અંદરની વાત! રણવીર સિંહ માટે ફિલ્મ '83'ના મેકર્સે પાણીની જેમ ખર્ચ્યા પૈસા, આટલા કરોડ આપ્યા

મુંબઈ : રણવીર સિંહ (Ranveer Singh) અને કબીર ખાન (Kabir Khan)ની સ્પોર્ટ્સ ડ્રામા ફિલ્મ '83' ની રિલીઝને હવે માત્ર બે દિવસ બાકી છે. ભારતીય ક્રિકેટ ટીમ (Indian Cricket Team)ના વિશ્વ ચેમ્પિયન બનવાની વાર્તા પર આધારિત ફિલ્મ 83 (Film 83), શુક્રવાર, 24 ડિસેમ્બર 2021 ના ​​રોજ સિનેમાઘરો (Cinema Halls)માં રિલીઝ થશે. ફિલ્મને લઈને ચાહકો (Fans)માં જબરદસ્ત ક્રેઝ (Craze) છે અને જે લોકોએ ફિલ્મની સ્પેશિયલ સ્ક્રીનિંગની મજા માણી છે તેમને ફિલ્મ અદભૂત લાગી છે. આ દરમિયાન ફિલ્મ સાથે જોડાયેલા એક સમાચાર આવી રહ્યા છે જે રણવીર સિંહના ફેન્સને ખૂબ જ ઉત્સાહિત કરી શકે છે. રણવીર સિંહની '83'ની ફી વિશે સમાચાર આવી રહ્યા છે.

રણવીર સિંહે આ ફિલ્મ માટે ઘણી મોટી રકમ લીધી છે. હા, રણવીર સિંહને આ ફિલ્મ માટે 5-10 નહીં પણ પૂરા 20 કરોડ રૂપિયા ચૂકવવામાં આવ્યા છે. એટલું જ નહીં, એવા પણ અહેવાલ છે કે ફિલ્મના કુલ નફામાંથી એક ભાગ રણવીરના ખાતામાં જશે. બોલિવૂડ હંગામાના એક અહેવાલ મુજબ, એક સૂત્ર જણાવે છે કે નિર્માતાઓ રણવીર સિંહને તેના હિટ ટ્રેક રેકોર્ડ અનુસાર એક સુંદર રકમ ચૂકવવા માટે સંમત છે. આ ફિલ્મ માટે રણવીર સિંહને 20 કરોડ રૂપિયા આપવામાં આવ્યા છે અને ફિલ્મના નફામાંથી ચોક્કસ હિસ્સો પણ આપવામાં આવશે.

ફિલ્મ '83'નું ટ્રેલર જોઈને પણ ભાવુક થઈ જશો

" isDesktop="true" id="1162946" >

જો આ ફિલ્મની વાત કરીએ તો રણવીર પાસે આ ફિલ્મમાં તેને સપોર્ટ કરવા માટે મોટી સ્ટારકાસ્ટ છે. આ ફિલ્મમાં રણવીર ઉપરાંત દીપિકા પાદુકોણ, જતીન સરના, પંકજ ત્રિપાઠી, એમી વિર્ક, હાર્ડી સંધુ, તાહિર ભસીન, સાકિબ સલીમ જેવા કલાકારો છે. દરેક વ્યક્તિએ અલગ-અલગ ક્રિકેટરોની ભૂમિકા ભજવી છે. રણવીર સિંહે દિગ્ગજ ક્રિકેટર કપિલ દેવનું પાત્ર ભજવ્યું છે, જ્યારે વાસ્તવિક જીવનમાં તેની પત્ની દીપિકા પણ ફિલ્મમાં તેની પત્ની બની છે.

આ પણ વાંચો - 83 The Film Review: ફિલ્મમાં રણવીરે કરી નાંખ્યો જાદુ, World Cupની યાદ તમને ભાવુક કરી દેશે

ઉલ્લેખનીય છે કે, રણવીર સિંહે કપિલ દેવની જેમ બોલિંગ-બેટિંગ પોશ્ચરની નકલ કરવા માટે ઘણી મહેનત કરી છે. કપિલ દેવના પ્રખ્યાત નટરાજ પોઝના બોલિંગ એક્શનમાં રણવીરને જોવા માટે દર્શકો આતુરતાથી રાહ જોઈ રહ્યા છે. રણવીર સિંહે જણાવ્યું હતું કે,, '83 વર્લ્ડ કપના દિગ્ગજ બલવિંદર સિંહ સંધુ જે અમારા કોચ પણ હતા તેમણે જોયું કે, મારું શરીર ખૂબ જ ભારે છે અને પછી તેમણે કહ્યું કે જ્યારે તમે રન-અપમાં આવો છો, ત્યારે પહેલવાન જેવા લાગો છો. અને તેમણે મને લગભગ એક મહિના માટે પાછો મોકલી દીધો જેથી હું કપિલ દેવના પાત્રમાં આવવા માટે જરૂરી શારીરિક ફેરફારો કરી શકું. આ માટે હું 6 મહિના સુધી દરરોજ 4 કલાક ક્રિકેટ રમતો હતો અને 6 મહિના સુધી 2 કલાક મારી ફિઝિકલ કન્ડિશનિંગ કરતો હતો. મે પરફેક્શન લાવવા માટે કલાકો સુધી મહેનત કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 1983 World Cup, 83 Moive, Bollywood Latest News, Ranveer Singh, Ranveer Singh.83