Dasvi Trailer: દસવી ફિલ્મના ટ્રેલરમાં અભિષેક બચ્ચનનો જોરદાર લૂક દેખાયો, યામી ગૌતમનો કડક અભિનય

Dasvi Trailer: બોલિવૂડ એક્ટર અભિષેક બચ્ચન (Abhishek Bachchan) ની મોસ્ટ અવેટેડ ફિલ્મ દસવી (Dasvi)નું ટ્રેલર (Abhishek Bachchan film Dasvi Trailer) રિલીઝ થઈ ગયું છે. ટ્રેલર જોઈને લાગે છે કે ફરી એકવાર અભિષેક OTT પર ધમાલ મચાવશે. ટ્રેલરમાં અભિષેક બચ્ચન (Abhishek Bachchan) અભણ નેતા ગંગારામ ચૌધરીના લૂકમાં ખૂબ જ શાનદાર લાગી રહ્યો છે. ટ્રેલરમાં તેનો દમદાર લુક અને ડાયલોગ્સ ખૂબ જ સારા છે. તો, કડક IPS ઓફિસર બનેલી યામી ગૌતમ (yami gautam) ખૂબ જ સુંદર દેખાઈ રહી છે. બિમલા દેવીના પાત્રમાં અભિનેત્રી નિમરત કૌર પણ પરફેક્ટ લાગી રહી છે.

ટ્રેલરની શરૂઆત એક સનસનાટીભર્યા સમાચારથી થાય છે, જેમાં કહેવામાં આવી રહ્યું છે કે, આજે સવારના સૌથી મોટા સમાચાર એ છે કે મુખ્યમંત્રી ગંગારામ ચૌધરીને શિક્ષક ભરતી કૌભાંડમાં SITની તપાસ સુધી ન્યાયિક કસ્ટડીમાં મોકલવામાં આવી રહ્યા છે. આ પછી અભિષેક તેના જાટ દેખાવ સાથે બહાર આવે છે. જો કે, આગળની ક્લિપમાં તે સેન્ટ્રલ જેલની સામે જોવા મળે છે.

" isDesktop="true" id="1191797" >

ટ્રેલરમાં શિક્ષક ભરતી કૌભાંડમાં ફસાયેલા મુખ્યમંત્રી ગંગારામ ચૌધરી (Abhishek Bachchan) )નો હરિયાણવી સ્વર અને દેખાવ જોવા મળી રહ્યો છે. જેલમાં અભિષેક એક તરફ SITની તપાસનો સામનો કરતો જોવા મળી રહ્યો છે, તો બીજી તરફ તેના દસમું પાસ કરવાના સપના પણ જેલની અંદર વણાયેલા જોવા મળે છે. ટ્રેલરમાં, યામી ગૌતમ, જે કડક અધિકારી બની છે, તે અભિષેકને અભણ, ગવાર કહીને તેની મજાક ઉડાવતી જોઈ શકાય છે. અભિષેકની પત્ની બિમલા દેવીના પાત્રમાં અભિનેત્રી નિમરત કૌર (Nimrat Kaur ) પણ તેના લુકને ન્યાય કરતી જોવા મળે છે. ટ્રેલરમાં તમામ પાત્રોને ખૂબ જ સારી રીતે રજૂ કરવામાં આવ્યા છે.

આ પણ વાંચો - Upcoming Movie in April : શાહિદ કપૂરની ટક્કર સાઉથના યશ અને વિજય થાલાપતિ સાથે થશે, જુઓ કઈ ફિલ્મ ક્યારે રિલીઝ થશે

તમને જણાવી દઈએ કે, ફિલ્મ દસવી (Dasvi) 7 એપ્રિલના રોજ રીલિઝ થવા જઈ રહી છે. અને તેનું પ્રીમિયર OTT પ્લેટફોર્મ Netflix તેમજ Jio સિનેમા પર કરવામાં આવશે. આ ફિલ્મને તુષાર જલોટા ડિરેક્ટ કરી રહ્યા છે. તુષાર જલોટા આ ફિલ્મથી ડાયરેક્ટર તરીકે ડેબ્યૂ કરવા જઈ રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Latest News, Bollywood News in Gujarati, Movie Trailer, Trailer, Trailer out, Yami Gautam, અભિષેક બચ્ચન