Tu Jhoothi Main Makkaar Trailer: રણબીર-શ્રદ્ધા વચ્ચે ગજબની કેમેસ્ટ્રી, ટ્રેલરમાં જ કરી લીધી આટલી બધી Kiss

વર્ષ 2023ની શરૂઆત ફિલ્મ 'પઠાણ' (Pathaan) થી થઈ રહી છે. ફિલ્મને લઈને દર્શકોમાં ખૂબ જ ક્રેઝ જોવા મળી રહ્યો છે. આ ઉપરાંત કેટલાક નવા કપલ્સ પણ આ વર્ષે ફિલ્મી પડદે જોવા મળશે. આવી જ એક જોડી રણબીર કપૂર (Ranbir Kapoor) અને શ્રદ્ધા કપૂર (Shraddha Kapoor) છે.

આ બંને આ વર્ષે ફિલ્મ 'તુ ઝુઠી મેં મક્કાર' (Tu Jhoothi Main Makkaar Film Trailer)માં જોવા મળશે. આ લવ ડ્રામાનું ટ્રેલર આજે રિલીઝ થયું હતું. લવ રંજન (Luv Ranjan)ની આ ફિલ્મમાં બંને કલાકારો પ્રેમ અને કોમેડીનો તડકો લગાવતા નજરે પડે છે.

View this post on Instagram

A post shared by Shraddha ✶ (@shraddhakapoor)

ફિલ્મનું ટ્રેલર જોઇને જ કહી શકાય છે કે ફિલ્મ ફૂલઓન મસ્તીથી ભરપૂર હશે. રણબીર અને શ્રદ્ધાની જોડી પણ કમાલ લાગી રહી છે. બંનેની મસ્તીભરી સ્ટાઈલ બતાવી રહી છે કે ફિલ્મમાં દર્શકોને ખૂબ જ મજા આવશે. સાથે જ ફિલ્મમાં એક સરપ્રાઈઝ એલિમેન્ટ પણ છે અને તે છે બોની કપૂર. ફિલ્મ નિર્માતા બોની આ ફિલ્મ દ્વારા પહેલીવાર અભિનય ક્ષેત્રે પદાર્પણ કરી રહ્યા છે.

આ પણ વાંચો :  TMKOC : 'તારક મહેતા'માં થઇ ગઇ 'દયા બેન'ની એન્ટ્રી? બાઘા સાથે દિશા વાકાણીની વાયરલ તસવીર જોઇને ફેન્સ હરખાયા

શ્રદ્ધા-રણબીર માટે ખાસ છે આ ફિલ્મ

બાળપણથી રણબીર કપૂર અને શ્રદ્ધા કપૂર માટે આ ફિલ્મ ખૂબ જ ખાસ છે. આ પહેલીવાર છે જ્યારે બંને સ્ક્રીન પર સાથે જોવા મળશે. જો કે આ બંને કલાકારો બાળપણથી જ એકબીજાને ઓળખે છે. બંને વચ્ચે સારું બોન્ડિંગ છે, જે ટ્રેલરમાં પણ જોવા મળે છે. પિતા ઋષિ અને શક્તિ કપૂર બંને પણ ઘણી ફિલ્મોમાં સાથે કામ કરી ચૂક્યા છે. અને તેથી જ ફેન્સ માટે પણ આ સ્ટાર કિડ્સને એક સાથે જોવાનું કંઇક અલગ જ રોમાંચિત રહેશે.

આ કલાકારે ખેંચ્યું દર્શકોનું ધ્યાન

ટ્રેલરમાં દર્શકોનું ધ્યાન સ્ટેન્ડ અપ કિંગ અનુભવ સિંહ બસ્સી પર ગયું હતું. જે આ ફિલ્મથી ડેબ્યૂ કરી રહ્યા છે. ટ્રેલરમાં પણ બસ્સીના ફની વન લાઇનર્સ સૌનું ખૂબ જ મનોરંજન કરી રહ્યા છે. આ ટ્રેલરમાં પ્રીતમ, અમિતાભ ભટ્ટાચાર્ય અને અરિજિત સિંહના ગીતના જાદુની સાથે ફિલ્મના શાનદાર સંગીતની પણ ઝલક જોઇ શકાય છે.

આ પણ વાંચો :  સલમાનની 'કિસી કા ભાઇ કિસી કી જાન'નું ટીઝર શાહરૂખની 'પઠાણ' સાથે થશે રિલીઝ, ભાઇજાને શેર કર્યો દમદાર લુક

આ તારીખે રીલીઝ થશે ફિલ્મ

રાહુલ મોદી અને લવ રંજને આ ફિલ્મ લખી છે. આ પહેલા લવ 'પ્યાર કા પંચનામા' અને 'સોનુ કે ટીટુ કી સ્વીટી' ફિલ્મો લઈને આવી ચુક્યા છે. તેથી દર્શકોને આ ફિલ્મ પાસેથી ઘણી અપેક્ષાઓ છે. આ ફિલ્મમાં ડિમ્પલ કાપડિયા પણ મહત્વની ભૂમિકામાં છે. આ ફિલ્મ 8 માર્ચે રિલીઝ થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Movie, Movie Trailer, Ranbir Kapoor, Shraddha kapoor