શર્લિન ચોપરાએ શિલ્પા શેટ્ટી અને રાજ કુન્દ્રા પર લગાવ્યો ગંભીર આરોપ, 'મને અંડરવર્લ્ડથી ધમકી આપવામાં આવી'

શર્લિન ચોપરાએ શિલ્પા શેટ્ટી અને રાજ કુન્દ્રા પર લગાવ્યો ગંભીર આરોપ

રાજ કુન્દ્રા તાજેતરમાં પોર્નોગ્રાફી કેસમાં ધરપકડ બાદ ચર્ચામાં હતા. આ કેસમાં પોલીસે શર્લિન ચોપરાનું નિવેદન નોંધ્યું હતું, જેણે તેના પર ઓનલાઈન પોર્ન બનાવવા અને તેનું વિતરણ કરવાનો આરોપ લગાવ્યો હતો

  • Share this:
    નવી દિલ્હી : બોલીવુડ અભિનેત્રી શર્લિન ચોપરા (Sherlyn Chopra)એ અભિનેત્રી શિલ્પા શેટ્ટી (Shilpa Shetty) અને તેના પતિ રાજ કુન્દ્રા (Raj kundra) પર ગંભીર આરોપ લગાવતા કહ્યું કે, 'શિલ્પા શેટ્ટી અને તેના પતિ રાજ કુન્દ્રાએ મને અંડરવર્લ્ડથી ધમકી આપી હતી. ન્યૂઝ એજન્સી ANI અનુસાર, શર્લિને એમ પણ કહ્યું છે કે, 'તેણે હવે મને માનહાનિની ​​નોટિસ મોકલી છે, પરંતુ હું ડરીશ નહીં. હું પોલીસને મારું નિવેદન નોંધવા વિનંતી કરું છું, જેથી કરીને મારી ફરિયાદની નોંધ લઈ શકાય. મેં માનસિક ઉત્પીડન માટે 75 કરોડ રૂપિયાની માંગણી કરતી જવાબ નોટિસ મોકલી છે.

    તમને જણાવી દઈએ કે, હાલમાં જ શર્લિન ચોપરા (Sherlyn Chopra)એ રાજ કુન્દ્રા અને શિલ્પા શેટ્ટી વિરુદ્ધ કથિત જાતીય સતામણી, છેતરપિંડી અને અપરાધિક ધમકીની ફરિયાદ નોંધાવી હતી, ત્યારબાદ શિલ્પા શેટ્ટી અને રાજ કુન્દ્રાએ શર્લિન ચોપરા વિરુદ્ધ 50 કરોડ રૂપિયાનો માનહાનિનો કેસ દાખલ કર્યો હતો.

    નોંધનીય છે કે, રાજ કુન્દ્રા તાજેતરમાં પોર્નોગ્રાફી કેસમાં ધરપકડ બાદ ચર્ચામાં હતા. આ કેસમાં પોલીસે શર્લિન ચોપરાનું નિવેદન નોંધ્યું હતું, જેણે તેના પર ઓનલાઈન પોર્ન બનાવવા અને તેનું વિતરણ કરવાનો આરોપ લગાવ્યો હતો.

    હાલમાં જ શર્લિન ચોપરાએ રાજ કુન્દ્રા અને શિલ્પા શેટ્ટી વિરુદ્ધ ફરિયાદ નોંધાવી હતી. (ટ્વિટર પ્રિન્ટશોટ)


    આ પછી શર્લિને તાજેતરમાં રાજ કુન્દ્રા અને શિલ્પા શેટ્ટી વિરુદ્ધ પોલીસ ફરિયાદ નોંધાવી હતી. શર્લિને રાજ કુન્દ્રા અને શિલ્પા શેટ્ટી વિરુદ્ધ માનસિક અને જાતીય સતામણી સાથે છેતરપિંડીનો કેસ દાખલ કર્યો હતો.

    આ પણ વાંચો - Birthday : અસિને પોતે જ જણાવ્યો પોતાના નામનો અર્થ, જાણો કેવી રીતે થઈ સિનેમામાં એન્ટ્રી

    એક પ્રેસ કોન્ફરન્સ દરમિયાન શર્લિને કહ્યું હતું કે, 'તમે છોકરીઓને તેમના શરીર બતાવવા માટે બોલાવીને તેમનું પેમેન્ટ કેમ ક્લિયર નથી કરતા? તમે તેમને કેમ છેતરો છો? શા માટે તમે તેમને ટોપી પહેરાવો છો? શું આ નૈતિક વ્યવસાય છે? તમારે બિઝનેસમેન બનવું છે, ટાટા બિઝનેસ કેવી રીતે કરે છે તે શીખો. તમે નૈતિકતા સાથે શું કરો છો, તમે જે વચન આપો છો તેનું પાલન કરો છો અને તમે શું કરો છો? તમે કલાકારના ઘરે જઈને તેમનું જાતીય શોષણ કરો છો. તે તેના ઘરે જાય તો તેને અંડરવર્લ્ડની ધમકી આપો છો. તેઓ કહે છે કે, યૌન શોષણનો કેસ પાછો લો નહીંતર તારૂ જીવન બરબાદ થઈ જશે.
    Published by:kiran mehta
    First published: