સુશાંતસિંહ કેસ : રિયા ચક્રવર્તી ED ઓફિસ પહોંચી, તપાસ એજન્સીએ રિયાની અપીલ ઠુકરાવી

ફાઇલ ફોટો

આપને જણાવી દઇએ કે સુપ્રીમ કોર્ટમાં સુશાંત અને રિયા મામલે આગામી અઠવાડિયે હિયરિંગ થવાની છે. આ વચ્ચે BMC દ્વારા બિહારનાં IPS ઓફિસર વિનય તિવારીને સુશાંત કેસમાં આગળ વધવાની પરવાનગી આપી દેવામાં આવે છે.

  • Share this:
    એન્ટરટેઇનમેન્ટ ડેસ્ક: સુશાંતસિંહ આપઘાત કેસમાં રિયા ચક્રવર્તી ઇડીની ઓફિસ પહોંચી છે. આ પહેલા તેણીએ હાજર ન રહેવા માટે અપીલ કરી હતી પરંતુ ઈડીએ તેણીની અપીલ ફગાવી દીધી હતી.  રિયા ચક્રવર્તીએ તેનાં વકીલ સતિશ માનશિન્દે દ્વારા અપીલ કરવાવી હતી કે, રિયા શુક્રવારે EDની તપાસની પ્રક્રિયામાં ભાગ નહીં લે, જ્યાં સુધી સુપ્રીમનો નિર્ણય ન આવે ત્યાં સુધી તેને નિવેદન માટે બોલાવવામાં ન આવે. તેને થોડી રાહત આપવામાં આવે. આપને જણાવી દઇએ કે, રીયાને મુંબઇ સ્થિત EDનાં બ્રાન્ચ ઓફિસમાં પૂછપરછ માટે બોલાવવામાં આવી હતી. હવે, ED દ્વારા રિયાની અપીલ ખારીજ કરી દેવામાં આવી છે, EDએ રિયા ચક્રવર્તીની રજૂઆત ફગાવી દીધી છે અને તેને તપાસ માટે હાજર થવાનાં આદેશ આપી દીધા છે.

    આપને જણાવી દઇએ કે સુપ્રીમ કોર્ટમાં સુશાંત અને રિયા મામલે આગામી અઠવાડિયે હિયરિંગ થવાની છે. આ વચ્ચે BMC દ્વારા બિહારનાં IPS ઓફિસર વિનય તિવારીને સુશાંત કેસમાં આગળ વધવાની પરવાનગી આપી દેવામાં આવે છે. આ પહેલાં તેમને હોમ ક્વોરન્ટિન કરવામાં આવ્યાં હતાં. તેઓને તે શરત સાથે કોરન્ટિનમાંથી મુક્તિ આપવામાં આવી છે કે, તેઓ મુંબઇ આવ્યાનાં સાત દિવસની અંદર જ શહેર છોડી દેશે. કારણ કે ઓછા સમય માટે શહેરમાં આવનાર વ્યક્તિઓ માટે કોરન્ટિન રહેવું ફરજિયાત નથી. એટલે કે IPS વિનય તિવારી જે 1 ઓગષ્ટનાં મુંબઇ આવ્યા હતાં તેઓ 8 ઓગસ્ટ સુધી જ મુંબઇમાં રોકાઇ જશે.



    આપને જણાવી દઇએ કે, ગત રોજ જ બિહારનાં DGP દ્વારા મુંબઇ પોલીસ અને BMCની કામગીરીનો ઉધડો લેવામાં આવ્યો હતો. તેમણે કહ્યું હતું કે, BMC દ્વારા IPS વિનય તિવારીને કોરન્ટિન કરી દેવામાં આવ્યાં છે. અને તેઓ જે પ્લેનમાં સફર કરતા હતાં તેમાંથી માત્ર તેમને જ BMC દ્વારા હોમ કોરન્ટિન કરવામાં આવ્યા છે. આ વાત જ કહે છે કે મુંબઇ પોલીસ સુશાંતનાં કેસમાં આગળ વધવાનાં તમામ પ્રયાસ અટકાવવા માંગે છે. DGPએ તેમ પણ કહ્યું હતું કે, જો હાલમાં હું આ કેસ મામલે મુંબઇ આવું તો BMC મને પણ કોરન્ટિન કરી દે.

    આ પણ વાંચો- Exclusive: રિયા સુશાંતને માનસિક બીમાર સાબિત કરવા માંગતી હતી, SCમાં બિહાર પોલીસનું સોગંદનામું

    વેલ આપને જણાવી દઇએ કે, સુશાંત સિંહ રાજપૂતનાં કેસમાં બિહાર પોલીસને મુંબઇ પોલીસ તરફથી કોઇ સહકાર ન મળ્યો હોવા છતાં તેમણે આ કેસમાં ઘણી જ મહત્વની લિડ મેળવી હતી અને તેને સુપ્રીમ કોર્ટમાં સોગંદનામા દ્વારા રજૂ પણ કરી દીધી છે.
    Published by:Margi Pandya
    First published: