લોકડાઉન દરમિયાન કોહલી તેની પત્ની અનુષ્કા સાથે અનેક સોશિયલ મીડિયાના વીડિયો અને ફોટોમાં નજરે પડી રહ્યા છે. અને લાગે છે કે આ કોરોનાનો સમય બને બહુ સારી રીતે એન્જોય કરી રહ્યા છે.
આ સુંદર જોડી એક સેલ્ફી લઈ રહી છે જે દરમિયાન અનુષ્કા વિરાટને કિસ કરવાનો પ્રયાસ કરી રહી છે
નવી દિલ્હીઃ ભારતીય ક્રિકેટ ટીમ (Team India)ના કેપ્ટન વિરાટ કોહલી (Virat Kohli) અને બોલિવૂડની ટોપ એક્ટ્રેસ પૈકીની એક તેની પત્ની અનુષ્કા શર્મા (Anushka Sharma) ક્યારેક જ પોતાની તસવીરોને લઈ ચર્ચામાં આવે છે. તેમની રજાઓ માણવાની તસવીરો પહેલા પણ ઇન્ટરનેટની દુનિયામાં ચર્ચાસ્પદ રહી છે. હવે લૉકડાઉન (Lockdown)ની વચ્ચે આવી જ એક તસવીર શૅર કરવામાં આવી છે જે બંનેના સ્વિત્ઝરલેન્ડ (Switzerland)માં રજાના દિવસોની છે. તેમાં આ સુંદર જોડી એક સેલ્ફી લઈ રહી છે જે દરમિયાન એક્ટ્રેસ પોતાના પતિને કિસ કરવાનો પ્રયાસ કરી રહી છે.
વિરાટ કોહલીએ આ તસવીરને શૅર કરતાં લખ્યું કે, એક યાદગાર ક્ષણ જ્યારે શીતળ હવા, વૃક્ષોનો અવાજ, આ બરફને સ્પર્શ કરતાં અંદર સુધી ખૂબ તાજા અનુભવ કરી રહ્યા હતા અને હંમેશાની જેમ એક બીજાને સાથે હતા.
હાલમાં જ ભારતીય કેપ્ટન વિરાટ કોહલી એ પણ પહેલા PM CARES Fundમાં દાન આપ્યું હતું અને હવે મુંબઈ પોલીસની મદદ માટે તે આગળ આવ્યો. વિરાટ કોહલી અને તેની પત્ની અનુષ્કા શર્મા એ મુંબઈ પોલીસ કલ્યાણ માટે યોગદાન આપ્યું છે.
Thank you, @imVkohli and @AnushkaSharma for contributing Rs. 5 lacs each towards the welfare of Mumbai Police personnel.
Your contribution will safeguard those at the frontline in the fight against Coronavirus.#MumbaiPoliceFoundation
મુંબઈ પોલીસ કમિશ્નર પરમબીર સિંહે શનિવારે જણાવ્યું કે ભારતીય ક્રિકેટ ટીમના કેપ્ટન વિરાટ કોહલી અને તેની પત્ની અભિનેત્રી અનુષ્કા શર્માએ કોરોના વાયરસ મહામારીની વચ્ચે પોલીસ કલ્યાણ માટે પાંચ-પાંચ લાખ રૂપિયાનું યોગદાન આપ્યું હતું.
