Video: યંગસ્ટર્સનાં ટ્રેન્ડને દર્શાવતી નવી ગુજરાતી ફિલ્મ 'ચબૂતરો'નું ટ્રેલર રિલીઝ, તમને ચોક્કસ સ્પર્શી જશે

અમદાવાદઃ આજકાલ યંગસ્ટર્સમાં વિદેશ જવાનો મોહ કંઈક વધારે પડતો જ વધી ગયો છે. મોટાભાગના યુવા વર્ગને એવું લાગે છે કે, વિદેશ ગયાં સિવાય તેમનો કોઈ ઉદ્ઘાર નથી. ત્યાંનું વર્ક કલ્ચર તેમને એટલું ગમે છે કે ખાલી પૈસા કમાવવાનાં ઉદ્દેશ્યથી ગયેલો યુવા વર્ગ ક્યારે ત્યાંની સિટીઝનશીપ લેવા માટેની હોડમાં લાગી જાય છે તેની ખબર જ નથી રહેતી. ગુજરાતી સિનેમા ઈન્ડસ્ટ્રી આવા જ ટ્રેન્ડ વચ્ચે આપણી ભારતીય સંસ્કૃતિની ભાન કરાવતી એક ફિલ્મ લઈને આવી છે, જેનું નામ છે 'ચબૂતરો', જેનું ટ્રેલર રિલીઝ થઈ ગયું છે અને આ ફિલ્મ 4 નવેમ્બરે સિનેમાઘરોમાં જોવા મળશે.

આ ફિલ્મનું મુખ્ય પાત્ર રોનક કામદાર નિભાવી રહ્યો છે. જેમાં તે એક એવા જ યુવા વર્ગનાં વિદેશ ટ્રેન્ડને દર્શાવી રહ્યો છે. ફિલ્મમાં તે અમેરિકામાં વર્ક પરમિટ લઈને જાય છે, જ્યાં તેને 5 કલાકની નોકરી, બે દિવસ રજા અને કંપની સ્પોન્સર્ડ પાર્ટી મળે છે. જેને મુકીને તે ભારત આવવા ક્યારેય નથી માંગતો અને અન્ય લોકોને પણ ભારત પાછા નહીં ફરવાની જ સલાહ આપે છે. પરંતુ વચ્ચે કંઈક એવી પરિસ્થિતી આવીને ઉભી રહી જાય છે કે તેને ભારત પાછું ફરવું પડે છે. હવે ફરી ભારત આવીને તે શું કરે છે? કઈ રીતે દેશ અને અમદાવાદને ફરી સ્વીકારે છે કે કેમ? આ બધી વાત તો ફિલ્મ જોઈને જ જાણી શકાશે.

View this post on Instagram

A post shared by Raunaq Kamdar (@raunaqkamdar)

આ તમામ વાતો વચ્ચે ફિલ્મમાં તેના મમ્મી-પપ્પા સાથેનો રમૂજી જગડો તેમજ એક મીઠી લવ સ્ટોરી પણ જોવા મળશે . કહેવા જઈએ તો ફિલ્મમાં લવસ્ટોરી, શીખ તેમજ કોમેડીનો તડકો લગાવવામાં આવ્યો છે. અહીં જુઓ ભરપૂર એન્ટરટેઈન્મેન્ટથી ભરેલી ફિલ્મનું ધમાકેદાર ટ્રેલર

આ પણ વાંચોઃ સેલિબ્રટીઝમાં સરોગસી દ્વારા માતા-પિતા બનવાનું ચલણ વધ્યું, જાણો ભારતમાં આ બાબતે કેવા છે કાયદા

View this post on Instagram

A post shared by Anjali Barot (@anjalibarotofficial)

આ પણ વાંચોઃ સેલિબ્રટીઝમાં સરોગસી દ્વારા માતા-પિતા બનવાનું ચલણ વધ્યું, જાણો ભારતમાં આ બાબતે કેવા છે કાયદા

મેકર્સ દ્વારા તેનું ટ્રેલર રજૂ કરવામાં આવ્યું છે. જેને એક જ દિવસમાં યુટ્યુબ પર 29kથી વધારે વ્યુઝ મળી ગયાં છે. આ સાથે જ ફિલ્મના એક્ટર્સ રોનક કામદાર અને અંજલી બારોટે પણ તેમના સોશિયલ મીડિયા એકાઉન્ટ પર ફિલ્મનું ટ્રેલર શેર કર્યુ છે. જેને દર્શકો દ્વારા ખૂબ જ પ્રેમ આપવામાં આવી રહ્યો છે. આ એક ફેમિલી ફિલ્મ છે જે વિદેશ ગયાં બાદ સ્પેશ્યલી ગુજરાતી મા-બાપનાં જીવનમાં થતી મૂંઝવણ અને યુવા વર્ગને ભારતની અસ્મિતાની ઓળખ કેવી રીતે કરવી તે બતાવશે. યુઝર્સ આ ટ્રેલર જોઈને ખૂબ જ ખુશ છે અને ફિલ્મની આતુરતાથી રાહ જોઈ રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Entertainment, Gujarati actor, Gujarati film industry, New film, ગુજરાતી ફિલ્મ, મનોરંજન