને તુનિષાના મૃત્યુ વિશે જાણ કરી, ત્યારે તે તરત જ બહાર ગયો અને સીડી પાસે ઉભો રહ્યો.

આ પણ વાંચોઃ પોલીસના સવાલ પર રડવા લાગ્યો એક્ટર શિજાન ખાન

શરીરના નિશાન વિશે શું કહ્યું?


તુનિષાના શરીર પરના નિશાનો વિશે પૂછવામાં આવ્યું ત્યારે ડૉ. પાલે કહ્યુ હતુ કે, ‘લટક્યા પછી જ તેના ગળા પર નિશાન છે. આ સિવાય શરીર પર અન્ય કોઈ નિશાન નહોતા.’ ઉલ્લેખનીય છે કે, 21 વર્ષની તુનિષા શર્માએ મહારાષ્ટ્રના પાલઘરમાં સેટ પર કથિત રીતે આત્મહત્યા કરી લીધી હતી. આ કેસમાં શિજાન ખાનની આત્મહત્યા માટે ઉશ્કેરવાના આરોપમાં ધરપકડ કરવામાં આવી છે. પ્રાપ્ત માહિતી અનુસાર, તુનિષા અને શિજાન રિલેશનશિપમાં હતા અને લગભગ 15 દિવસ પહેલાં જ બંનેએ બ્રેક લીધો હતો. એવું કહેવામાં આવી રહ્યું છે કે, તુનિષાએ કથિત રીતે શિજાન સાથે સંબંધ તોડી નાંખ્યા હોવાના દુઃખથી આત્મહત્યા કરી હતી.
First published:

Tags: Exclusive, Exclusive interview, Tunisha Sharma

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો વધુ વાંચો