'દયા ભાભી' બની ગઇ મા, આપ્યો દીકરીને જન્મ

તારક મેહતા કા ઉલટા ચશમાની એક્ટ્રેસ દયા ભાભી એટલે કે દિશા વાકાણીએ દીકરીને જન્મ આપ્યો છે. આ દિશા અને તેનાં ચાર્ટર્ડ અકાઉન્ટંટ પતિ મયૂર પંડ્યાનું પહેલું સંતાન છે. વર્ષ 2015માં દિશા અને મયુરે લગ્ન કર્યા હતાં.

News18 Gujarati
Last Updated : December 21, 2017, 18:28 IST

Margi

મુંબઇ: તારક મેહતા કા ઉલટા ચશમાની એક્ટ્રેસ દયા ભાભી એટલે કે દિશા વાકાણીએ દીકરીને જન્મ આપ્યો છે. આ દિશા અને તેનાં ચાર્ટર્ડ અકાઉન્ટંટ પતિ મયૂર પંડ્યાનું પહેલું સંતાન છે. વર્ષ 2015માં દિશા અને મયુરે લગ્ન કર્યા હતાં.

દિશાનાં પરિવારની માનીયે તો, દિશાની ડિલિવરી ડેટ ડિસેમ્બરનાં ત્રીજા અઠવાડિયામાં હતી. પણ ગત સવારે જ તેણે બાળકીને જન્મ આપી દીધો. હાલમાં બાળક અને માતા બંનેની તબિયત સારી છે. અને તેમને હોસ્પિટલમાંથી ડિસચાર્જ પણ કરી દેવામાં આવ્યાં છે. હાલમાં દિશા તેની બાળકી સાથે જ સમય વિતાવશે. તે ક્યારે શોમાં પરત ફરશે તે નક્કી નથી.

આ પહેલાં દિશાનાં ખોળાની તસવીરો વાઇરલ થઇ હતી. જેમાં શોનાં અન્ય પાત્રો પણ તેનાં ખોળામાં આવ્યા હતાં. જેમાં ઓનસ્ક્રીન તેનાં દીકરાનો રોલ કરનારો ભવ્ય ગાંધી પણ આવ્યો હતો. અને તેણે ઇન્સ્ટાગ્રામ પર તેની તસવીર પણ શેર કરી હતી.