કોરોના પછી આ ફિલ્મોએ થિયેટરોને જીવંત કર્યા, જુઓ કઈ ફિલ્મએ પ્રથમ દિવસે કેટલી કમાણી કરી હતી

નવી દિલ્હી : કોવિડ-19 (Covid-19) પછી બોલિવૂડને સૌથી વધુ નુકસાન થયું છે. થિયેટર ઘણી વખત બંધ થયા તો અડધી સંખ્યા સાથે ખોલવામાં આવ્યા હતા. ઘણી મોટી ફિલ્મો સીધી OTT પર રિલીઝ થઈ હતી. શરૂઆતમાં, ફિલ્મ નિર્માતાઓને આ પગલા માટે ટીકાઓનો સામનો કરવો પડ્યો હતો, પરંતુ ધીમે ધીમે પ્રદર્શકો અને વિતરકો પણ સમજી ગયા કે, નિર્માતાઓ લાંબા સમય સુધી ફિલ્મોની રિલીઝને રોકી શકે નહીં. પરંતુ, તે જ સમયે તે સ્પષ્ટ થઈ ગયું કે OTTની અપીલ મર્યાદિત છે, તેથી મોટી ફિલ્મોને મોટા થિયેટરમાં રિલીઝ થવી જોઈએ.

સાઉથની ફિલ્મે જીવ ફૂંક્યો

સૌ પ્રથમ, કોવિડ-19માં બંધ થિયેટરમાં જીવ નાખવાનો પ્રયાસ સાઉથ ફિલ્મોના સુપરસ્ટાર વિજયની ફિલ્મ 'માસ્ટર' (Master) થી થયો હતો. આ ફિલ્મે સાઉથની સાથે હિન્દી પ્રદેશોમાં પણ સારું પ્રદર્શન કર્યું હતું. પરંતુ, કોરોનાની બીજી લહેર ફરી એકવાર સિનેમાઘરો પર ભારે પડી. પરંતુ, હવે એવું લાગે છે કે ફિલ્મ ઈન્ડસ્ટ્રી ધીમે ધીમે તેમાંથી બહાર આવી રહી છે. આ અઠવાડિયે ત્રણ અલગ-અલગ ભાષાઓમાં રિલીઝ થયેલી ફિલ્મ 'વાલીમાઈ', 'બિમલા નાયક' અને 'ગંગુબાઈ'એ સપ્તાહના અંતે સારું પ્રદર્શન કર્યું છે.

'ગંગુબાઈ કાઠિયાવાડી' (Gangubai Kathiawadi) ત્રીજી ફિલ્મ બની

સંજય લીલા ભણસાલીની આલિયા ભટ્ટ અભિનીત 'ગંગુબાઈ કાઠિયાવાડી' કોરોના પછીની ત્રીજી બોલિવૂડ ફિલ્મ બની છે જેણે રજાઓ સિવાય પણ આટલો મોટો બિઝનેસ કર્યો છે. સ્ત્રી-કેન્દ્રિત ફિલ્મ હોવા છતાં, તે રજા સિવાયના શુક્રવારે રિલીઝ કરવામાં આવી હતી. જોકે ફિલ્મના બજેટ પ્રમાણે ફિલ્મની કમાણી સાધારણ રહી હતી. પરંતુ, બાકીની ઇન્ડસ્ટ્રીની તુલનામાં, બોલિવૂડ ફિલ્મો દર્શકોનું ધ્યાન આકર્ષિત કરવામાં સક્ષમ નથી રહી. જો ફિલ્મની કમાણીમાં વીકેન્ડમાં વધારો જોવા મળે છે અને સોમવારે 40 ટકાથી ઓછો ઘટાડો જોવા મળે છે, તો તેને સફળ ગણવામાં આવશે.

અહીં જુઓ લીસ્ટ 

અમે કોરોના પછી થિયેટરોમાં રિલીઝ થયેલી ફિલ્મોના ઓપનિંગ કલેક્શનની યાદી (Bollywood Movie Box Office Collection) લઈને આવ્યા છીએ-

સૂર્યવંશી (sooryavanshi) - અક્ષય કુમાર સ્ટારર ફિલ્મ સૂર્યવંશીએ પ્રથમ દિવસે 26.29 કરોડની કમાણી કરી હતી, આ ફિલ્મ દિવાળી બાદ રિલીઝ થઈ હતી.

83 (Film 83) - રણવીર સિંહ સ્ટારર ફિલ્મ 83 એ પ્રથમ દિવસે 12.64 કરોડની કમાણી કરી હતી, આ ફિલ્મ ક્રિસમસ પર રિલીઝ થઈ હતી.

ગંગુબાઈ કાઠિયાવાડી (Gangubai Kathiawadi) - આલિયા ભટ્ટ અને અજય દેવગન સ્ટારર ફિલ્મ ગંગુબાઈ કાઠિયાવાડીએ પ્રથમ દિવસે 10.5 કરોડની કમાણી કરી છે

અંતિમ (Antim: The Final Truth) - સલમાન ખાનની અંતિમ ફિલ્મએ પ્રથમ દિવસે 5.03 કરોડની કમાણી કરી હતી

આ પણ વાંચો - Gangubai Kathiawadi BO Collection Day 2: વિકેન્ડ પર 'ગંગુબાઈ કાઠિયાવાડી' ફિલ્મએ મચાવી ધમાલ, જાણો કેટલી થઈ કમાણી

તડપ (Tadap) - સુનિલ શેટ્ટીનો દીકરા અહાન શેટ્ટીની ફિલ્મ તડપે પ્રથમ દિવસે 4.05 કરોડની કમાણી કરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Interesting story, Bollywood Latest News, Bollywood News in Gujarati, Box Office, Box office Collection, Gangubai kathiawadi