KBC 14: 7.5 કરોડ રુપિયાનો જવાબ ખોટો પડતા માતાને યાદ કરીને રડી પડ્યા શાશ્વત, અમિતાભ પણ થયા ભાવુક

મુંબઇ: ‘કૌન બનેગા કરોડપતિ’ 14માં ફરી એક વાર એ પળ જોવા મળી છે જેમાં દિલ્હીના શાશ્વત ગોયલે 7.5 કરોડ રૂપિયા સુધી ગેમ રમી. દિલ્હીના શાશ્વત ગોયલ 1 કરોડ રૂપિયાનો સાચો જવાબ આપીને કરોડપતિ બની ગયા. આ પળ દરેક લોકો માટે ખાસ બની રહી હતી કારણકે આવું બહુ ઓછુ થાય છે જેમાં કોઇ વ્યક્તિ શોમાં કરોડપતિ બને. કરોડપતિ બનતી વખતે પ્રશ્નોના જવાબ આપવા એ કોઇ સહેલી વાત નથી. કરોડપતિ ગેમમાં તમે જેમ આગળ વધો એમ પ્રશ્નો હાર્ડ આવે છે, ત્યારે આ પ્રશ્નોના જવાબ આપવા માટે બહુ વિચારવું પડતું હોય છે.

શાશ્વત ગોયલને થયો અફસોસ

શાશ્વત ગોયલે જ્યારે એક કરોડના સવાલનો સાચો જવાબ આપ્યો ત્યારે એમની ખુશી કંઇક અલગ જ હતી, પરંતુ આ પછી તેઓ 7.5 કરોડ રૂપિયાના પ્રશ્ન માટે એટલા જ ઉત્સાહિત અને ચિંતાતુર હતા. શાશ્વત આ ગેમને બહુ કોન્ફિડન્ટ સાથે રમતા હતા. પરંતુ વાત જાણે એમ છે કે શાશ્વતે 7.5 કરોડના સવાલનો જે જવાબ આપ્યો એ ખોટો પડ્યો અને એમને બહુ અફસોસ થયો.

આ પણ વાંચો: જોશથી ભરપૂર 'હર હર મહાદેવ'નું ટ્રેલર લોન્ચ

7.5 કરોડ રૂપિયાનો જવાબ ખોટો પડતા જ શાશ્વત નિરાશ થઇ ગયા હતા અને અફસોસ કરતા હતા. આ જવાબ ખોટો પડતા એમને માત્ર 75 લાખ રૂપિયા લઇને જ ઘરે જવું પડ્યું. શાશ્વતના 7.5 કરોડ રૂપિયાના સવાલનો જવાબ ખોટો પડ્યો એ વાત સાચી છે પરંતુ તેઓ આ ગેમ બહુ જ શાનદાર રીતે રમ્યા. આ સમયે અમિતાભ એમની પર ઇમ્પ્રેસ થઇ ગયા હતા.

ખાલી સીટ પકડીને કેમ રડી પડ્યા શાશ્વત?

કૌન બનેગા કરોડપતિના સેટ પર બેઠેલી દરેક વ્યક્તિના આંખમાં આસું એ સમયમાં આવ્યા જ્યારે આ પ્રશ્નનો જવાબ ખોટો પડ્યો અને શાશ્વતને અફસોસ થયો. આ સાથે જ શાશ્વત ઓડિયન્સમાં જઇને ખાલી સીટ પકડીને ખૂબ રડી પડ્યા હતા. જો કે આ સીન જોઇને અમિતાભ બચ્ચન પણ ઇમોશનલ થઇ ગયા હતા.

આ પણ વાંચો: ભોજપુરી સિનેમાની સની લિયોની છે પ્રાચી સિંહ

 જાણો આ વિશે શું કહ્યું શાશ્વતે...

આ વિશે શાશ્વત જણાવે છે કે, જ્યારે કેબીસી શો પહેલી વાર શરૂ થયો હતો ત્યારે એ એમની ફેમિલીની સાથે રેગ્યુલર આ શો જોતા હતા. આ સમયે એમની માતા કહેતી હતી...શાશ્વત પણ હોટ સીટ પર બેસે એ એમનું સપનું હતું, પરંતુ કોરોનાની બીજી લહેરમાં શાશ્વતની માતાનું નિધન થયું. માતાના મૃત્યુ પછી શાશ્વત મનથી ભાંગી પડ્યા હતા.


આ વિશે શાશ્વતે વધુમાં જણાવ્યું કે, એ એમની માતાનું સપનું પૂરું કરવા માટે કેબીસીમાં રમવા ઇચ્છતા હતા. સતત 9 વર્ષ ટ્રાય કર્યા પછી શાશ્વત આ ગેમ રમી શક્યા. ગેમ દરમિયાન શાશ્વતે એમની માતાને ખૂબ યાદ કર્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aamitabh Bachchan, Important Bollywood News, Kaun Banega Crorepati 14