Home /News /entertainment /

Drugs Case: NCBએ કરી ફિરોઝ નડિયાદવાલાની પત્નીની ધરપકડ, પ્રોડ્યુસરે કહ્યું- 'મારા માટે પ્રાર્થના કરો'

Drugs Case: NCBએ કરી ફિરોઝ નડિયાદવાલાની પત્નીની ધરપકડ, પ્રોડ્યુસરે કહ્યું- 'મારા માટે પ્રાર્થના કરો'

પત્નીની ધરપકડ પર ફિરોઝ નિડાયદવાલાનું નિવેદન

    એન્ટરટેઇનમેન્ટ ડેસ્ક: બોલિવૂડમાં ડ્રગ્સ મામલે NCBએ અત્યાર સુધીમાં ઘણાં સેલિબ્રિટીઝ પર તવાઇ મચાવી છે. હાલમાં જ NCBનીટીમે ફિલ્મ નિર્માતા ફિરોઝ નડિયાદવાલાની પત્ની શબાના સઇદ (Shabana Saeed) ની ડ્રગ્સ કેસમાં રવિવારે ધરપકડ કરવામાં આવી હતી. રવિવારે મુંબઇનાં નાર્કોટિક્સ કંટ્રોલ બ્યૂરો (NCB)ના ઝોનલ ડિરેક્ટર, સમીર વાનખેડેએ જણાવ્યું હતું કે ડ્રગ સંબંધિત કેસમાં તેની ધરપકડ કરવામાં આવી છે. બોલિવૂડ એક્ટર સુશાંત સિંહ રાજપૂતના મોતમાં જ્યારથી ડ્રગ્સનો મામલો સામે આવ્યો ત્યારથી નાર્કોટિક્સ કંટ્રોલ બ્યુરોએ બોલિવૂડ સંબંધિત લોકોના સ્થળો પર દરોડા પાડવાનું ચાલુ રાખ્યું છે.

    એક અહેવાલ મુજબ બોલિવૂડ સેલિબ્રિટીઝ બાદ એનસીબીની ટીમે ઘણા બોલિવૂડ ડાયરેક્ટર અને નિર્માતાઓના ઘરે દરોડા પાડ્યા છે. શનિવારે રાત્રે દરોડાની કાર્યવાહી દરમિયાન એનસીબીની ટીમે બોલિવૂડના નિર્માતા ફિરોઝ નડિયાદવાલાના ઘરેથી ડ્રગ્સનો અમુક જથ્થો મળી આવ્યો છે. આ પછી એનસીબીની ટીમ હવે નડિયાદવાલાને સમન્સ મોકલવાની તૈયારી કરી રહી છે. આ મામલે જ્યારે ફિરોઝ નડિયાદવાલા સાથે વાત કરવાનો પ્રયાસ કરવામાં આવ્યો તો તેણે કહ્યું કે, 'સત્ય બહાર આવશે, બસ મારા માટે પ્રાર્થના કરો.'



    પ્રખ્યાત ફિલ્મ સમિક્ષક અને બોલિવૂડનાં જાણકાર સુભષ કે ઝાએ સ્પોટબોય સાથે વાત કરતાં કહ્યું કે, ફિરોઝ નડિયાદવાલની પત્નીની ધરપકડ થઇ ગઇ છે. 'હું ફિરોઝને ગત 25 વર્ષથી જાણું છું, જ્યારે મને માલૂમ થયુ કે તેનાં ઘરે NCBની રેડ પડી છે અને શબાનાની ધરપકડ થઇ છે ત્યારે હું ઘણો જ આશ્ચર્યચકિત થઇ ગયો હતો. જ્યારે રાઇટર અને ડિરેક્ટર નીરજ વોરા બીમાર પડ્યાં તાં અને કોમામાં ચાલ્યા ગયા હતાં તો ફિરોઝ તેનાં ઘરે તેમને લઇ ગયો તો અને તેમનાં ઘરનાં એક રૂમને હોસ્પિટલમાં ફેરવી દીધુ હતું. જ્યાં નીરજનું ધ્યાન સતત રાખવામાં આવતું હતું.'

    આ પણ વાંચો-કોમેડિયન રાજીવ નિગમ પર તુટ્યા દુખનાં ડુંગર, પિતા બાદ દીકરાનું નિધન

    જ્યારે મે તેમન આ વિશે પુછ્યુ તો ફિરોઝે કહ્યું હતું કે, પૈસાનું શું છે સુભાષ, તે આવે જાય છે. રહે છે તો માત્ર કર્મ, હાલમાં જ જ્યારે તેમણે નાના પાટેકરને એક વેબ સીરીઝ માટે સાઇન કર્યાં તો તેમનાં ઉપર ચાલી રહેલાં મીટૂ પર બોલ્યા, ભાઇ આપણે કોઇ નથી હોતા કોઇને જજ કરનારા, આ કામ ઉપરવાળા પર છોડી દો, આજે ફિરોઝ નડિયાદવાલા પોતે મુશ્કેલ પરિસ્થિતિમાં છે જ્યારે મે તેમની વાત કરી તો તેને કહ્યું સત્ય જરુર સામે આવશે, બસ મારા માટે પ્રાર્થના કરો.

    આપને જણાવી દઇએ કે, શનિવારે મોડી રાત્રે નાર્કોટિક્સ કંટ્રોલ બ્યુરોએ મુંબઈના ઘણા બોલિવૂડ ડાયરેક્ટર અને નિર્માતાઓના ઘરે દરોડા પાડ્યા હતા. મળતી માહિતી મુજબ એનસીબીની ટીમને ફિલ્મ નિર્માતા ફિરોઝ નડિયાદવાલાના ઘરેથી 10 ગ્રામ ગાંજો મળી આવ્યો છે. NCB ટીમે નડિયાદવાલાના ત્રણ ફોન પણ કબજે કર્યા છે. જ્યારે એનસીબીએ નડિયાદવાલાના ઘરે દરોડો પાડ્યો ત્યારે તે હાજર નહોતો.
    Published by:Margi Pandya
    First published:

    Tags: Bollywood Drugs Case, NCB

    विज्ञापन

    विज्ञापन

    આગામી સમાચાર

    विज्ञापन
    विज्ञापन