Home /News /entertainment /અજય દેવગન, સિદ્ધાર્થ મલ્હોત્રા અને રકુલ પ્રીત પર થઈ FIR, આ હિન્દુ દેવતાના પાત્રને લઈને થયો છે વિવાદ

અજય દેવગન, સિદ્ધાર્થ મલ્હોત્રા અને રકુલ પ્રીત પર થઈ FIR, આ હિન્દુ દેવતાના પાત્રને લઈને થયો છે વિવાદ

અજય દેવગન, સિદ્ધાર્થ મલ્હોત્રા અને રકુલ પ્રીત પર થઈ FIR

અજય દેવગન (Ajay Devgan) ની ફિલ્મ થેંકગોડ (Thank God) માં ભગવાન ચિત્રગુપ્તના પાત્રની રજૂઆત કારણે અખિલ ભારતીય કાયસ્થ મહાસભા ગુસ્સે થઈ છે. આ મામલે, ઉત્તર પ્રદેશના ઇટાવાના સિવિલ લાઇન પોલીસ સ્ટેશનમાં કેસ નોંધવામાં આવ્યો છે.

    ભગવાન ચિત્રગુપ્તના પાત્રને રમુજી રીતે દર્શાવવા બદલ અભિનેતા અજય દેવગન (Ajay Devgan) સહિત ઘણા લોકો સામે FIR દાખલ કરવામાં આવી હતી. અજય દેવગનની ફિલ્મ થેંકગોડ (Thank God) માં ભગવાન ચિત્રગુપ્તના પાત્રને કથિત રીતે વિદૂષક તરીકે દર્શાવવાને કારણે અખિલ ભારતીય કાયસ્થ મહાસભા ગુસ્સે થઈ છે. આ મામલે, ઉત્તર પ્રદેશના ઇટાવાના સિવિલ લાઇન પોલીસ સ્ટેશનમાં કેસ નોંધવામાં આવ્યો છે.

    અખિલ ભારતીય કાયસ્થ મહાસભાના ઈટાવા એકમના પ્રમુખ નરેન્દ્ર રાયજાદાએ ઓનલાઈન એફઆઈઆર નોંધાવી છે. નરેન્દ્ર રાયજાદાની ફરિયાદ પર અભિનેતા અજય દેવગન સહિત ઘણા લોકો સામે કેસ નોંધવામાં આવ્યો છે. રાયઝાદા કહે છે કે કાયસ્થ મહાસભાએ ફિલ્મ થેંકગોડમાં ભગવાન ચિત્રગુપ્તને વિદૂષક (મશ્કરા) તરીકે દર્શાવતા અભદ્ર અને અપમાનજનક ભાષાના ઉપયોગ કરવા પર નારાજગી વ્યક્ત કરતો કેસ દાખલ કર્યો છે.

    આ પણ વાંચો:  40 Years Of Nikaah: વર્ષો પહેલા પણ બહિષ્કારની અપીલ કરવામાં આવી હતી, વિવાદથી બચવા માટે ફિલ્મનું નામ રાખવામાં આવ્યું હતું ‘નિકાહ'

    તેણે જણાવ્યું કે ફિલ્મના નિર્દેશક ઈન્દર કુમાર, નિર્માતા આનંદ પંડિત, અભિનેતા અજય દેવગન, અભિનેત્રી રકુલ પ્રીત સિંહ વિરુદ્ધ કેસ નોંધવામાં આવ્યો છે. ફિલ્મના પ્રદર્શન પર પ્રતિબંધ મૂકીને ભગવાન ચિત્રગુપ્તનું અપમાન કરનારાઓ સામે કાર્યવાહીની માંગ કરવામાં આવી છે.

    આ પણ વાંચો:  Shilpa Shetty: શું તમે જોઈ છે અભિનેત્રીની નવી મર્સિડીઝ કાર ! જોઈને તમે પણ કહેશો - વાહ!

    થેન્ક ગોડ ફિલ્મનું ટ્રેલર રિલીઝ થઈ ગયું છે. આ ફિલ્મ ઓક્ટોબરમાં દિવાળી પર રિલીઝ થશે. મહાસભા કહે છે કે ભગવાન ચિત્રગુપ્ત મનુષ્યના સારા અને ખરાબ કાર્યોનો હિસાબ રાખે છે. પરંતુ આ ફિલ્મમાં તેને એક વિદૂષક તરીકે બતાવવામાં આવ્યો છે. એફઆઈઆરમાં ડિરેક્ટર ઈન્દર કુમાર, નિર્માતા આનંદ પંડિત, ભૂષણ કુમાર, અશોક ઠાકરિયા, કૃષ્ણ કુમાર, સુનીલ ખેત્રપાલ તેમજ ફિલ્મના હીરો અજય દેવગન સિદ્ધાર્થ મલ્હોત્રા અને અભિનેત્રી રકુલ પ્રીત સિંહના નામ સામેલ છે.
    Published by:Rahul Vegda
    First published:

    Tags: Entertainment New, અજય દેવગન

    विज्ञापन
    विज्ञापन