ડિઝાઈનર સબ્યસાચીનું મંગલસૂત્ર એડ કેમ્પેઈન, નગ્નતા પર ભડક્યા લોકો, કહ્યું - 'મંગલસૂત્ર અને કામસૂત્ર અલગ'

ડિઝાઈનર સબ્યસાચીનું મંગલસૂત્ર એડ કેમ્પેઈન, નગ્નતા પર ભડક્યા લોકો

લગ્ન (Marriage)ના પવિત્ર બંધનનું પ્રતિક અને લગ્નનું પ્રતીક ગણાતા મંગળસૂત્રનું નવું કલેક્શન (New Collection) લોન્ચ કરવા માટે તેણે જે પ્રકારની એડનો આશરો લીધો છે તેના કારણે તે ટ્રોલ થઈ રહ્યો છે.

  • Share this:
    મુંબઈઃ ફેમસ ફેશન ડિઝાઈનર સબ્યસાચી મુખર્જી (Sabyasanchi Mukherjee) તેના નવા મંગલસૂત્ર (Magalsutra) કલેક્શનને કારણે ચર્ચામાં આવ્યા છે. લગ્ન (Marriage)ના પવિત્ર બંધનનું પ્રતિક અને લગ્નનું પ્રતીક ગણાતા મંગળસૂત્રનું નવું કલેક્શન (New Collection) લોન્ચ કરવા માટે તેણે જે પ્રકારની એડનો આશરો લીધો છે તેના કારણે તે ટ્રોલ થઈ રહ્યો છે. સબ્યસાચીએ પોતાના ઈન્સ્ટાગ્રામ (Instagram) પર લેટેસ્ટ ડિઝાઈનના મંગળસૂત્રનો ફોટો શેર કર્યો છે. ફેશન ડિઝાઈનર (Fashion Designer)ની મોડલે ડેનિમ અને બ્રા પહેરીને ફોટો સેશન કર્યું છે, જે સોશિયલ મીડિયા યુઝર્સને પસંદ નથી આવી રહ્યું.

    સબ્યસાચીના લક્ઝરી લેબલ 'ધ રોયલ બંગાલ મંગલસૂત્ર' ઈન્ટીમેટ ફાઈન જ્વેલરી કલેક્શન લોન્ચ કર્યું છે. મંગળસૂત્રની કિંમત 1 લાખ 65 હજાર રૂપિયાથી શરૂ થાય છે. સબ્યસાચીએ તેના ઇન્સ્ટાગ્રામ પર મંગલસૂત્ર ઉમેરવા માટે ફોટા શેર કર્યા અને કેપ્શનમાં લખ્યું 'ધ રોયલ બંગાલ મંગલસૂત્ર 1.2'.



    સબ્યસાચીએ એક પોસ્ટમાં લખ્યું હતું કે 'નેકલેસ, VVS ડાયમંડ્સ, બ્લેક ઓનીક્સ અને કાનની બુટ્ટીઓ અને બ્લેક અને 18 કેરેટનું બેંગાલ ટાઇગર આઇકોન કલેક્શન'. સબ્યસાચીની એડમાં એક મહિલાએ બ્રા અને મંગળસૂત્ર પહેર્યું છે, જ્યારે પુરુષ મોડલ પણ શર્ટલેસ છે. મંગળસૂત્ર એક પવિત્ર ઘરેણું માનવામાં આવે છે જે હિન્દુ સ્ત્રીઓ લગ્ન પછી પહેરે છે. લગ્ન સમયે, વરરાજા તેની કન્યાના ગળામાં મંગળસૂત્ર પહેરાવે છે અને તેને પોતાની જીવનસાથી બનાવે છે. પવિત્ર સંબંધને નજર ન લાગે એટલે તેમાં કાળા મોતીનો પણ ઉપયોગ કરવામાં આવે છે. પરંતુ સબ્યસાચીએ જે રીતે રજૂઆત કરી છે તેનાથી તે સોશિયલ મીડિયા પર ટ્રોલ થવા લાગ્યો છે.



    મંગળસૂત્રની એડમાં નગ્નતા દર્શાવવા બદલ સોશિયલ મીડિયા યુઝર્સ ગુસ્સે છે. કોઈએ તેના વિશે રિપોર્ટ કરવાનું કહ્યું છે. તો કોઈ સબ્યસાચીનો બહિષ્કાર કરવાની માંગ કરતી પોસ્ટ કરી રહ્યું છે.



    આ પણ વાંચોકેટલી છે Shah Rukh Khanના પર્સનલ બોડીગાર્ડની salary? આંકડો જોઈ આંખો પહોંળી થઈ જશે

    આ પહેલીવાર નથી કે જ્યારે સબ્યસાચીને ટ્રોલ કરવામાં આવ્યો હોય. આ વર્ષે ઓગસ્ટમાં તેને H&M બ્રાન્ડ સાથે ઝડપી ફેશન પ્રમોશન માટે પણ ટ્રોલ કરવામાં આવ્યો હતો. જો કે, સોશિયલ મીડિયા પર બ્રાન્ડ્સની ટીકા કરવી સામાન્ય છે. તાજેતરમાં, ફેબઇન્ડિયાના દિવાળી કલેક્શન 'જશ્ન-એ-રિવાજ' દર્શાવતી એક જાહેરાતને બિંદી ન પહેરવા બદલ ઘણા ટ્રોલ કરવામાં આવ્યા બાદ તેને નીચે દૂર કરવામાં આવી હતી. તે જ સમયે, ડાબર બ્રાન્ડ પણ કરવા ચોથ પર એક જાહેરાતને કારણે ટ્રોલ થઈ હતી.
    Published by:kiran mehta
    First published: