નેશનલ એવોર્ડ વિનર બુદ્ધદેવા દાસગુપ્તાનું નિધન, રાષ્ટ્રપતિ અને CM મમતા બેનરજીએ જતાવ્યો શોક

એન્ટરટેઇનમેન્ટ ડેસ્ક: પ્રખ્યાત ફિલ્મ નિર્દેશક બુદ્ધદેબ દાસગુપ્તાનું ઉંમર સંબંધી બીમારીઓને કારણે ગુરુવારે વહેલી સવારે નિધન થઇ ઘયુ છે. પરિવારનાં સભ્યએ જાણકારી આપી છે. દાસગુપ્તા 77 વર્ષનાં હતાં. તેમનાં નિધન પર રાષ્ટ્રપતિ રામનાથ કોવિંદ અને પશ્ચિમ બંગાળની મુખ્યમંત્રી મમતા બેનર્જીએ નિધન પર શોક વ્યક્ત કર્યો છે.

આ પણ વાંચો- નુસરત જહાંએ નિખિલ જૈન પર લગાવ્યો ઘરેણા પડાવી લેવાનો આરોપ, બોલી- 'મારા અકાઉન્ટમાંથી કાઢ્યા પૈસા'

રાષ્ટ્રપતિ કોવિંદે ટ્વિટ કરી છે કે, 'બુદ્ધદેવ દાસગુપ્તાનાં નિધનથી દુખી છું. તેમનાં વિવિધતાપૂર્ણ કાર્યએ સમાજનાં તમામ વર્ગોનાં દિલનાં તાર હલાવ્યાં છે. તો એક પ્રસિદ્ધ વિચારક અને કવિ પણ હતાં. દુખની આ ઘડીમાં મારી સંવેદનાઓ તેમનાં પરિવારનાં સભ્યો અને તેનાં ચાહકો સાથે છે. '

Buddhadeb Dasgupta enriched our arts and culture with his world-renowned films as well as poetry – both animated by a heartfelt lyricism. In his passing away, we have lost an extraordinary artist. My condolences to the bereaved family.

— President of India (@rashtrapatibhvn) June 10, 2021

પશ્ચિમ બંગાળની મુખ્યમંત્રી મમતા બેનર્જીએ તેમનાં નિધન પર શોક વ્યક્ત કર્યો છે. મમતા બેનર્જીએ ટ્વિટ કરી જણાવ્યું છે કે, 'પ્રખ્યાત ફિલ્મકાર બુદ્ધદેવ દાસગુપ્તાનાં નિધનથી દુખી છું. આપનાં કામ દ્વારા આપ સિનેમાની ભાષાને અનોખી બનાવી દીધી. આપનું નિધન ફિલ્મ સમુદાયને મોટુ નુક્સાન છે. આપનાં પરિવાર, સહયોગી અને પ્રશંસકો પ્રત્યે મારી સંવેદનાઓ'

Saddened at the passing away of eminent filmmaker Buddhadeb Dasgupta. Through his works, he infused lyricism into the language of cinema. His death comes as a great loss for the film fraternity. Condolences to his family, colleagues and admirers

— Mamata Banerjee (@MamataOfficial) June 10, 2021

તેમનાં નિધન પર દુખ જાહેર કરતાં ફિલ્મકાર ગૌતમ ધોષે કહ્યું કે, બુદ્ધ દા ખરાબ તબિયત છતા ફિલ્મો બનાવતા રહ્યાં હતાં. લેખ લખતા હતાં, અને સક્રિય હતાં. તેમનું સ્વાસ્થ્ય સારુ ન હોય તો પણ તેમને 'ટોપે ઔર ઉરોઝાહજ'નું ડિરેક્શન કર્યું. તેમનું જવું અમારા માટે મોટું નુક્સાન છે.

બુદ્ધદેવ દાસ ગુપ્તાનાં પરિવારમાં તેમની પત્ની અને તેમનાં પહેલાં લગ્નથી બે દીકરીઓ છે. પરિવારનાં સભ્યોએ જણાવ્યું કે, રાષ્ટ્રીય પુરસ્કાર વિજેતા નિર્દેશક લાંબા સમયથી કિડનીની બીમારીથી પિડાતા હતાં. તેમને અઠવાડિયામાં બે વખત ડાયાલિસિસની જરૂર પડતી હતી.