Home /News /entertainment /જાણો કોણ હતા 'અલ્લુરી સીતારામ રાજુ' અને 'કોમારામ ભીમ'? જેમના જીવન પર રાજામૌલીની ફિલ્મ RRR બની

જાણો કોણ હતા 'અલ્લુરી સીતારામ રાજુ' અને 'કોમારામ ભીમ'? જેમના જીવન પર રાજામૌલીની ફિલ્મ RRR બની

કોણ હતા 'અલ્લુરી સીતારામ રાજુ' અને 'કોમારામ ભીમ'?

રાજામૌલી (S.S.Rajamauli) ની આ RRR ફિલ્મ (RRR Movie) ભારતીય ઈતિહાસના બે રિયલ લાઈફ હીરો 'અલ્લુરી સીતારામ રાજુ' અને 'કોમરામ ભીમ'ના જીવન પર આધારિત છે. રાજામૌલીએ આ ફિલ્મ દ્વારા એ પણ કહેવાનો પ્રયાસ કર્યો છે કે આપણો ભૂતકાળ હંમેશા ઐતિહાસિક અને ગૌરવશાળી રહ્યો છે.

વધુ જુઓ ...
    મુંબઈ : ભારતીય સિનેમા (Indian Cinema)ની સૌથી સફળ ફિલ્મ 'બાહુબલી' (Bahubali) ફેમ ડિરેક્ટર એસ.એસ. રાજામૌલી (S.S.Rajamauli) ની મોસ્ટ અવેટેડ Film RRR (Rise Roar Revolt) 7 જાન્યુઆરી, 2022ના રોજ રિલીઝ થવા જઈ રહી છે. ફિલ્મના ટ્રેલર (Trailer) પરથી જ તમે અનુમાન લગાવી શકો છો કે રાજામૌલીએ માત્ર ફિલ્મના ટેકનિકલ પાસાઓ પર જ નહીં, પરંતુ દક્ષિણ (South)ના સુપરસ્ટાર રામ ચરણ (RamCharan) (અલ્લુરી સીતારામ રાજુ -Alluri Sitarama Raju) અને જુનિયર એનટીઆર (Junior NTR) (કોમારામ ભીમ - Komaram Bheem) દ્વારા ભારતના સોનેરી ઈતિહાસ (History) બતાવવા માટે પ્રયત્ન કર્યો છે, જે ઘણી રીતે પ્રેરણાદાયી છે. રાજામૌલીએ આ ફિલ્મ દ્વારા એ પણ કહેવાનો પ્રયાસ કર્યો છે કે આપણો ભૂતકાળ હંમેશા ઐતિહાસિક અને ગૌરવશાળી રહ્યો છે.

    RRR ફિલ્મમાં કયા કયા સ્ટાર્સ છે?

    આ ફિલ્મમાં સાઉથ સિનેમાના બે મોટા સ્ટાર્સ રામ ચરણ અને જુનિયર એનટીઆર લીડ રોલમાં જોવા મળી રહ્યા છે. આ ફિલ્મમાં રામ ચરણે સ્વાતંત્ર્ય સેનાની 'અલ્લુરી સીતારામ રાજુ'નું પાત્ર ભજવ્યું હતું. બીજી તરફ સાઉથનો એક્શન સ્ટાર જુનિયર એનટીઆર 'કોમરામ ભીમ'ના રોલમાં જોવા મળશે. આ ફિલ્મમાં આલિયા ભટે સીતાનો રોલ કર્યો છે, જ્યારે અજય દેવગન પણ મહત્વના રોલમાં જોવા મળવાનો છે.

    RRR ફિલ્મ રિયલ લાઈફ હીરો 'અલ્લુરી સીતારામ રાજુ' અને 'કોમરામ ભીમ'ના જીવન પર આધારિત છે

    જણાવી દઈએ કે નિર્દેશક રાજામૌલીની આ ફિલ્મ ભારતીય ઈતિહાસના બે રિયલ લાઈફ હીરો 'અલ્લુરી સીતારામ રાજુ' અને 'કોમરામ ભીમ'ના જીવન પર આધારિત છે. ભલે ભારતીય ઈતિહાસમાં 'અલ્લુરી સીતારામ રાજુ' અને 'કોમરામ ભીમ'ના નામ જોવા મળતા નથી, પરંતુ તેમના વિશે જાણવું પણ જરૂરી છે કારણ કે આ બંને વીરોએ કંઈક એવું કર્યું છે જેનો ઉલ્લેખ ભારતીય ઈતિહાસના કોઈને કોઈ ખૂણે દફન જોવા મળે છે. બ્રિટિશ યુગના આ બે હીરોની બહાદુરીથી પ્રભાવિત થઈને ડિરેક્ટર રાજામૌલીએ 5 વર્ષ પહેલાં તમિલ ફિલ્મ RRR બનાવવાનું નક્કી કર્યું હતું.

    કોણ છે અલ્લુરી સીતારામ રાજુ?

    અલ્લુરી સીતારામ રાજુએ દેશ માટે જે કર્યું તે ભાગ્યે જ કોઈ ભૂલી શકે. અલ્લુરીનો જન્મ 1857માં વિશાખાપટ્ટનમમાં થયો હતો. સાંસારિક સુખ સારા ન લાગ્યા તો તેઓ 18 વર્ષની ઉંમરે સાધુ બની ગયા. આ સમય દરમિયાન તેમણે દેશના અનેક શહેરો મુંબઈ, વડોદરા, બનારસ, ઋષિકેશનો પ્રવાસ કર્યો. દેશના તમામ યુવાનોની જેમ અલ્લુરી સીતારામ રાજુ પણ મહાત્મા ગાંધીના વિચારોથી પ્રભાવિત હતા.

    આ રીતે અંગ્રેજો સામે લડાઈ શરૂ કરી

    1920 ની આસપાસ, અલ્લુરી સીતારામ રાજુએ આદિવાસીઓને દારૂ છોડી દેવા અને પંચાયતમાં તેમની સમસ્યાઓ હલ કરવાની સલાહ આપી. આ સમય સુધીમાં દેશ અંગ્રેજોના અત્યાચારનો સાક્ષી બની ગયો હતો. અલ્લુરી સીતારામ રાજુના જીવન પર તેની ઊંડી અસર પડી. આ પછી, મહાત્મા ગાંધીના અહિંસાના વિચારોને છોડીને, તેમણે અંગ્રેજો સામે યુદ્ધ શરૂ કર્યું અને તીર લઈને અંગ્રેજોનો નાશ કરવા નીકળી પડ્યા.

    અંગ્રેજોના દમન સામે માથુ ન ઝુંકાવ્યું

    દેશની આઝાદી માટે લડતી વખતે, અલ્લુરી સીતારામ રાજુએ અંગ્રેજો દ્વારા આપવામાં આવતી અનેક યાતનાઓને પણ હસતા મુખે સહન કરી હતી. આમ છતાં તેમણે અંગ્રેજોની દમનકારી નીતિઓ સામે ક્યારેય માથું ઝુકાવ્યું નહીં. 1924 માં, જ્યારે બ્રિટિશ સૈનિકોએ ક્રાંતિકારી અલ્લુરીને ઝાડ સાથે બાંધી દીધા અને તેમના પર ગોળીઓ ચલાવી ત્યારે તેમણે વિશ્વને અલવિદા કહ્યું. ભલે અલ્લુરી સીતારામ રાજુ આજે આપણી વચ્ચે નથી, પરંતુ તેમના બલિદાનમાં ઘણું બધું છે જેમાંથી આપણે પ્રેરણા લઈ શકીએ છીએ.

    કોમારામ ભીમ કોણ હતા?

    કોમારામ ભીમનો જન્મ 1901માં હૈદરાબાદના સંકેપલ્લીમાં થયો હતો. તેઓ ગોંડ સમાજના હતા. કોમારામ ભીમના જીવનનો એક જ હેતુ હતો, ગુલામીની સાંકળોમાં જકડાયેલી ભારત માતાને આઝાદી અપાવવાનો. જ્યારે ભીમ માત્ર 19 વર્ષના હતા ત્યારે તેમના પિતાને નિઝામ સૈનિકોએ મારી નાખ્યા હતા. તેમના પિતાના મૃત્યુથી પરેશાન, ભીમ 'નિઝામના શાસનને પાઠ શીખવવા માંગતા હતા, પરંતુ તે એકલા નિઝામના શાસન સામે લડવા માટે પૂરતા સક્ષમ ન હતા. તેમની યુવાનીમાં, ભીમ તેલંગાણાના વીર ક્રાંતિકારી અલ્લુરી સીતારામ રાજુથી ખૂબ પ્રભાવિત હતા. તેમની જેમ તેઓ પણ દેશ માટે કંઈક કરવા માંગતા હતા.

    નિઝામના શાસન સામે વિદ્રોહનું રણશિંગુ ફૂંક્યું

    આ દરમિયાન કોમારામ ભીમને ભગતસિંહની ફાંસીનાં સમાચાર મળ્યા, જેનાથી તેઓ ખૂબ જ દુઃખી થયા. આ પછી ભીમે અંગ્રેજોના સમર્થક નિઝામોને હૈદરાબાદમાંથી ભગાડવાની યોજના બનાવી અને નિઝામના શાસન સામે વિદ્રોહનું રણશિંગુ ફૂંક્યું. આ દરમિયાન ભીમે હૈદરાબાદની આઝાદી માટે સૌપ્રથમ 'આસફ જાહી રાજવંશ' સામે બળવો કર્યો. 'નિઝામના શાસન' એ કોમરામ ભીમને પકડવા માટે 300 સૈનિકોની સેના મોકલી, પરંતુ ભીમે પોતાની બહાદુરીથી નિઝામના સૈનિકોને ખતમ કરી નાખ્યા.

    આ પણ વાંચોKatrina Kaifને એક્સ તરફથી મળી કરોડોની વેડિંગ ગિફ્ટ! જોઈલો - સલમાન-રણબીરે શું Gift આપી?

    આ દરમિયાન ભીમે નિઝામના કોર્ટના આદેશો, કાયદાઓ અને તેમની સાર્વભૌમત્વને સીધો પડકાર ફેંક્યો હતો. 1928 અને 1940 ની વચ્ચે, તેમણે હૈદરાબાદની નિઝામ સરકાર સામે 'છાપામાર અભિયાન' ચાલુ રાખ્યું. આ દરમિયાન ભીમ બહાદુરીથી લડતા રહ્યા અને જંગલની દરેક લડાઈ જીતી. ભીમની બહાદુરીથી નિઝામની સેના ડરી રહી હતી. આ દરમિયાન ભીમે તેમના જીવનનો મોટો હિસ્સો 'રાજવંશ' સામે લડતા જંગલોમાં વિતાવ્યો હતો. છેવટે, નિઝામ અને અંગ્રેજો સામે અંતિમ ક્ષણ સુધી લડનાર આ યોદ્ધાએ 27 ઓક્ટોબર 1940ના રોજ આ દુનિયા છોડી દીધી.
    Published by:kiran mehta
    First published:

    Tags: Bollywood Interesting story, Bollywood Latest News, RRR Movie

    विज्ञापन
    विज्ञापन