Drugs case: ટીવી એક્ટર ગૌરવ દીક્ષિતની NCBએ કરી ધરપકડ, ઘરમાંથી મળ્યું ડ્રગ્સ અને ચરસ

એન્ટરટેઇનમેન્ટ ડેસ્ક: ટેલિવિઝન એક્ટર ગૌરવ દીક્ષિતને નાર્કોટિક્સ કંટ્રોલ બ્યુરોની મુંબઈ ઝોનલ ટીમે ડ્રગ્સના કેસમાં ધરપકડ કરી છે, આ માહિતી નાર્કોટિક ડિપાર્ટમેન્ટનાં એક અધિકારીએ શુક્રવારે આપી હતી. આ વર્ષે એપ્રિલમાં એક્ટર એઝાઝ ખાન અને અન્ય કેટલાક લોકોની પૂછપરછમાં તેમનું નામ સામે આવ્યું હતું. જે બાદ NCB છેલ્લા કેટલાક મહિનાઓથી દીક્ષિતની શોધમાં હતું.

આ પણ વાંચો-TMKOC: 'ચંપક ચાચા'નું પાત્ર ભજવતા અમિત ભટ્ટને થયો ચામડીનો રોગ, 280 વખત મુંડાવ્યું છે માથું

અધિકારીએ ઉમેર્યું કે, અંધેરીના લોખંડવાલામાં ગૌરવ દીક્ષિતના ઘરની શુક્રવારે સાંજે તપાસ કરવામાં આવી જ્યારે તે ઘરે ન હતો અને દવાઓ જપ્ત કરવામાં આવી હતી. અહેવાલ મુજબ, જ્યારે અભિનેતા પાછા ફર્યા અને એનસીબી અધિકારીઓને જોયા, ત્યારે તે ઘટનાસ્થળેથી ભાગી ગયો હતો.

નાર્કોટિક્સ કંટ્રોલ બ્યુરો (NCB) એ માર્ચની શરૂઆતમાં ડ્રગ્સના એક કથિત કેસમાં બોલિવૂડ અભિનેતા એઝાઝ ખાનની ધરપકડ કરી હતી. તે જયપુરથી પરત થયો હતો ત્યારે મુંબઈ એરપોર્ટ પર ઉતર્યા બાદ તરત જ એનસીબી મુંબઈ ઝોનલ યુનિટ દ્વારા તેની પૂછપરછ માટે અટકાયત કરવામાં આવી હતી અને બીજા દિવસે વહેલી સવારે તેની ધરપકડ કરવામાં આવી હતી.

આ પણ વાંચો-શું ગર્ભવતી છે ઐશ્વર્યા રાય બચ્ચન? વીડિયો જોઇ યુઝર્સે કહ્યું- 'હવે તેનું બેબી બમ્પ સ્પષ્ટ દેખાય છે'

NCB ઝોનલ ડિરેક્ટર સમીર વાનખેડેના જણાવ્યા અનુસાર, ગૌરવનું નામ કુખ્યાત ડ્રગ પેડલર શાદાબ શેખ ઉર્ફે બટાટાની ગત અઠવાડિયે થયેલી પૂછપરછ દરમિયાન બહાર આવ્યું હતું, જેની વેસ્ટર્ન સબબર્નમાંથી ગત ગુરુવારે અટકાયત થઇ હતી.

આ પણ વાંચો-Taarak Mehta...: જુઓ નટૂ કાકાની લેટેસ્ટ તસવીરો, કેન્સરથી ઓછા થયા વાળ, ચહેરા પર છે સોજા

અટકાયત પછી, એક્ટરની NCB ઓફિસમાં કેટલાક કલાકો સુધી પૂછપરછ કરવામાં આવી હતી જે બાદમાં ડ્રગ્સ કેસમાં તેની કથિત ભૂમિકા અને ડ્રગ માફિયા સાથેના સંબંધો માટે ધરપકડ હેઠળ રાખવામાં આવ્યા હતા.

અત્યાર સુધીમાં આ એક્ટર્સનું નામ ડ્રગ્સ કેસમાં ઉછળ્યું છે- બોલિવૂડ એક્ટ્રેસ દીપિકા  પાદુકોણ, સારા અલી ખાન, રકુલ પ્રિત સિંહ, રીયા ચક્રવર્તીનું નામ ડ્રગ્સ કેસમાં સામે આવી ચુક્યું છે.  આ ઉપરાંત ટીવી એક્ટર ભારતી સિંહ અને તેનાં પતિ હર્ષ લિંબાચીયાની પણ ડ્રગ્સ મામલે ધરપકડ થઇ ગઇ છે. હાલમાં જ NCB દ્વારા રાણા દુગ્ગુબત્તી અને  અન્ય દસ જણાને ડ્રગ્સ મામલે પૂછપરછ માટે સમન્સ બજાવવામાં આવ્યું છે તેમને 2થી 22 સેપ્ટેમ્બર વચ્ચે ED સમક્ષ હાજર થવાનું રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Drugs Case, Gaurav Dixit TV Actor, NCB Latest News