Home /News /entertainment /

covid-19 : કોરોનાની સારવાર લઈ રહેલી કનિકાના નખરા, 5-સ્ટાર સુવિધા માંગતા હૉસ્પિટલ સંચાલકે ઉધડો લીધો

covid-19 : કોરોનાની સારવાર લઈ રહેલી કનિકાના નખરા, 5-સ્ટાર સુવિધા માંગતા હૉસ્પિટલ સંચાલકે ઉધડો લીધો

તમને જણાવી દઇએ કે લંડનથી પરત ફર્યા પછી કોરોનાના લક્ષણ હોવા છતાં તેની પર કેટલીક પાર્ટીમાં જોડાવાનો આરોપ છે. જો કે તે પછી પોસ્ટ ગ્રેજ્યુએટ ઇન્સ્ટીટ્યૂટ ઓફ મેડિકલ સાયન્સમાં દાખલ કરવામાં આવી. અને ત્યાં તેની યોગ્ય રીતે સારવાર કરવામાં આવી.

લખનઉની એસજીપીજીઆઈના ડાયરેક્ટર ડો.આર.કે.ધિમાને કહ્યું છે કે, "કનિકા કપૂર સિનેમા સ્ટાર તરીકે નહીં પણ દર્દી તરીકે હોસ્પિટલમાં આવી છે."

    અલાઉદ્દીન, લખનઉ : બૉલિવૂડની સિંગર કનિકા કપૂર (Kanika kapoor) લંડનથી (London) આવ્યા બાદ કોરોનાની (corona virus) (corona) શંકાસ્પદ દર્દી હોવા છતા એક પાર્ટીની હોસ્ટ બની હતી. કનિકા કપૂર હાલમાં કોરોનાની સારવાર લઈ રહી છે અને લખનઉની (Lucknow) એસજીપીઆઈ હૉસ્પિટલમાં દાખલ છે. પાર્ટી યોજી અને અનેક નેતા,અભિનેતાઓને કોરોનાના જોખમમાં મૂકનારી કનિકા પહેલાંથી રાષ્ટ્રીય ટીકાનો સામનો કરી રહી છે ત્યારે હવે કનિકાએ હૉસ્પિટલમાં નખરા કરતા હૉસ્પિટલ સંચાલકોએ તેનો ઉધડો લીધો છે.

    જોકે, આ મામલે લખનઉ સ્થિત એસજીપીજીઆઈના ડિરેક્ટરએ કડક વલણ અપનાવ્યું છે. વળી, તેમણે કહ્યું કે કનિકાને પહેલાંથી જ ઘણી સારી સુવિધા આપવામાં આવી રહી છે. પરંતુ તેણે સમજવું પડશે કે તેઓ અહીં દર્દી છે, સેલિબ્રિટી નહીં. તેઓએ. કનિકાને સારી સુવિધા હોવા છતાં હૉસ્પિટલમાં પણ અલગથી ભોજન જોઈએ છે. આમ પહેલાં લોકોને કોરોનાના જોખમમાં મૂક્યા અને ટીકાપાત્ર બની હવે અણછાજતું વર્તન કરી અને બૉલિવૂડની 'બેબીડોલ' ટીકાનો સામનો કરી રહી છે.

    'ઉલટા ચોર કોતવાલ કો ડાંટે'

    ચોમેર ટિકાનો સામનો કરી રહેલી કનિકાની સ્થિતિ
    'ઉલટા ચોર કોતવાલ કો ડાંટે' જેવી થઈ છે. એક બાજુ તે સારૂં વર્તન કરી રહી નથી બીજી બાજુ તેણે આ બધી જોઈતી સુવિધા ન મળે તો હૉસ્પિટલના સ્ટાફનો વિરોધ કરવાની ધમકી આપતા હાહાકાર મચી ગયો છે.

    કનિકાની પાર્ટીમાં નેતા અભિનેતા, અધિકારઓનો મેળવડો હતો

    દરમિયાન કનિકા કપૂર કોરોના સંક્રમિત જાહેર થઈ તે પહેલાં એક ભવ્ય પાર્ટીમાં ગઈ હતી. તેણે યોજાયેલી આ પાર્ટીમાં નેતા-અભિનેતા, અધિકારીઓનો મેળાવડો હતો જેમાં ભાજપના ઉપાધ્યક્ષ અને પૂર્વ મુખ્યમંત્રી વસુંધરા રાજે, સાંસદ દુષ્યંત સિંઘ ઉપસ્થિત હતા. સદનસીબે આ બંને નેતાના કોરોના ટેસ્ટા નેગેટિવ આવ્યા છે.
    Published by:Jay Mishra
    First published:

    Tags: Coronavirus, COVID19, Kanika Kapoor

    આગામી સમાચાર