Home /News /entertainment /અજયની ફિલ્મ Thank God ઉપર પ્રતિબંધ મૂકવાની થઇ રહી છે માંગ, જાણો કેમ

અજયની ફિલ્મ Thank God ઉપર પ્રતિબંધ મૂકવાની થઇ રહી છે માંગ, જાણો કેમ

અજય દેવગણની ફિલ્મ થેંક ગોડ મુશ્કેલીમાં ફસાતી દેખાઈ રહી છે

Ban Ajay's film Thank God: થેંક ગૉડમાં અજય દેવગણ સાથે સિદ્ધાર્થ મલ્હોત્રા અને રકુલ પ્રીત સિંહ મુખ્ય ભૂમિકામાં છે. આ ફિલ્મમાં અજય દેવગણ ચિત્રગુપ્તની ભૂમિકામાં જોવા મળશે, જે મૃત્યુ પછી તમામના પાપ અને પૃષ્ણનું હિસાબ-કિતાબ રાખે છે. હિંદૂ જનજાગૃતિ સમિતીના પ્રવક્તા મોહન ગૌંડાએ કહ્યુ કે, "ટ્રેલરમાં કલાકાર હિંદૂ દેવતાઓની મજાક ઉડાવતા જોવા મળે છે.

વધુ જુઓ ...
    મુંબઈ:  અજય દેવગણની (Aajay Devgan) ફિલ્મ ‘થેંક ગૉડ’ (Thank God) લોન્ચ પહેલા જ વિવાદોમાં ફસાતી જોવા મળી રહી છે. જ્યારથી ફિલ્મનું ટ્રેલર લોન્ચ કરવામાં આવ્યુ છે ત્યારથી તેનો વિરોધ થઇ રહ્યો છે. ફિલ્મ પર ધાર્મિક ભાવનાને ઠેસ પહોચાડવાનો આરોપ લગાવીને તેને પ્રતિબંધિત કરવાની માંગણી કરવામાં આવી રહી છે. ટ્રેલરના લોન્ચ પછી તરત જ ફિલ્મને લઇને સોશિયલ મીડિયા પર બોયકૉટ ટ્રેંડ જોવા મળ્યો હતો, પછી ઉત્તર પ્રદેશમાં ફિલ્મના કલાકારો અને ડિરેક્ટર ઇંદ્ર કુમાર વિરૂદ્ધ ફરિયાદ નોંધવામાં આવી છે. હવે મળી રહેલી નવી જાણકારી અનુસાર કર્ણાટકમાં હિંદૂ જનજાગૃતિ સમિતીએ ટ્રેલર પર આપત્તિ વ્યક્ત કરીને તેના ઉપર પ્રતિબંધ મૂકવાની માંગ કરી છે.

    દેવતાઓની ઠેકડી ઉડાવવાનો આરોપ

    થેંક ગૉડમાં અજય દેવગણ સાથે સિદ્ધાર્થ મલ્હોત્રા અને રકુલ પ્રીત સિંહ મુખ્ય ભૂમિકામાં છે. આ ફિલ્મમાં અજય દેવગણ ચિત્રગુપ્તની ભૂમિકામાં જોવા મળશે, જે મૃત્યુ પછી તમામના પાપ અને પૃષ્ણનું હિસાબ-કિતાબ રાખે છે. હિંદૂ જનજાગૃતિ સમિતીના પ્રવક્તા મોહન ગૌંડાએ કહ્યુ કે, "ટ્રેલરમાં કલાકાર હિંદૂ દેવતાઓની મજાક ઉડાવતા જોવા મળે છે. અમે અભિવ્યક્તિની સ્વતંત્રતાના નામ પર ચિત્રગુપ્ત અને હિન્દૂ ધર્મના ભગવાન યમની મજાક ક્યારેય સહન કરીશું નહીં, શું આ ટ્રેલરના રિલીઝ થવા સુધી સેંસર બોર્ડ ઉંઘી રહ્યુ હતુ?"

    સંસ્થાની માંગ છે કે સેન્સર બોર્ડ દ્વારા ફિલ્મને સર્ટિફિકેટ આપવામાં આવે નહીં. તે ઉપરાંત સંસ્થા દ્વારા કહેવામાં આવ્યું છે કે, રાજ્ય અને કેન્દ્રીય ગૃહ મંત્રાલયોને ફિલ્મ પર પ્રતિબંધ લગાવવો જોઇએ કારણ કે તેનાથી ધાર્મિક ભાવનાને ઠેસ પહોચે છે. આ સાથે હિન્દૂ સંગઠને ચેતવણી પણ આપી છે કે ફિલ્મ રિલીઝ થશે તો તેઓ રસ્તા પર ઉગ્ર વિરોધ પ્રદર્શન કરશે.

    હિંદૂ જનજાગૃતિના રાષ્ટ્રીય પ્રવક્તા રમેશ શિંદેએ જણાવ્યું હતુ કે, "બોલિવૂડ હંમેશા હિંદૂ ધર્મના વિરૂદ્ધ કામ કરતા જોવા મળે છે. પીકે જેવી મૂવી હોય કે હવે આવનારી થૈંક ગૉડ જેવી ફિલ્મ હોય દરેકમાં ભગવાનનું અપમાન કરવામાં આવ્યું છે. દરેક જગ્યાએ હિંદૂ દેવતાઓને હાસ્ય-વિનોદના રૂપમાં દર્શાવવામાં આવે છે. હિંદૂ દેવતા, હિંદૂ ધર્મ કે હિંદૂ ગ્રંથ, તેમના વિશે હંમેશા ઠેસ પહોચાડવામાં આવે છે. શું હિંદૂંઓની ધાર્મિક ભાવનાને તમે માનતા નથી? અમે ફિલ્મ રિલીઝનો વિરોધ કરીએ છીએ.

    ક્યારે રિલીઝ થશે ફિલ્મ

    ઉલ્લેખનિય છે કે થેંક ગૉડને ઇંદ્ર કુમારે ડિરેક્ટ કરી છે અને તેના પ્રોડ્યૂસર ટી સીરિઝના ભૂષણ કુમાર છે. ફિલ્મ 25 ઓક્ટોબરે દેશભરના થિયેટરોમાં રિલીઝ થવાની છે.
    Published by:mujahid tunvar
    First published:

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन